ဗိုလ်ချုပ်ကြီးမူတူးစေးဖိုးဦးဆောင်မည့် သတင်းစာရှင်းလင်းပွဲ မြ၀တီတွင် ပြုလုပ်မည်

အောက်တိုဘာလ ၁၀ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ကရင်အမျိုးသားအစည်းအရုံး-ကေအဲန်ယူ ဗဟိုဌာနချုပ်၏ ဆုံးဖြတ်ချက်ဖြင့် တာဝန်မှ ရပ်စဲခံထားရသည့် ထိပ်ပိုင်း ခေါင်းဆောင် ဗိုလ်ချုပ်ကြီးမူတူးစေးဖိုးက အောက်တိုဘာလ ၁၃ရက်နေ့တွင် ကရင်ပြည်နယ်၊ မြ၀တီမြို့ရှိ KNU ဆက်ဆံရေးရုံး၌ သတင်းစာရှင်းလင်းပွဲ ပြုလုပ်ကျင်းပသွားမည်ဖြစ်သည်။ တာဝန်မှ ရပ်စဲခံထားရသည့် ခေါင်းဆောင်များနှင့် ကေအဲန်ယူ ခရိုင်နှင့် တပ်မဟာခေါင်းဆောင်အချို့က အဖွဲ့အတွင်း ညီညွှတ်ရေး ပြန်လည်ရရှိရန် ရည်ရွယ်၍ ထိုင်း-မြန်မာနယ်စပ်တွင် ယမန်နေ့က တွေ့ဆုံဆွေးနွေးကြပြီးနောက် သတင်းစာရှင်းလင်းပွဲ ပြုလုပ်ရန် ယင်းသို့ ဆုံးဖြတ်ခဲ့ကြခြင်းဖြစ်သည်။ ကေအဲန်ယူ ဖားအံခရိုင် ဥက္ကဌ ပဒိုစောအောင်မော်အေးက “အဓိက ဒီသတင်းစာရှင်းလင်းပွဲမှာ ဖူးမူတူးစေးဖိုး (ကေ အဲန်ယူ စစ်ဦးစီးချုပ်)က လက်ရှိ ကေအဲန်ယူအတွင်း သဘောထားကွဲလွဲတယ်လို့ သတင်းထွက်တာနဲ့ ပတ်သက်ပြီး အခြေအနေ ဆိုးဆိုးဝါးဝါးမဖြစ်အောင် ညီညွှတ်မှုကို ဆက်ထိန်းထားဖို့ ရှင်းပြသွားမှာ ဖြစ်ပါတယ်”ဟု ကေအိုင်စီသို့ ပြောသည်။ ထို့အပြင် ကေအဲန်ယူအတွင်း ခေါင်းဆောင်များအချင်းချင်းကြား အစည်းအဝေးများ ဆက်လက် ကျင်းပပြီး တဆင့်ပြီး တဆင့် ဆွေးနွေးညှိနှိုင်းမှုများပြုလုပ်ကာ ညီညွှတ်မှုကို ရှေးရှု၍ မကြာမီ ပြုလုပ်ကျင်းပတော့မည့် ကေအဲန်ယူ၏ ၁၅ ကြိမ် ညီလာခံကြီးသို့ အားလုံး တက်ရောက်သွားရန် ရှိသည်ဟု သူက ဆက်ပြောသည်။ ယခု ပြုလုပ်မည့် ၎င်းသတင်းစာရှင်းလင်းပွဲကို တာဝန်မှ ရပ်စဲခံရသူ ကရင်အမျိုးသားလွတ်မြောက်ရေးတပ်မတော် -ကေအဲန်အယ်လ်အေ စစ်ဦးစီးချုပ် ဗိုလ်ချုပ်ကြီးစောမူတူးစေးဖိုး၊ ကျန်းမာရေးနှင့် ကယ်ဆယ်ရေးဌာန တာဝန်ခံ ပဒို စောရောဂျာခင်တို့ တက်ရောက်မည်ဖြစ်သော်လည်း ဗဟိုတရားရေးဌာနတာဝန်ခံ ပဒိုစောဒေးဗစ်ထော တက်ရောက် နိုင်ခြင်း ရှိမရှိကိုမူ မသိရသေးပါ။ ၎င်းသတင်းစာရှင်းလင်းပွဲတွင် ပြောရေးဆိုခွင့်ရှိသူများမှာ ဗိုလ်ချုပ်ကြီးမူတူးစေးဖိုးနှင့် ကေအဲန်ယူ အရံ ဗဟိုကော်မ တီဝင် ပဒိုမန်းငြိမ်းမောင်တို့ ဖြစ်သည်ဟု သိရသည်။ ထို့အပြင် ထိုင်း-မြန်မာနယ်စပ်အခြေစိုက် သတင်းထောက်များ၊ မြန်မာပြည်တွင်းရှိ သတင်းထောက်များ အပါအ၀င် သတင်းစာရှင်းလင်းပွဲသို့ တက်ရောက်သတင်းယူသူအားလုံးကို လက်ခံကြိုဆိုသည်ဟု ပဒိုစောအောင်မော်အေးက ပြောသည်။ စက်တင်ဘာလ ၂၇ရက်နေ့က ဗိုလ်ချုပ်ကြီးမူတူးစေးဖိုးဦးစီးကာ ကေအဲန်ယူ ခရိုင်၊ တပ်မဟာ ခေါင်းဆောင်အချို့ ပါဝင်သည့် ၃၁ဦးပါအဖွဲ့သည် ကရင်ပြည်နယ်၊ ဖားအံမြို့သို့ KNLA ဆက်ဆံရေးဖွင့်ရန် ထွက်ခွာသွားသည့် ခရီးစဉ် နှင့် ပတ်သက်၍ KNU ဗဟိုဌာနချုပ်မှ တစုံတရာ မသိရှိကြောင်း ကြေညာချက် ထုတ်ပြန်ခဲ့သည်။ ထို့နောက် KNU ဗဟိုအလုပ်အမှုဆောင်အဖွဲ့ဝင် ၁၁ဦးအနက် ဗိုလ်ချုပ်ကြီးမူတူးစေးဖိုး၊ ပဒိုစောရောဂျာခင်နှင့် ပဒို စောဒေးဗစ်ထော ၃ဦးတို့ကို စက်တင်ဘာလ ၂၇ရက်မှ ၂၉ရက်နေ့အထိ ပြုလုပ်ခဲ့သော ကေအဲန်ယူ ဗဟိုအလုပ်အမှု ဆောင် အစည်းအဝေး၏ ဆုံးဖြတ်ချက်အရ တာဝန်မှ ရပ်စဲခဲ့ခြင်းဖြစ်သည်ဟု သိရသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

KNU ခေါင်းဆောင်များ ပြန်လည်စည်းလုံးရန် ကြိုးပမ်းနေ

http://burma.irrawaddy.org/archives/22423

ကရင် အမျိုးသား အစည်း အရုံး (KNU) အဖွဲ့မှ ခေါင်းဆောင်များ အချင်းချင်း ပြန်လည်စည်းလုံး ညီညွတ်မှုရရှိရန် ယခုရက်ပိုင်း တွင် ကြိုးပမ်း နေကြသည်။ ပြီးခဲ့သည့် လကုန်ပိုင်းက ကရင်ပြည်နယ် ဘားအံမြို့တွင် ဗဟိုအဆင့် ဆက်ဆံရေးရုံး ဖွင့်လှစ်သည့် ကိစ္စနှင့် ပတ်သက်ပြီး KNU ခေါင်းဆောင်များကြား သဘောထား အမြင် ကွဲလွဲမှုများ ပေါ်ပေါက်ခဲ့ခြင်း ဖြစ်သည်။ “အဲဒီ အပေါ်မှာ ဗိုလ်ချုပ် မူတူးစေးဖိုးကတော့ ပြီးခဲ့တာတွေကို သင်ပုန်းချေကြပြီးတော့ ညီညီညာညာ ဆက်လက် ချီတက်သွား ကြ စို့ ဆိုတဲ့ခံယူချက် ရှိတယ်”ဟု KNU ဘားအံ ခရိုင် ဥက္ကဋ္ဌ ဖဒို စောအောင်မော်အေး က ဧရာဝတီသို့ ပြောသည်။ ကရင်အမျိုးသား လွတ်မြောက်ရေး တပ်မတော်(KNLA) စစ်ဦးစီးချုပ် ဗိုလ်ချုပ်ကြီး မူတူးစေးဖိုးနှင့် KNU ဗဟို အဖွဲ့တို့ ပြန်လည် စည်းလုံးညီညွတ်မှု ရရှိရန် ကြိုးပမ်းနေခြင်း ဖြစ်ကြောင်းလည်း ၎င်းက ဆိုသည်။ KNLA တပ်မဟာ ၅ နယ်စပ်တနေရာတွင် မကြာခင်ရက်ပိုင်း၌ KNUအဖွဲ့ ခေါင်းဆောင်များ တွေ့ဆုံရန် စီစဉ်ထားပြီး တပ်မဟာ ၅ ၊ တပ်မဟာ ၃ ခေါင်းဆောင်များ အပါအ၀င် ထားဝယ်ခရိုင် ဥက္ကဌ ဖဒို ကွယ်ထူးဝင်း နှင့် ဗိုလ်မှူး တူးတူးလေးတို့လည်း သွားရောက် မည် ဖြစ်ကြောင်း သိရသည်။ “ဘယ်လို မှားသလဲ၊ တဘက်က အမြင်ကတော့ လာဘ်စားမှုတို့၊ ခြစားမှုတို့ စွပ်စွဲထားတယ်”ဟု ဖဒို စောအောင်မော်အေးက ပြော ဆိုသည်။ ထိုစွပ်စွဲချက်များအပေါ် ဗိုလ်ချုပ်ကြီး မူတူးစေးဖိုးတို့ ဘက်က ပြန်လည်ဖြေရှင်းရန် အဆင်သင့်ရှိကြောင်း ပြောဆိုသည် ဟု လည်း သိရသည်။ ကရင်လူထု အခြေပြု အဖွဲ့အစည်း များကလည်း အချင်းချင်း ပြန်လည်စုစည်း ညီညွတ်စေလိုသည်ဟု KNU ခေါင်းဆောင်များ ထံ သွား ရောက် အသိပေးခဲ့ကြောင်း ယမန်နေ့က ကရင်သတင်းစဉ်(KIC) အင်တာနက် စာမျက်နှာတွင် ဖော်ပြထားသည်။ ဘားအံမြို့တွင် ဗဟိုအဆင့် ဆက်ဆံရေးရုံး ဖွင့်လှစ်မည့် ကိစ္စနှင့် ပတ်သက်ပြီး KNU အနေ နှင့် ဆောက်ရွက်ခြင်း မဟုတ်သည့်အပြင် KNLA ဗဟို စစ်ဌာနချုပ်၏ အစီအစဉ်လည်း မဟုတ်၍ KNU ဗဟိုမှ တစုံတရာ မသိရကြောင်း KNU ဗဟို က ထုတ်ပြန်ခဲ့သည်။ ထိုကဲ့သို့ ထုတ်ပြန်ပြီး နောက်ပိုင်း ဗိုလ်ချုပ်ကြီး မူတူးစေးဖိုး အပါအ၀င် ဗဟို တရားရေး ဌာန ဖဒို ဒေးဗစ်ထောနှင့် လူမှုဝန်ထမ်းနှင့် ကယ်ဆယ်ရေးဌာန တာဝန်ခံ ပဒိုရောဂျာခင် တို့ကို KNU ဗဟိုက တာဝန်မှ ရပ်စဲခဲ့သည်။ တာဝန်မှ ရပ်စဲလိုက်ကြောင်း ထုတ်ပြန်ခဲ့သည့် အမိန့်စာကိုလည်း KNU ဗဟို အလုပ်အမှုဆောင် ၁၁ ဦးထံ ပေးပို့ထားကြောင်း သိရ သည်။ ဘားအံ KNU ဆက်ဆံရေးရုံး ဖွင့်ပွဲသို့ ပြည်ထောင်စု အဆင့်ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဌ ဦးအောင်မင်း လည်း တက်ရောက်ခဲ့သည်။ ထို ဆက်ဆံရေးရုံး ဖွင့်လှစ်ရန် အတွက် စစ်ဦးစီးချုပ် ဗိုလ်ချုပ်ကြီး မူတူးစေးဖိုးက တပ်မဟာ ခေါင်းဆောင်တချို့ကို ဦးဆောင်၍ KNU ဗဟိုကော်မတီ ၀င်များနှင့် တိုင်ပင် ဆွေးနွေးခြင်း မရှိဘဲ သွားရောက်ခဲ့ကြောင်း KNU ဗဟိုက ပြောဆိုသည်။ KNLA တပ်ဖွဲ့ သည် KNU ၏ ဌာန ၁၄ ခုရှိသည့်အနက် ကရင်အမျိုးသား ကာကွယ်ရေး ဌာန အုပ်ချုပ်မှုနှင့် ဦးဆောင်မှုအောက်တွင် ရှိသော အဖွဲ့တခု ဖြစ်သည်။ KNU ခေါင်းဆောင်များအကြား ယင်းသို့ သဘောထား ကွဲလွဲမှုနှင့် ပတ်သက်ပြီး မကြာမီ ရက်ပိုင်းအတွင်း သတင်းစာ ရှင်းလင်းပွဲ တရပ် ကျင်းပရန် ရှိကြောင်း သိရသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

အမည်မသိ လူတစုက ခေါ်ဆောင်မှုကြောင့် နတ်ထိပ်ရွာသူကြီးနှင့် ရွာသားနှစ်ဦး ပျောက်ဆုံးနေ

ဇန်န၀ါရီ ၁၈ရက်၊ ၂၀၁၂။ စောခါးစူးညား၊ စောသိန်းမြင့် (ကေအိုင်စီ)

ကရင်ပြည်နယ် ဘားအံမြို့နယ် နတ်ထိပ်(လာ့ထနာ့)ကျေးရွာရှိ ရွာသူကြီးနှင့် ရွာသားနှစ်ဦးကို အမည်မသိ လူတစ်စုမှ ယခုလ ၁၆ရက်နေ့က ၎င်း၏နေအိမ်မှ ခေါ်ဆောင်သွားပြီးနောက် ယနေ့အထိ ပျောက်ဆုံးလျှက်ရှိကြောင်း သိရသည်။

ထိုနေ့ မွန်းလွဲ ၁နာရီအချိန်တွင် နတ်ထိပ်ရွာသူကြီးဖြစ်သူ အသက် ၄၅နှစ်အရွယ် စောအေးပေါ် အပါအ၀င် အသက် ၅၀နှစ်အရွယ် စောကော်ဖိုင့်နှင့် အသက် ၂၈နှစ်အရွယ် စောကျော်အဲချန်တို့ကို ပြောက်ကျားဝတ်စုံဝတ်ထားသည့် လူတစ်စုက ကားလေးစီးဖြင့် နေအိမ်အထိ လာရောက်ကာ ခေါ်ဆောင်သွားခြင်းဖြစ်သည်ဟု ဒေသခံတဦးက ပြောသည်။


သူက “သူကြီးနဲ့ ရွာသားနှစ်ယောက်ကို လာခေါ်တဲ့သူတွေက ပြောက်ကျားဝတ်စုံနဲ့ပဲ။ ဒါပေမယ့် ၀တ်စုံမှာ တံဆိပ်မပါတော့ ဘယ် အဖွဲ့ကလည်း မသိဘူး။ ကား ၄စီးနဲ့လာတာ။”ဟု ကရင်သတင်းဌာနသို့ ပြောသည်။

ခေါ်ဆောင်သွားခံရသူထဲမှ ရွာသူကြီးသည် နတ်ထိပ်ကျေးရွာတွင် မတရား ရောင်းစားခံခဲ့ရသည့် မြေလွတ်မြေရိုင်း ဧက ၃,၀၀၀ ကျော်ကို ရွာသားများ ပြန်လည်ရရှိအောင် နေပြည်တော်သို့ တိုင်ကြားစာများ ပို့ခဲ့ရာတွင် ကြိုးပမ်းပေးခဲ့သူဖြစ်သည်။ ယင်းကိစ္စကို နေပြည်တော်မှ အာဏာပိုင်များ၏ ၀င်ရောက်ဖြေရှင်းမှုကြောင့် မြေဧက ၂၃၇ဧကကို ယမန်နှစ် သြဂုတ်လက ရွာသားများ ပြန်လည် ရရှိခဲ့သည်။

ရွာသားများ၏ ဘိုးဘွားပိုင်ဖြစ်သော ထိုမြေလွတ်မြေရိုင်းများသည် နတ်ထိပ်ကျေးရွာ၏ အရှေ့ဘက်ခြမ်းနှင့် တောင်ဘက်ခြမ်းတွင် ရှိပြီး ၂၀၀၇ခုနှစ်မှ ၂၀၁၀ခုနှစ်အထိ (ယခင်)ဒီကေဘီအေမှ ဗိုလ်ကြာဝင်းနှင့် အစိုးရအာဏာပိုင်အချို့ ပူးပေါင်း၍ မြေကွက်ချကာ ရောင်းချမှုများ ပြုလုပ်ခဲ့ခြင်းဖြစ်သည်။

ယင်းသို့ ရွာသူကြီးနှင့် ရွာသားနှစ်ဦးကို လာရောက်ခေါ်ဆောင်သွားသူများမှာ ထိုဒေသရှိ ဒီကေဘီအေ အသွင်ပြောင်း နယ်ခြား စောင့်တပ်များ ဖြစ်နိုင်ကြောင်းနှင့် ပြီးခဲ့သည့်နှစ်က ဖြစ်ပွားခဲ့သည့် မြေလွတ်မြေရိုင်းကိစ္စနှင့် ဆက်စပ်မှုရှိနိုင်ကြောင်း နတ်ထိပ်ရွာခံ များက ခန့်မှန်း ပြောဆိုနေကြသည်။

လက်ရှိအချိန်တွင် ပျောက်ဆုံးနေသူများအတွက် သက်ဆိုင်ရာ မိသားစုဆွေမျိုးများနှင့် နတ်ထိပ်ရွာသူရွာသားများမှာ စိုးရိမ်ပူပန် လျှက်ရှိပြီး ရွာသားအချို့မှာ ယမန်နေ့က ဘားအံမြို့နယ်ရုံးသို့ သွားရောက်တိုင်ကြားထားခဲ့သည်။

ထို့အပြင် ကော့ကရိတ်မြို့နယ် ကျိုက်ပေါင်ကျေးနယ်ရှိ နယ်ခြားစောင့်တပ်စခန်းသို့ သွားရောက်တိုင်ကြားခဲ့ကြသော်လည်း တုံ့ပြန် မှု တစုံတရာ မရှိကြောင်း ဒေသခံများ၏ ပြောပြချက်အရ သိရသည်။ ကော့ကရိတ်မြို့နယ် ဂျိုင်းမြစ်အရှေ့ဖက်ရှိ ကျိုက်ပေါင်ကျေး နယ်၊ ဒေါ်လမ်းကျေးရွာ ကုလားကုန်းတွင် နယ်ခြားစောင့်တပ် (၁၀၁၆) တပ်စခန်းတစ်ခု ရှိသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

ထိုင်းနိုင်ငံဆိုင်ရာ US သံအမတ် နယ်စပ် ပညာရေး၊ ကျန်းမာရေးအခြေအနေ လာရောက်လေ့လာ

မတ်လ ၃၀ရက်။ စောခါးစူးညား (ကေအိုင်စီ)

ထိုင်းနိုင်ငံဆိုင်ရာ ယူအက်သံအမတ် Mrs. Ksistie Kenney နှင့် ဒေါက်တာစင်သီယာမောင် (Photo-KIC)


ထိုင်းနိုင်ငံဆိုင်ရာ အမေရိကန်ပြည်ထောင်စု(US) အမျိုးသမီးသံအမတ်ဖြစ်သူ Ksistie Kenney က ထိုင်း-မြန်မာနယ်စပ်ရှိ မယ်တော်ဆေးခန်း အပါအ၀င် ရွှေ့ပြောင်းအလုပ်သမားကျောင်းနှင့် မယ်လဒုက္ခသည်သို့ ယနေ့ လာရောက်လေ့လာခဲ့ သည်။

သံအမတ် Mrs. Ksistie Kenney သည် ယနေ့မနက် ၁၀နာရီခန့်တွင် ဒေါက်တာစင်သီယာ၏ မယ်တော်ဆေးခန်းသို့ လာ ရောက်လေ့လာခဲ့ပြီး မဲဆောက်မြို့ရှိ ဒေါက်တာစင်သီယာမောင်၏ မယ်တော်ဆေးခန်းသို့ လာရောက်ခဲ့ပြီးနောက် လူမှုရေး အဖွဲ့များမှ ဖွင့်လှစ်ထားသည့် စာသင်ကျောင်းအချို့နှင့် မယ်လဒုက္ခသည်စခန်းရှိ ပညာရေး၊ ကျန်းမာရေးလုပ်ငန်းများကို လေ့လာသွားခဲ့ခြင်းဖြစ်သည်။

သူမက “အမေရိကန်ပြည်ထောင်စုအနေနဲ့ ဒီ(ထိုင်း-မြန်မာနယ်စပ်)က လူဦးရေ အတော်များများကို ပံ့ပိုးခဲ့တာပါ။ ဒါကြောင့် ဒီမှာရှိတဲ့ ကျန်းမာရေးကူညီစောင့်ရှောက်ရေးလုပ်ငန်း၊ ပညာရေးလုပ်ငန်းနဲ့ ဒုက္ခသည်စခန်းတွေရဲ့ အခြေအနေကို သေသေ ချာချာဖို့ ရည်ရွယ်ပြီးတော့ သက်ဆိုင်ရာ လုပ်ငန်းတာဝန်ခံတွေနဲ့ ကိုယ်တိုင်လာတွေ့ဆုံတာဖြစ်ပါတယ်။ နောက်ထပ် သူတို့ ဘာတွေလုပ်ဆောင်မလဲနဲ့ ရှေ့ဆက်သူတို့ကို ဘယ်လိုကူညီပံ့ပိုးပေးဆိုတာပဲ ဖြစ်ပါတယ်။”ဟု သတင်းထောက်များကို ပြောကြားခဲ့သည်။

ဆက်လက်၍ သူမက အမေရိကန်ပြည်ထောင်စုက ထိုင်း-မြန်မာနယ်စပ်ရှိ ဒုက္ခရောက်မြန်မာနိုင်ငံပြည်သူများကို ကူညီ စောင့်ရှောက်ရန် လူသားချင်းစာနာသည့်အနေဖြင့် တနှစ်လျှင် အမေရိကန်ဒေါ်လာ (၂၄,၀၀၀,၀၀၀)၄၂သန်း ကူညီပံ့ပိုးခဲ့ သည်ဟုလည်း ပြောကြားခဲ့သည်။

Mrs. Ksistie Kenney သည် မယ်တော်ဆေးခန်းသို့ ရောက်ရှိချိန်တွင် မယ်တော်ဆေးခန်းမိသားစုဝင်များနှင့် စီဒီစီ ကျောင်း သားကျောင်းသူအချို့နှင့် တွေ့ဆုံနှုတ်ဆက်ကာ မယ်တော်ဆေးခန်း၏ လုပ်ငန်းပိုင်းဆိုင်ရာဌာနများကို လေ့လာကြည့်ရှုခဲ့ ပြီးနောက် ဒေါက်တာစင်သီယာမောင် အပါအ၀င် မဲဆောက်ရှိ ကျန်းမာရေး၊ လူမှုရေး၊ ပညာရေး လုပ်ငန်းလုပ်ကိုင်သူ အဖွဲ့ ၃ဖွဲ့မှ တာဝန်ရှိသူအချို့နှင့် နာရီဝက်ခန့် ဆွေးနွေးခဲ့ကြသည်။

အဆိုပါ ဆွေးနွေးမှုနှင့် ပတ်သက်၍ ဒေါက်တာစင်သီယာမောင်က “US သံအမတ်လာတာ အဓိကတော့ နယ်စပ်က ကျန်း မာရေးနဲ့ ပညာရေးကိစ္စတွေပါ။ နောက် အထူးသဖြင့်တော့ ရွေးကောက်ပွဲနောက်ပိုင်းမှာ လူထုတွေနဲ့ တည်ငြိမ်မှု၊ နယ်စပ် ဒေသရဲ့ လုံခြုံမှုအခြေအနေနဲ့ ဒုက္ခသည်တွေဖြစ်စေ၊ ရွှေ့ပြောင်းလူထုတွေရဲ့ ကျန်းမာရေး၊ ပညာရေးကိစ္စဖြစ်စေ၊ ဆက် လက် ပံ့ပိုးသွားမဲ့အခြေအနေမှာ ကျမတို့ ဘယ်လိုပူးပေါင်းဆောင်ရွက်ရမလဲဆိုတာကို ဆွေးနွေးဖို့ လာတာဖြစ်ပါတယ်။”ဟု ဆိုသည်။

ထို့နောက် မစ္စ Ksitie Kenney နှင့်အဖွဲ့သည် ညနေ ၂နာရီကျော်တွင် မယ်လဒုက္ခသည်စခန်းကို သွားရောက်ခဲ့ပြီး ရိက္ခာ ဂိုဒေါင်၊ စာသင်ကျောင်း၊ ဆေးရုံ၊ မသန်မစွမ်း ဒုက္ခိတဌာန၊ တတိယနိုင်ငံထွက်မည့်နေရာများကို လေ့လာကြည့်ရှုကာ ညနေ ၅နာရီကျော်တွင် စခန်းမှ ပြန်လည်ထွက်ခွာခဲ့သည်ဟု မယ်လစခန်းဥက္ကဌ စောထွန်းထွန်းက ပြောသည်။

သူက “သူလာတာက စခန်းရဲ့ အခြေအနေကို လေ့လာကြည့်ရှုတာသက်သက်ပဲ။ တခုခုဆွေးနွေးတာထက် စခန်းရဲ့ အခြေ အနေမှန်ကို လက်တွေ့ လေ့လာကြည့်ရှုပြီး သက်ဆိုင်ရာ လူတွေနဲ့ပဲ အမေးအဖြေလုပ်သွားတယ်။”ဟု ရှင်းပြသည်။

ထိုင်းနိုင်ငံဆိုင်ရာ အမေရိကန်ပြည်ထောင်စု(US) အမျိုးသမီး သံအမတ်ဖြစ်သူ Ksistie Kenney သည် ထိုင်း-မြန်မာနယ်စပ် ရှိ မြန်မာနိုင်ငံသားများ၏ လူထုအကျိုးပြုလုပ်ငန်းနှင့် ဒုက္ခသည်များအခြေအနေကို ပထမဦးဆုံးအကြိမ်အဖြစ် လာရောက် လေ့လာကြည့်ရှုခဲ့ခြင်းဖြစ်သည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

မယ်လဆေးရုံအုပ်အား တာဝန်မှ ယာယီရပ်ဆိုင်းမှုကို ဆေးဝန်ထမ်းများ ဆန္ဒပြ

ဖေဖော်ဝါရီလ ၄ရက်။ နန်းဖော့ဂေ (ကေအိုင်စီ)

မယ်လဒုက္ခသည်စခန်းရှိ Aide Medical International-AMI ဆေးရုံအုပ်ကို တာဝန်မှ ယာယီရပ်ဆိုင်းမှုအပေါ် လက်မခံနိုင် သည်ကို ဆန္ဒပြသည့်အနေဖြင့် ယနေ့မွန်းလွဲပိုင်းတွင် ဆေးရုံဝန်ထမ်းများအားလုံး လုပ်ငန်းခွင်မှ နေအိမ်သို့ ပြန်သွားကြ ကြောင်း ကိုယ်တိုင်မြင်တွေ့ခဲ့သူ ဒုက္ခသည်များက ပြောသည်။

ယနေ့မွန်းလွဲ ၁နာရီခန့်တွင် ဆေးရုံအတွင်း၌ AMI မှ တာဝန်ရှိသူများ၊ မယ်လဆေးရုံအုပ် ဆရာစောနေစဲန်တို့ ဆွေးနွေးပြောဆို ခဲ့ကြသည့်နောက် ဆေးဝန်ထမ်းများအားလုံး ဆေးရုံတွင်းရှိ လူနာများကို ထားခဲ့ကာ ယခုလို မိမိတို့နေအိမ်သို့ ပြန်သွားကြခြင်း ဖြစ်ကြောင်း မယ်လဒုက္ခသည်တစ်ဦးက ယခုလို ပြောသည်။

သူက “ဆေးဆရာ၊ ဆရာမတွေက နေ့လည်ကတည်းက ဆန္ဒပြတဲ့အနေနဲ့ အကုန်ပြန်ကုန်ကြပြီ။ ဆေးရုံမှာလည်း အချို့လူနာ တွေတောင် ကုသမဲ့ဆရာမရှိလို့ ပြန်သွားတာလည်းရှိတယ်။ ဒီညနေရောက်တော့ ဆေးရုံထဲမှာ လူနာတွေ တစ်ယောက်မှ မရှိ တော့ဘူး။”ဟု ကေအိုင်စီကို ပြောသည်။

ယင်းသို့ ဆရာစောနေစဲန်အား လုပ်ငန်းတာဝန်မှ ထုတ်ပစ်ရခြင်းမှာ ယခင်က သတိပေးချက်ကို မလိုက်နာမှုနှင့် ဆေးရုံတွင်း ကျန်းမာရေးကိစ္စများကို သတင်းဌာနထံ ပြောဆိုမှု စသည့်အကြောင်းပြချက်များဖြင့် ထုတ်ပစ်လိုက်ခြင်းဖြစ်ကြောင်း အမည်မ ဖော်လိုသူ ဆေးဝန်ထမ်းတစ်ဦးက ပြောသည်။

“စခန်းတွင်း ကျန်းမာရေးကိစ္စကို အရင်က သတင်းဌာနတွေနဲ့ ပြောခဲ့တာ အထက်က ခွင့်ပြုချက်မရဘဲ လုပ်ပိုင်ခွင့်မရှိဘူးဆိုပြီး သတိပေးခဲ့ဖူးတယ်။ အဲဒီတုန်းက ဘာမှမလုပ်ဘဲ မေ့မေ့ပျောက်ပျောက်ဖြစ်သွားတာကို အခုမှ နောက်ဆုံး သတိပေးချက်စာ ထုတ်ပြီး မနေ့က ကောက်ခါငင်ခါ လက်မှတ်လာထိုးခိုင်းတယ်လေ။ ဒါကို ဆရာနေစဲန်က ဒေါသထွက်သွားပြီး မထိုးပေးလိုက် ဘူး။ ဒီနေ့တော့ ၀န်ထမ်းတွေကို အသိပေးပြီးမှ သူ လက်မှတ်ထိုးလိုက်တယ်လေ။ ၀န်ထမ်းတွေက ဒါရိုက်တာကိုမေးတော့ ပုဂ္ဂိုလ်ရေးမို့ ၀န်ထမ်းတွေ ဘာမှဝင်ပြောစရာမလိုဘူးတဲ့။ ဒီလိုအကြောင်းပြချက် မရှင်းပြဘဲ ၀န်ထမ်းတယောက်ကို ထုတ်လိုက် ရင် နောက်လည်း အဲလိုထုတ်နေမှာပဲလေ။ ဒါကို လက်မခံနိုင်လို့ ဆေးရုံကနေ အကုန်လုံး ပြန်လာလိုက်တာပဲ။”ဟု ၎င်းဆေး ၀န်ထမ်းက ပြောသည်။

အဆိုပါကိစ္စနှင့် ပတ်သက်၍ ယနေ့ညနေပိုင်းတွင် ကရင်ဒုက္ခသည်ကော်မတီ(KRC)၊ စခန်းကော်မတီ၊ စခန်းဆိုင်ရာ ထိုင်းလုံခြုံ ရေးအဖွဲ့နှင့် AMI တာဝန်ရှိသူများက မယ်လစခန်း ဆေးရုံအတွင်း ဆွေးနွေးခဲ့ကြသည်။

ကေအာရ်စီ အတွင်းရေးမှူး စောဂျော့ဂ်ျက “ဒီနေ့ဖြစ်သွားတဲ့ကိစ္စက AMI ရဲ့ အုပ်ချုပ်ရေးပြဿနာ မပြေလည်တာပါ။ ကျနော် တို့အနေနဲ့တော့ ၀င်စွက်ဖက်လို့ မရဘူးလေ။ ဒါပေမဲ့ လူထုတွေကို မထိခိုက်အောင်တော့ သက်ဆိုင်ရာ အဖွဲ့က အမြန်ဆုံး ဖြေ ရှင်းသွားဖို့ ဆွေးနွေးဖြစ်ကြပါတယ်။ တကယ်လို့ လူထုပါ ထိခိုက်လာမယ်ဆိုရင် ၀င်ရောက်ဖြေရှင်းရတော့မှာပေါ့။”ဟု ကေအိုင် စီကို ပြောသည်။

ဒုက္ခသည်စခန်းများတွင် သတင်းဌာနများ၏ မေးမြန်းမှုကို ပြောဆိုဖြေကြားခွင့် ပိတ်ပင်ထားခြင်းမရှိသော်လည်း လုပ်ငန်းဆိုင်ရာ အဖွဲ့အစည်းနှင့် ပတ်သက်၍ တိုက်ရိုက် ကိုင်တွယ်ဖြေရှင်းခွင့်မရှိဟုလည်း ကေအာရ်စီက ပြောသည်။

အခြားဆေးဝန်ထမ်းတဦးက “ဆရာနေစဲန်ကို နိုင်ငံရေးလုပ်တယ်။ စီးပွားရေးလုပ်တယ်ဆိုပြီး စွပ်စွဲခဲ့ဖူးတယ်။ အခုဖြစ်တာက တော့ မနှစ်က ကူးစက်ရောဂါဖြစ်ပွားတဲ့ကိစ္စ သတင်းဌာနတွေဆီ ပို့ပေးတယ်ဆိုပြီး အပြစ်ရှာတာလေ။ စိတ်တိုင်းမကျတာ တခု ရှိလာရင် စည်းကမ်းတွေ တခုပြီးတခုထုတ်နေတာနဲ့ လိုက်နာလို့တောင် မကုန်တော့ဘူး။ ဒုက္ခသည်စခန်းမှာလည်း လွတ်လပ် စွာ ပြောဆိုခွင့်ဆိုတာ မရှိတော့ဘူး ဖြစ်နေပြီ။”ဟု ဆိုသည်။

ဆရာစောနေစဲန်မှာ မယ်လစခန်း ကျန်းမာရေးလုပ်ငန်းတွင် ယခင်က Medicines Sans Frontieres-MSF တွင် တာဝန်ယူခဲ့ပြီး နောက် ၂၀၀၅ခုနှစ်တွင် ပြောင်းလဲဝင်ရောက်လာသည့် AMI ၌ ယခုအချိန်ထိ ဆက်လက် လုပ်ကိုင်နေသူဖြစ်သည်။ ပြီးခဲ့သည့် နှစ်က မယ်လစခန်းတွင် ၀မ်းလျှော၊ တုပ်ကွေး ကူးစက်ရောဂါဖြစ်ပွားမှုအပေါ် သတင်းမီဒီယာများ၏ ဆက်သွယ်မေးမြန်းချက် ကို ဆရာနေစဲန်အနေဖြင့် ဖြေကြားပြောဆိုမှုများ ရှိခဲ့သည်။

ဝန်ထမ်းပေါင်း ၂၁၈ဦးရှိသည့် AMI သည် မယ်လစခန်းတွင် ဆေးရုံလုပ်ငန်းအပြင်၊ ပြင်ပလူနာဌာနနှင့် အဆုတ်ရောဂါ ကုသ ရေးဆေးရုံကိုလည်း တွဲဖက်လုပ်ဆောင်နေသည့် ကျန်းမာရေးအဖွဲ့အစည်းတစ်ခုဖြစ်သည်။ လက်ရှိအချိန်တွင် အဆိုပါဆေးရုံ တာဝန်ခံကို လုပ်ငန်းတစ်ပတ် ရပ်ဆိုင်းထားသည့်အတွက် စခန်းတစ်ခုလုံးရှိ အခြားဆေးဝန်ထမ်းများကလည်း အလားတူ လုပ် ငန်းခွင်မှ ရပ်နားထားကြောင်း သိရသည်။

လွန်ခဲ့သည့် ၂၀၀၄ခုနှစ်ခန့်ကလည်း ထိုင်းနိုင်ငံ၊ မဲ့ဟောင်ဆောင်ခရိုင်ရှိ မယ်ရာမိုဒုက္ခသည်စခန်းတွင် ကျန်းမာရေး အဲန်ဂျီအို MHD အပေါ် စခန်းရှိ ဆေးဝန်ထမ်းများက ဆန္ဒပြမှုတစ်ခုလည်း ဖြစ်ပွားခဲ့သေးသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

နယ်ခြားစောင့်တပ်က သက်ကြီးရွာသားတဦးကို အကြောင်းမဲ့ ပစ်ခတ်

ဖေဖော်ဝါရီလ ၃ရက်။ နန်းဖော့ဂေ (ကေအိုင်စီ)

မြ၀တီမြို့နယ်၊ မဲ့ကနဲကျေးရွာအနီးရှိ ကရင်နယ်ခြားစောင့်တပ်ဂိတ်မှ အသက်ကြီး ရွာသားတစ်ဦးကို ယမန်နေ့က သေနတ်ဖြင့် အကြောင်းမဲ့ ပစ်ခတ်ခဲ့သဖြင့် မြ၀တီဆေးရုံသို့ အချိန်မီ ပို့ဆောင်ခဲ့သော်လည်း ဒဏ်ရာပြင်းထန်ကာ ကိုယ်တွင်းမှ ကျည်ဆံကို ခွဲထုတ်ရမည့် အခြေအနေတွင်ရှိနေကြောင်း သိရသည်။

သေနတ်ဖြင့် အပစ်ခံရသူမှာ အသက် ၅၇နှစ်ရှိ ဦးစောအကျော်ဖြစ်ပြီး နယ်ခြားစောင့်တပ်ဂိတ်ကို ဖြတ်ပြန်အလာတွင် နောက် ဘက်မှ သေနတ်ဖြင့် ပစ်ခတ်ခံရခြင်းဖြစ်ကြောင်း မြ၀တီမြို့ခံတစ်ဦးက ကေအိုင်စီကို ယခုလို ပြောသည်။

“ဖြစ်တဲ့နေရာက မဲ့ကနဲရွာနဲ့ မနီးမဝေးက ဒဲအူးထာ့မှာလေ။ အဲဒီမှာက BGF တပ်စခန်းရှိတယ်။ သူတို့ဂိတ်ကို ဖြတ်ပြန်လာ တော့ အဲဒီလူကို ဆေးလိပ်တောင်းသောက်တယ်။ ငွေလည်းတောင်းတာပေါ့။ အဘိုးကြီးက မရှိဘူးလို့ ပြောပြီး ပြန်လာတာကို နောက်ကျောကနေ သေနတ်နဲ့ လှမ်းပစ်ထဲ့လိုက်တယ်။ အဘိုးကြီးလည်း ထိပြီး ပြန်ပြေးလာတာပဲ။ လမ်းမှာ ရွာသားတွေနဲ့ ဆုံ လို့ လော့ထယ်(ထော်လာဂျီ)နဲ့ ဆေးရုံပို့လိုက်ရတယ်။”ဟု ဆိုသည်။

ယင်းသို့ ပစ်ခတ်ခဲ့သည်မှာ ဗိုလ်မှူးစောမုတ်သုန် ဦးဆောင်သည့် နယ်ခြားစောင့်တပ်(၁၀၂၂)မှ ဗိုလ်သိန်းတန်၏ တပ်ဖွဲ့ဝင်များ ဖြစ်ကြောင်း သိရသည်။

အမည်မဖော်လိုသူ ရွာသားတစ်ဦးက “BGF တပ်တွေကလည်း သူတို့လည်း ကရင်တွေဖြစ်ပြီး ဘာအကြောင်းမှ မဟုတ်ဘဲ ကိုယ့်ရွာသားတွေကို ဒီလိုမျိုးလုပ်တာ စိတ်မကောင်းဘူး။”ဟု ပြောဆိုသည်။

ပစ်ခတ်ခံရသည့် အဆိုပါရွာသားမှာ နောက်ကျောမှ ပေါက်မထွက်ဘဲ ကိုယ်တွင်းကျည်ဆံကျန်နေပြီး လက်ရှိအချိန်တွင် ၎င်း ကျည်ဆံကို ခွဲထုတ်ယူရမည့် အခြေအနေဖြစ်နေကြောင်း အခြားနီးစပ်သူတစ်ဦးက ပြောသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

နအဖ တပ် ခလရ (၅၄၈) ကိုဆုံးမလိုက်ခြင်း

KNLA တပ်ရင်း (၁၀၁) မှ ရဲဘော်များ

ကရင်ပြည်နယ်၊ ဖလူးဒေသတွင် ယနေ့နံနက် ၇း၃၀ မှစတင်ပြီး ညနေမိုးချုပ်ချိန်ထိ တစ်နေကုန် ပြင်းထန်စွာတိုက်ပွဲဖြစ်ခဲ့ပါသည်။

ဖလူးဂွင်ထဲသို့ဝင်လာသော ခလရ (၅၄၈) နှင့် KNLA-DKBA ပူးပေါင်းတပ်တို့ ထိပ်တိုက်ရင်ဆိုင် တိုက်ပွဲဖြစ်ခဲ့ပါသည်။ ပူးပေါင်း

တပ်တွင် DKBA နှင့် အတူ KNLA မှ အထူးတပ်ရင်း (၁၀၁) တုိ့ ပါဝင်တိုက်ခိုက်ကြပါသည်။ တိုက်ပွဲတွင် နအဖ တပ်မှ

အယောက် (၃၀) ထက်မနည်း သေကြေ/ ထိခိုက်ဒဏ်ရာ ရခဲ့ပြီး KNLA-DKBA ပူးပေါင်းတပ်ဖက်တွင် ထိခိုက်ဒဏ်ရာရရှိခြင်းမရှိခဲ့ပါ။

နိုဝင်ဘာလမှ စတင်ပြီး ဖလူးဒေသသို့ နအဖ မှ တပ်ရင်း (၇) ပို့ပြီး နယ်ခြားစောင့်တပ် ကို လက်မခံသော ဗိုလ်မှုးချုပ်နှုတ်ခမ်းမွှေးဦးဆောင်သည့်အဖွဲ့ ကိုတိုက်ခိုက်နေခဲ့သည်။

http://www.karenunited.com/

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

ရခိုင်အခြေစိုက် နအဖတပ်ရင်း အများအပြား ကရင်ပြည်နယ်သို့ စစ်ကူ ပို့

မောင်အေး
-------------
ရခိုင်ပြည်နယ်တွင် အခြေစိုက်သော တပ်ရင်း အများအပြားကို လက်ရှိ မြန်မာနိုင်ငံ အရှေ့ဘက်ခြမ်းတွင် တိုင်းရင်းသား တော်လှန်ရေး အဖွဲ့များနှင့် ဖြစ်ပွားနေသော စစ်ပွဲများတွင် ပါဝင် တိုက်ခိုက်ရန် အတွက် စစ်ကူ ပို့ဆောင် နေကြောင်း ဒေသခံ မျက်မြင် ပြည်သူများနှင့် စစ်တပ်မိသားစုများက ပြောသည်။


လက်ရှိ ကရင်ပြည်နယ်ဘက်သို့ ထွက်ခွာနေသော စစ်တပ် တပ်ရင်းများမှာ ကျောက်တော်၊ မြောက်ဦးနှင့် စစ်တွေမြို့နယ်များတွင် အခြေစိုက်ထားသော တပ်ရင်းများ ဖြစ်ကြပြီး တပ်ရင်း တခုစီတွင် အင်အား ၁၀၀ နှင့် ၂၀၀ အကြားရှိကြောင်း မျက်မြင်များက ပြောသည်။

“ ကျောက်တော်မြို့နယ် ဒေါင်းဒေါင်ယိုး အခြေစိုက်တဲ့ တပ်ရင်းတွေနဲ့ တခြားတပ်ရင်းတွေက စစ်သားတွေ ကို အလုံးအရင်နဲ့ စစ်ကားတွေနဲ့ ပို့နေတာ ခုဆိုရင် တပ်ရင်းတွေမှာ စစ်သားတွေ မရှိသလောက် ဖြစ်သွားပါပြီ။ တပ်ရင်း လုံခြုံရေး အတွက် ကျန်းမာရေးအရ ရှေ့တန်းကို လုံးဝ မလိုက်နိုင်တဲ့ စစ်သားတွေနဲ့ မိသားစုတွေဘဲ ကျန်နေတာကို တွေ့ရပါတယ်။ တပ်ရင်းတွေမှာ အခု မြင်နေရတာကတော့ အမျိုးသမီးတွေနဲ့ ကလေးတွေဘဲ ဖြစ်ပါတယ်” ဟု စစ်တပ်မိသားစုနှင့် ရင်းနှီးသူ တစ်ဦးက ပြောသည်။

ယခုလက်ရှိ ကရင်ပြည်နယ်ဘက်သို့ တပ်ကူ လိုက်သွားသော တပ်ရင်းများမှာ ကျောက်တော်အခြေစိုက် ၃၇၇၊ ၃၇၈၊ ၅၄၀၊ မြောက်ဦး အခြေစိုက် ၅၃၉၊ ၅၃၅ ပုဏ္ဍားကျွန်း အခြေစိုက် ၅၄၅နှင့် စစ်တွေ အခြေစိုက် ၂၅၂ တို့ဖြစ်ကြသည်။

စစ်တပ်နှင့် နီးစပ်သူ တစ်ဦးက “ သူတို့ကို ဒီလ ၇ ရက် နေ့က တည်းက တပ်ရင်း အလိုက်ပို့နေတာ ဖြစ်ပါတယ်။ လစာတွေ ထုတ်ပီးတာနဲ့ ခြောက်သွေ့ရာသီ ထိုးစစ်ဆိုပြီး အသုတ်လိုက် ကားတန်းတွေနဲ့ ပို့နေပါတယ်။ ရခိုင်ပြည်နယ်က တခြား သံတွဲ၊ ကျောက်ဖြူ၊ အမ်း၊ တောင်ကုတ်က တပ်ရင်းတွေနဲ့ ဆိုရင် တပ်ရင်း ၂၀ ကျော်ထိ ကရင်ပြည်နယ်ဘက်ကို ပို့ဆောင်မယ် ထင်ပါတယ်” ဟု ပြောသည်။


မြောက်ဦး ဒေသခံ တစ်ဦးကလည်း “ဘယ်တပ်ရင်းတော့ မသိဘူး။ လွန်ခဲ့တဲ့ စနေနေ့က စစ်သား ၃၀၀ ခန့်ဟာ မြောက်ဦး နန်းရာကုန်းပေါ်မှာ တန်းစီပြီး အောင်မြေနင်းနေတာတွေ့ ရတယ်။ စစ်မထွက်ခင် မြောက်ဦး နန်းရာကုန်းရှင်မကို ဆီမီး နံ့သာတွေနဲက ပသ ပူဇော်တယ်လို့လည်း သိရပါတယ်။ နန်းရာကုန်း အောက်မှာလည်း စစ်ကားတွေအများကြီး ရပ်ထားတာ တွေ့ရတယ်” ဟု ပြောသည်။

ယခုကဲ့သို့ ကရင် ရှေ့တန်းကို ပို့ဆောင်မည်ကို သိသော စစ်သား အများအပြားမှာလည်း ရခိုင်ဘက်မှ ကရင်ပြည်နယ်သို့ စစ်မထွက်မှီ တပ်မှ ထွက်ပြေးသွားကြကြောင်း အဆိုပါ မြောက်ဦးမြို့ခံမှ ပြောသည်။

ယခင်ကလည်း မြန်မာနိုင်ငံအရှေ့ဘက်တွင် တိုင်းရင်းသား လက်နက်ကိုင် တိုင်းရင်းသား တော်လှန်ရေး အဖွဲ့အစည်းများနှင့် ဖြစ်ပွားသော တိုက်ပွဲများတွင် အသုံးပြုရန် အတွက် ရခိုင် အခြေစိုက် တပ်ရင်းများကို စစ်ကူလိုက်ရန် ပြောင်း ရွေ့မှုများရှိခဲ့သော်လည်း ယခုလောက် တပ်အင်အား မများပြားကြောင်း သိရသည်။

ယခု စစ်တပ်တပ်ရင်း အများအပြားကို ပို့ဆောင်နေခြင်းမှာ DKBA မှ နယ်ခြောင်းစောင့်အဖြစ် လက်မခံသည့် ဗိုလ် နှုတ်ခမ်းမွေးတပ်အပါ အ၀င် တခြား ငြိမ်းချမ်းရေး ယူထားသည့် လက်နက်ကိုင် တိုင်းရင်းသားတပ်များနှင့် စစ်ရေးတင်မာနေသည့် အတွက် ပို့ဆောင်းခြင်း ဖြစ်ကြောင်း သိရသည်။

http://www.narinjara.com/detailsbur.asp?id=2970

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

မိနစ်ပိုင်း ပြောက်ကျားတိုက်ပွဲတွင် နအဖ ၃ဦးကျ

ဇန်န၀ါရီလ ၇ရက်။ ကေအိုင်စီ

မြ၀တီမြို့နယ် ဖလူးလေးရွာအနီးတွင် နအဖ စကခ(၁၂) လက်အောက်ခံ တပ်ဖွဲ့ဝင်များနှင့် ဒီကေဘီအေတပ်များ ယမန်နေ့က ပြောက်ကျားတိုက်ပွဲ ဖြစ်ပွားခဲ့ရာ နအဖဘက်မှ ၃ဦး ကျဆုံးခဲ့သည်ဟု ဒီကေဘီအေဘက်က ပြောသည်။

ထိုနေ့ မွန်းလွဲ ၁နာရီခွဲအချိန်တွင် ဒီကေဘီအေမှ ဗိုလ်ကြီးစောဘလာနာ့၏ တပ်ဖွဲ့နှင့် နအဖ တပ်များ မိနစ်ပိုင်းအတွင်း ပြောက်ကျားပစ်ခတ်မှုဖြစ်ပွားခဲ့ရာမှ နအဖဘက်မှ ယခုလို ပွဲချင်းပြီး ၃ဦးကျဆုံးခဲ့သလို တစ်ဦးမှာ မိုင်းနင်းမိသွားခဲ့ကြောင်း ဒီကေဘီအေ တပ်မဟာ(၅)မှ စစ်ဆင်ရေးမှူး ဗိုလ်မှူးစောဆန်းအောင်က ပြောသည်။

“ဗိုလ်ကြီးဘလာနာ့အဖွဲ့ကတော့ ဖလူးလေးအနားမှာ နအဖကို ပြောက်ကျားသွားတိုက်တာပဲ။ နအဖကို ငါးချက်သွားပစ်တာ ၃ ယောက် ကျသွားတယ်။ ၂ချက်ကတော့ မထိလို့။ နအဖဘက်ကတော့ လက်နက်ကြီးတွေနဲ့ ပြန်ပစ်တာတော့ ရှိတာပေါ့။ နောက် သူတို့လူတစ်ယောက်လည်း မိုင်းနင်းမိတယ်လေ။”ဟု ဆိုသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

နအဖ ဗိုလ်မှူးချုပ် ဇော်မင်းနှင့် မြ၀တီမြို့  အာဏာရူးလက်ပါးစေများ လိမ်ညာဝါဒဖြန့့်စာရွက်များ ဝေငှနေ။

နအဖ သန်းရွှေရဲ့  ညွှန်ကြားချက်နဲ့  ကရင်ပြည်နယ် အေးချမ်း သာယာရေး နှင့် ဖွံ့ဖြိုးရေး ကောင်စီ ဥက္ကဌ ဗိုလ်မှူးချုပ် ဇော်မင်းနှင့် မြ၀တီမြို့  အာဏာရူးလက်ပါးစေများဟာ အောက်ဖေါ်ပြပါ လိမ်ညာဝါဒဖြန့် စာရွက်များကို မြ၀တီမြို့ အတွင်းရှိ ကားဂိတ်များနဲ့  နေရာအနှံ့ မှာ လိုက်လံ ဝေငှနေပါတယ်။ အဆိုပါ နအဖ၀ါဒဖြန့်  စာရွက်များအတွင်းမှာ ကရင်ပြည်သူလူထုနဲ့  အာဏာရှင်ဆန့် ကျင်ရေး တော်လှန်ရေးတိုက်ပွဲဝင် ဗိုလ်နှုတ်ခမ်းမွှေး (ခ) ဗိုလ်စောလားဘွယ်တို့ အကြား သွေးခွဲလုပ်ကြံရေးသားထားတဲ့ အချက်တွေ ပါရှိပါတယ်။









အာဏာရူးကြီး သန်းရွှေ ဦးဆောင်တဲ့ နအဖတွေဟာ ပြည်သူလူထုအကြား တိုင်းရင်းသားတွေအကြား သွေးစည်းညီညွတ်မှုကို အမျိုးမျိုးသော ကောက်ကျစ်ယုတ်မာလှည့်ဖြားသော နည်းလမ်းများနဲ့  သွေးခွဲဖျက်ဆီးနေပါတယ်။

ပြည်သူပြည်သားအချင်းချင်း တိုင်းရင်းသားများအချင်းချင်းကြားမှာ သပ်လျှိုဖြိုခွဲပြီး ပဋိပက္ခဖြစ်ပွားအောင် သွေးထွက်သံယိုဖြစ်အောင် သံသယအမုန်းပွားမှုတွေ ဖြစ်အောင် ယခုလို သွေးခွဲမှုတွေကို လုပ်ဆောင်နေတာကို ပြည်သူတွေအနေနဲ့  တိုင်းရင်းသားပြည်သူတွေအနေနဲ့  အထူးသတိထားကြဖို့  လိုပါတယ်။

(နအဖ၀ါဒဖြန့် စာရွက်များအား သိသာစေရန် ပေးပို့ လာသော မြေသြဇာအဖွဲ့ မှ ကျော်ကျော်အား ကျေးဇူးတင်ရှိပါသည်)။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

ကေအဲန်ယူ၏ စောင့်ကြိုတိုက်ခိုက် မှုကြောင့် ရက်ပိုင်းအတွင်း နအဖ နှင့် BGF ကျဆုံးထိခိုက်မှုရှိ

ဒီဇင်ဘာလ ၂၅ရက်။ နန်းဖော့ဂေ (ကေအိုင်စီ)












လှိုင်းဘွဲမြို့နယ်ရှိ မာနယ်ပလောဒေသတွင် ယခု ရက်ပိုင်းအတွင်း ကရင်အမျိုးသားလွတ်မြောက်ရေးတပ်ဖွဲ့ KNLA ၏ စောင့် ကြိုတိုက်ခိုက်မှုကြောင့် နအဖ ခလရ(၁၀၆)တပ်ဖွဲ့မှ ကျဆုံးပြီး နယ်ခြားစောင့်တပ် BGF မှ ထိခိုက်ဒဏ်ရာရရှိမှုများရှိကြောင်း ကေအဲန်ယူ တပ်မဟာ(၇)က ပြောသည်။

နအဖ ခလရ(၁၀၆)တပ်ဖွဲ့ဝင်များသည် ဒီဇင်ဘာလ ၂၃ရက်နေ့မနက်ပိုင်းမှစ၍ ၎င်းတို့လက်နက်ကြီးတပ်ဆင်ထားရာ ကဆော ၀ါးလေး၊ ကြယ်ပြောင်ကုန်းနေရာများမှ မာနယ်ပလောရှိ ကေအဲန်ယူတပ်များ ရှိနိုင်မည့်နေရာများသို့ လက်နက်ကြီးများဖြင့် ပစ် ခတ်ခဲ့ပြီးနောက် စစ်ကြောင်းတက်လာရာ မွန်းလွဲပိုင်း၌ မောကွီးနေရာအရောက်တွင် ကေအဲန်ယူ တပ်မဟာ(၇) လုံခြုံရေးတပ်ခွဲ ၏ စောင့်ကြိုတိုက်ခိုက်ခြင်းခံရပြီး ခလရ(၁၀၆) တပ်ဖွဲ့ဝင် ၅ဦး ကျဆုံးခဲ့သည်ဟု ကေအဲန်ယူ တပ်မဟာ(၇)မှူးက ကေအိုင်စီ ကို ပြောသည်။

ကေအဲန်ယူ တပ်မဟာ(၇)မှူး ဗိုလ်မှူးချုပ်စောဂျော်နီက “အဲဒီနေ့ မနက်ပိုင်းကတည်းက နအဖ ခလရ(၁၀၆)က မာနယ်ပလော ဂွင်မှာ လက်နက်ကြီးတွေ အလုံး ၅၀ကျော် ပစ်ချတယ်လေ။ သဘောက သူတို့တက်လာဖို့အတွက် အဲဒီမှာလှုပ်ရှားနေတဲ့ ကျနော်တို့တပ်တွေ ရှိနိုင်တဲ့နေရာကို လှမ်းပစ်တာ။ မွန်းလွဲ ၂း၅၅နာရီမှာ သူတို့တက်လာတော့ ကျနော်တို့တပ်တွေက စောင့် ပြီးပစ်တယ်။ အဲဒီမှာ တခါတည်းပဲ နအဖ ၅ယောက် ကျသွားတယ်။”ဟု ဆိုသည်။

အဆိုပါမွန်းလွဲပိုင်း တိုက်ပွဲမှာ ၈မိနစ်သာ ကြာမြင့်သော်လည်း နအဖတပ်များက ၁၂၀-မမ စိန်ပြောင်း၊ ၆၀-မမ၊ ၈၁-မမနှင့် RPG-7 စသည့် လက်နက်ကြီး အမျိုးအစားများကိုသုံးပြီး မာနယ်ပလောဂွင်တစ်ဝိုက်တွင် နယ်မြေရှင်းလင်းသည့်အနေဖြင့် ပစ် ခတ်နေခြင်း ဖြစ်သည်။

ထိုနေ့မနက် ၇နာရီကျော်၊ ညနေ ၅နာရီနှင့် ည ၁၁နာရီအချိန်တို့တွင် နယ်ခြားစောင့်တပ်(၁၀၁၂)တပ်ဖွဲ့နှင့် ကေအဲန်ယူ တပ်ဖွဲ့ ၀င်များ ပလီတခေါ်ကျိုးနေရာ၌ ပစ်ခတ်မှုဖြစ်ပွားရာ နယ်ခြားစောင့်တပ်ဖွဲ့ဝင် ၄ဦး ဒဏ်ရာရရှိခဲ့သည်။

အလားတူ ထိုနေ့ညနေ၌လည်း ကြာအင်းဆိပ်ကြီးမြို့နယ် ကျိုက်ဒုံရွာအထက်ဘက် တောင်ခြေတနေရာတွင် နအဖ ခမရ (၅၈၈)တပ်နှင့် ကရင်တပ်ဖွဲ့များ တိုက်ပွဲဖြစ်ပွားရာ နအဖဘက်မှ ၄ဦး ကျဆုံး၊ ၄ဦး ထိခိုက်ဒဏ်ရာရရှိခဲ့ကြောင်း သိရသည်။

ဒီဇင်ဘာလ ၂၂ရက်နေ့ကလည်း အင်အား ၆၀ကျော်ရှိ အဆိုပါ ခလရ(၁၀၆)မှ စစ်ကြောင်းတကြောင်းကို ကေအဲန်ယူ တပ်ဖွဲ့ ၀င်များက ကြယ်ပြောင်ကုန်းတ၀ိုက်တွင် စောင့်ပစ်ရာ တပ်သားတဦး၊ ဒုတပ်ကြပ်၊ တပ်ကြပ်ကြီးနှင့် ဗိုလ်တစ်ဦး စုစုပေါင်း ၄ဦး ကျဆုံးသွားခဲ့သည်။

၎င်းအပြင် ကလူးထောအခြေစိုက် ဗိုလ်မှူးစောပိ ဦးစီးသည့် နယ်ခြားစောင့်တပ်(၁၀၁၂)တပ်ဖွဲ့ဝင်များနှင် ကေအဲန်ယူ တပ်ရင်း (၂၀၂)တပ်ဖွဲ့များ ပစ်ခတ်မှုဖြစ်ပွားရာ မနက် ၆နာရီဝန်းကျင်တွင် ဟောထီးပယ်နေရာ၌ ၂ဦး ထိခိုက်မှုရှိပြီး မွန်းလွဲ ၂နာရီခွဲတွင် သေ့ဝါ့လော်ကျိုးနေရာ၌ ၁ဦး ထိခိုက်မှုရှိကြောင်း ကေအဲန်ယူ တပ်မဟာ(၇) ဒုရုံးထိုင်မှူး ဗိုလ်ကြီးစောမျိုးမင်းသူက ပြောသည်။

ယင်းတိုက်ပွဲများတွင် ကေအဲန်ယူဘက်မှ ထိခိုက်ကျဆုံးမှုမရှိသည့်အတွက် ထိုကိစ္စနှင့်ပတ်သက်၍ ဗိုလ်မှူးချုပ်စောဂျော်နီကို ကေအိုင်စီက မေးမြန်းရာ “ကျနော်တို့က ကိုယ့်လူကို အထိခိုက်၊ အကျဆုံးမခံနိုင်အောင် ပြောက်ကျားနည်းနဲ့ပဲ တိုက်ခိုက်စေ တယ်။ ဒီနည်းက ကိုယ့်တပ်ဖွဲ့ဝင်တွေကို ဆုံးရှုံးမှုနည်းစေတယ်လေ။”ဟု ရှင်းလင်းပြောဆိုသည်။

နအဖ တပ်ဖွဲ့ဝင်များနှင့် နယ်ခြားစောင့်တပ်များသည် လှိုင်းဘွဲ၊ ကော့ကရိတ်၊ မြ၀တီနှင့် ကြာအင်းဆိပ်ကြီးမြို့နယ်များတွင် ကေအဲန်ယူ၊ ဒီကေဘီအေတပ်များနှင့် တိုက်ပွဲများ နေ့စဉ်လို ဖြစ်ပွားနေသော်လည်း ၎င်းတို့ဘက်မှ ထိခိုက်ကျဆုံးမှုကို ထုတ် ဖော်ပြောဆိုခြင်း မရှိပေ။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

ဖာပွန်မြို့နယ်အခြေစိုက် နယ်ခြားစောင့်တပ်ရင်းတရင်း မာနယ်ပလောဒေသသို့ စစ်ကူအဖြစ်သွား

ဒီဇင်ဘာလ ၂၅ရက်။ စောခါးစူးညား (ကေအိုင်စီ)

ကရင်ပြည်နယ်၊ ဒွယ်လိုးမြို့နယ် ကတိုင်တိ(ကတဲတိ)ကျေးရွာအုပ်စုတွင် အခြေစိုက် လှုပ်ရှားနေသည့် အင်အား ၂၀၀၀န်းကျင် ရှိ နယ်ခြားစောင့်တပ်(BGF) (၁၀၁၄)တပ်ရင်းသည် ယွန်းစလင်းချောင်း အရှေ့ဘက်ခြမ်းကို ဖြတ်ကူး၍ မာနယ်ပလောဒေသ သို့ စစ်ကူအဖြစ် ယမန်နေ့က စတင် ထွက်ခွာသွားသည်ဟု သိရသည်။

ကရင်ပြည်နယ်၊ လှိုင်းဘွဲမြို့နယ်အတွင်းရှိ မာနယ်ပလောဒေသဘက်တွင် တိုက်ပွဲများ ဆက်တိုက်ဖြစ်နေသောကြောင့် အဆိုပါ BGF တပ်ရင်းက သွားရခြင်းဖြစ်နိုင်ကြောင်း ကရင်အမျိုးသားအစည်းအရုံး-KNU တပ်မဟာ(၅) ရုံးထိုင်မှူး ဗိုလ်မှူးစောကလယ်ဒို့က ယခုလို ပြောသည်။

သူက “ဗိုလ်မှူးစောမောင်ချစ် ဦးဆောင်တဲ့ BGF (၁၀၁၄)တပ်တွေ မနေ့က နေ့လည်လောက်မှ စထွက်တာပေါ့နော်။ မာနယ်ပ လောဘက်နယ်မြေတ၀ိုက်က ဘွားဒဲကျေးရွာအုပ်စု မယ်ပရွာဘက်ကို သွားမယ်လို့ သတင်းရတယ်။ မနေ့ကတော့ မရောက် သေးဘူး။ သူတို့ဒီလို သွားရတာဟာ စစ်ကူအဖြစ် သွားတာပဲ။ ဘာဖြစ်လို့လဲဆိုတော့ အဲဒီဘက်မှာ တိုက်ပွဲတွေ ပြင်းထန်နေ တယ်လေ။”ဟု ကေအိုင်စီကို ပြောသည်။

KNU တပ်မဟာ(၇)နယ်မြေရှိ မာနယ်ပလောဒေသတွင် ဒီဇင်ဘာလဆန်း ၅ရက်နေ့မှစ၍ ၂၄ရက်နေ့ထိ နအဖတပ်နှင့် ကရင်အ မျိုးသားလွတ်မြောက်ရေးတပ်ဖွဲ့ (KNLA)တို့ ရင်ဆိုင်တိုက်ပွဲနှင့် ပြောက်ကျားတိုက်ပွဲပေါင်း ၁၃ကြိမ်ဖြစ်ပွားခဲ့ရာ နအဖဘက်မှ သေဆုံးသူ ၁၇ဦးနှင့် ဒဏ်ရာရှိသူ ၁၃ဦးရှိသော်လည်း ၎င်းတို့ဘက်မှ ထိခိုက်သေဆုံး မရှိသေးကြောင်း KNU တပ်မဟာ(၇) ရုံး ထိုင်မှူး ဗိုလ်မှူးစောအယ်ဆဲဆဲက ပြောသည်။

ထိုသို့ဖြစ်ပွားခဲ့သည့် တိုက်ပွဲတစ်လျှောက်တွင် နအဖဘက်မှ ထိခိုက်ကျဆုံးမှုများသည့်အပေါ် အင်အားဖြည့်သည့်အနေဖြင့် ယခု လို စစ်ကူအဖြစ် ရောက်ရှိလာခြင်းဖြစ်နိုင်ကြောင်းလည်း သူက ဆက်လက်၍ သုံးသပ်ပြောဆိုခဲ့သည်။

“မာနယ်ပလောမှာ ဖြစ်တဲ့တိုက်ပွဲတွေမှာ နအဖဘက်က ထိခိုက်သေဆုံးမှု များတယ်လေ။ ဒါကြောင့် သူတို့ အင်အားတွေ ထပ် ဖြည့်တဲ့သဘောနဲ့ BGF တပ်ရင်းကို စစ်ကူအနေနဲ့ ထပ်ခေါ်တဲ့သဘောပဲ။ BGF ဟာ ကိုယ့်ကရင်အချင်းချင်း ဖြစ်တဲ့အတွက် လုံးဝ မတိုက်ချင်ပေမဲ့ တက်လာရင်တော့ မတတ်နိုင်ဘူး။ ကိုယ့်အမျိုးသားရေးဘက်ကို ရပ်တည်ပြီး သူတို့ကို ရင်ဆိုင်ရမှာပဲ။” ဟု ဗိုလ်မှူးစောအယ်ဆဲဆဲက ပြောသည်။

ပြီးခဲ့သည့် ဒီဇင်ဘာလ ၁၁ရက်နေ့က မာနယ်ပလောနယ်မြေတ၀ိုက်တွင် နအဖ စစ်တပ်နှင့် KNLA ဖြစ်ပွားခဲ့သည့် တိုက်ပွဲ ကြောင့် မာနယ်ပလောဒေသရှိ နိုဒေးရွာသူရွာသားအားလုံးနီးပါး နယ်စပ်နှင့် ထိုင်းနိုင်ငံ မဲဟောင်ဆောင်ခရိုင်ရှိ မူယူထာ့(မိုင်း လုံးကြီး)ချောင်းကမ်းနံဘေးသို့ ထွက်ပြေးလာခဲ့သည်။

ယခု BGF တပ်ရင်း(၁၀၁၄) သွားရောက်မည့် ဘူးသိုမြို့နယ်အတွင်း ဘွားဒဲကျေးရွာအုပ်စုရှိ မယ်ပကျေးရွာအုပ်စုတွင် ဘွားဒဲ၊ ချောလယ်ဒဲ၊ ဖီဒိဒဲ၊ လောဖလာ့သေ့၊ သေ့ဂေမူဒဲ၊ ပါ့သာ့၊ တညာ့ခီး၊ နို့ပူ၊ တိုးညိုး၊ ကလောခို့၊ ကျိသူးပူ၊ မာ့မု၊ ကနယ်ခို့၊ ဂေကေ တု၊ မာ့အိုးဝါး၊ ဟိဖိုးသာ့ခီး၊ မယ်ပခေါ်ကလား၊ မယ်ပကလော်ဝေါ်နှင့် မယ်ပ၀ါ့ခယ်ကလား စသည့်ကျေးရွာများ တည်ရှိသည်။

လက်ရှိအချိန်တွင် အဆိုပါ BGF တပ်ရင်း အခြေစိုက်ခဲ့သည့် ဒွယ်လိုးမြို့နယ် ကတိုင်တိကျေးရွာအုပ်တွင် အင်အား ၂၀၀ခန့်ရှိ နအဖ စကခ(၄) လက်အောက်ခံ ခမရ(၇၀၂)တပ်ရင်း ဆက်လက်လှုပ်ရှားနေကြောင်း ၎င်းနယ်မြေခံ ကေအဲန်ယူတပ်များက ပြောသည်။

မာနယ်ပလောဒေသတွင် နအဖ အရှေ့တောင်တိုင်းစစ်ဌာနချုပ်-ရတခ လက်အောက်ခံ ခလရ(၂၈)၊ ခလရ(၆၁)၊ ခလရ(၆၂)၊ ခမရ(၃၃၈)၊ ခမရ(၃၃၉)၊ နအဖ စစ်တပ် စကခ(၁၉)လက်အောက်ခံ ခမရ(၃၄၃)၊ ခမရ(၅၈၇)၊ ခလရ(၁၀၆)တပ်ရင်းများ စစ် ရေးလှုပ်ရှားနေသလို ကေအဲန်ယူ တပ်မဟာ(၇)လက်အောက်ခံ KNLA တပ်ရင်း(၂၀၂)၊ ဗဟိုအထူးပြောက်ကျားတပ်ဖွဲ့နှင့် ကရင်အမျိုးသားကာကွယ်ရေးတပ်ဖွဲ့(KNDO)တပ်များ လှုပ်ရှားလျှက်ရှိသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

နအဖစစ်တပ် ကျေးရွာအနီးတ၀ိုက် နှစ်ညဆက်တိုက် လက်နက်ကြီးငယ် ဖြင့် လိုက်လံပစ်ခတ်

နိုဝင်ဘာလ ၂၀ရက်။ စောသိန်းမြင့် (ကေအိုင်စီ)

ဗမာ့တပ်မတော် မီးရှို့ ပြာချ ပစ်လိုက်သော သဒါးဒဲ ကရင်ရွာ - သြဂုတ်လ ၂၀၁၀

ဒီကေဘီအေ တပ်ဖွဲ့ဝင်များ လှုပ်ရှားလျှက်ရှိသော ကရင်ပြည်နယ် ကော့ကရိတ်မြို့နယ် ထီးတပလယ်ကျေးရွာ အနီးတ၀ိုက် တွင် နအဖစစ်တပ်က နိုဝင်ဘာလ ၁၈ရက်နေ့ညကတည်းက နှစ်ညဆက်တိုက် လက်နက်ကြီး၊ လက်နက်ငယ်များဖြင့် လိုက်လံ ပစ်ခတ်လျှက်ရှိသည်ဟု ဒီကေဘီအေတပ်ဖွဲ့က ပြောသည်။

ဒီကေဘီအေ တပ်မဟာ(၅)မှူး ဗိုလ်မှူးချုပ် စောလားပွယ်က “ဒီလိုလိုက်ပစ်တာ နှစ်ညရှိပြီ။ နအဖစစ်တပ်က အကြောက်လွန် အားကြီးလို့ ပစ်ခတ်တာပဲ။ ဘာဖြစ်လို့လဲဆိုတော့ အဲဒီမှာရှိတဲ့ ကျနော့်လူတွေက ပြန်လည်ပစ်ခတ်တာတို့ ဘာတို့ တခုမှလုပ် တာ မရှိဘူး။”ဟု ပြောသည်။

ထီးတပလယ်ကျေးရွာ တောင်ကုန်းတွင် လှုပ်ရှားနေသော နအဖစစ်တပ် စကခ(၈)လက်အောက်ခံ ခလရ(၉၇)တပ်ရင်းသည် ပြီးခဲ့သည့် နိုဝင်ဘာလ (၁၈)ရက်နေ့ည ၉နာရီခန့်တွင် ဒီကေဘီအေ လှုပ်ရှားနိုင်သည့် နေရာများသို့ လက်နက်ကြီးငယ်များဖြင့် အချက်ပေါင်း ၄၀ခန့်ပစ်ခတ်ခဲ့သည့်အပြင် ယမန်နေ့ညနေ ၄နာရီခန့်ကလည်း လက်နက်ကြီးငယ်များဖြင့် အချက်ပေါင်း(၂၀)အ ထိ ပစ်ခတ်ခဲ့သည်ဟု သိရသည်။

သို့သော် ထိုပစ်ခတ်မှုကြောင့် မည်သူမျှ ထိခိုက်ဒဏ်ရာရခြင်း မရှိခဲ့ကြောင်း ဗိုလ်မှူးချုပ်စောလားပွယ်က ပြောသည်။

အင်အား (၂၀)ကျော်ရှိ အဆိုပါ နအဖတပ်ဖွဲ့သည် ပြီးခဲ့သည့် နိုဝင်ဘာလ ၈ရက်နေ့က ဒီကေဘီအေနှင့် နအဖစစ်တပ်တို့ကြား နှစ်ဘက်ပစ်ခတ်မှုဖြစ်ပွားခဲ့ပြီနောက်ပိုင်း ထီးတပယ်ကျေးရွာအတွင်းသို့ ၀င်ထွက်သွားလာမှုမရှိတော့ဘဲ ယနေ့အချိန်ထိ ၎င်းတို့ အခြေချရာ တပ်စခန်း၌သာ ခိုအောင်းနေကြသည်။

အလားတူပြီးခဲ့သည့် နိုဝင်ဘာလ ၁၆ရက်နေ့က အံဖကျေးရွာတွင် အခြေချသည့် နယ်ခြားစောင့်တပ် အမှတ်(၁၀၁၅)မှ ဗိုလ် ကြီးအကြည် ဦးဆောင်သည့်အဖွဲ့သည် အံဖကျေးရွာအတွင်းသို့ M-79 ၉လုံးနှင့် ၆၀-မမ ၁လုံးပစ်ခတ်ခဲ့သည့်အပြင် ၎င်းအဖွဲ့ သည် ညနေ ၂နာရီအချိန်တွင် နန်းရွှေမှုံကျေးရွာအတွင်းသို့ ၆၀-မမ ၃လုံး ထပ်မံ ပစ်ခတ်ခဲ့ရာ အသက်(၇၀)အရွယ်ရှိ ရွာသား ဦးနိုင်ဦးကို ထိမှန်သွားခဲ့သည်ဟု သိရသည်။

ယနေ့မနက် (၆)နာရီတွင်လည်း နအဖ ခမရ(၄၀၉)နှင့် ဒီကေဘီအေ တပ်မဟာ(၅) တပ်ဖွဲ့တို့နှင့် အူးကလေ့ထာတွင် ချုံခို တိုက်ပွဲတကြိမ်ဖြစ်ပွားခဲ့ရာ နအဖဘက်က ၁ဦး ကျဆုံးသွားခဲ့သည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

တိုက်ပွဲအခြေအနေများ

မြန်မာစံတော်ချိန်.....ညနေ ၄ နာရီ ၅၅ မိနစ်
-----------------------------------------------------------------------
ညနေ(၄ နာရီ ၅၅မိနစ်) ဒီကေဘီအေနဲ့ နအဖ တပ်များ ဝေါလေ ဒေသတွင် ဆက်လက် တိုက်ပွဲဖြစ်နေတယ်လို့ သိရှိသည်။ ယခု ဝေါလေမှာ ဖြစ်နေတဲ့ တိုက်ပွဲပြင်းထန်တာ ယခုတိုက်ပွဲကို ဦးဆောင်သူ ဗိုလ်မှူးစောလားဘွယ်နေတဲ့ဒေသဖြစ်လို့ တိုက်ပွဲပြင်းထန်တာလို့ ဆိုပါတယ်။ မဲဆောက်မှ မြ၀တီသို့ ပြန်နေကြသည့် မြန်မာပြည်သားများ.... အခုညနေ ၄ နာရီခွဲလောက်က ပုံပါ... (ဓါတ်ပုံ - REUTERS)



အောက်ကပုံကတော့ မဲဆောက်ဘက်နေ မြ၀တီကို လှေဖြင့် ပြန်ဖို့ စောင့်ဆိုင်းနေတဲ့ သူတွေပါ...




ညနေ(၄ နာရီ ) မြ၀တီမြို့သို့ စစ်ပြေးဒုက္ခသည်များ ပြန်သွားရာ နအဖ စစ်တပ်မှာ ပြန်လည် မောင်းထုတ်နေကြောင်း သိရသည်။ မြ၀တီမြို့တွင်းမှ ဒီကေဘီအေ တပ်များ တဖြည်းဖြည်း ဆုတ်ခွာသွားကြောင်း သိရှိရသည်။

နေ့လည်(၃ နာရီ ၄၅ မိနစ်) ဒီမွန်းလွဲပိုင်း ၃း၃၀နာရီလောက်မှာ နအဖ အမှတ်(၁၂) စစ်ကွပ်ကဲရေးဌာနချုပ် နည်းဗျူဟာ(၃)က တပ်ရင်းသုံးရင်းဟာ အခုဆိုရင် ဖားချောင်းနဲ့ မြ၀တီမြို့ကြားမှာ ရောက်ရှိနေပြီလို့ သိရတယ်။ အဲဒီတပ်ရင်းတွေက ခလရ(၂၃၀)၊ ခမရ(၃၅၅)နဲ့ ခမရ(၅၄၇)တို့ဖြစ်တယ်။ (ကိုးကား - kicupdatenews)

နေ့လည်(၃ နာရီ ၄၁ မိနစ်) ဘုရားသုံးဆူတွင် နအဖ စစ်တပ်နှင့် ဒီကေဘီအေ တိုက်ပွဲ ဆက်လက်ဖြစ်ပွားနေပါတယ်။ နအဖ စစ်တပ်က ရွာသစ်ဘက်တွင်နေရာယူပြီး ဒီကေဘီကေ တောင်ဝိုင်းဘက်တွင်နေရာယူထားကြကာ တဖက်နှင့်တဖက် ပစ်ခတ်နေကြကြောင်း သိရှိရသည်။

နေ့လည်(၃ နာရီ ၃၆) ဘုရားသုံးဆူတွင် နေ့လည်ပိုင်းက စစ်တပ်က ပစ်လိုက်တဲ့ လက်နက်ကြီး ထိုင်းဘက်ကမ်းကို ကျပြီး အရပ်သား ၅ ယောက်နဲ့ ကရင်ဘုန်းကြီး ၂ ပါး ဒဏ်ရာရသွားတယ်သိရှိရသည်။

နေ့လည်(၂ နာရီ ) နအဖ စစ်တပ်များနဲ့ ဗိုလ်ချုစ်သူ ဦးဆောင်တဲ့ နယ်ခြားစောင့်တပ်များ မြ၀တီကို ပြန်သိမ်းမယ်လို့ သတင်းတွေ ထွက်ပေါ်နေပါတယ်။

နေ့လည်(၁ နာရီ ၅၀ မိနစ် ) မဲဆောက်မြို့ တပ်မဟာ ဘုန်းကြီးကျောင်းအတွင်းရှိ စစ်ပြေးဒုက္ခသည်များ ဘုန်းကြီးက ပြန်လို့ရပြီဖြစ်ကြောင်း ကြေညာနေတယ်လို့ သိရပါတယ်။ သို့ပေမယ် မြ၀တီမြို့တွင်းက လူများမဟုတ်ပဲ မြ၀တီရွာနီးစပ်ချုပ်မှ နယ်ခြားစောင့်အုပ်ချုပ်ကျေးရွာတွေမှာ နေထိုင်သူတွေကိုပဲ ပြန်ခွင့်ပေးတာလို့ သိရှိပါတယ်။ မြ၀တီ မြို့တွင်းအခြေအနေ သေချာ မသိသေးလို့ မြို့တွင်းက လူတွေကို မပြန်ခိုင်းဘူးလို့လည်း သိရပါတယ်။

နေ့လည်(၁ နာရီ ၄၅ မိနစ် ) ဘုရားသုံးဆူတွင် ဒီကေဘီအေနှင့် ကေအန်ယူပူးတွဲပြီး ယမန်နေ့ တိုက်ပွဲဖြစ်ရာမှာ ပြန့်ကျဲနေသော နအဖ စစ်သားများနှင့် ချောင်းဆုံနေရာတွင် စစ်ပွဲဖြစ်နေကြောင်း သိရှိရသည်။

နေ့လည်(၁ နာရီ ၁၅ မိနစ် ) မြ၀တီမြို့မှာ ဖြစ်ပေါ်နေတဲ့ ဒီကေဘီအေနဲ့ နအဖ စစ်တပ် တိုက်ပွဲအခြေအနေကို ထိုင်း တီဗွီ ချယ်နယ် ၃ က နေ့လည် ၁၂ နာရီ ၅၀ မှာ ထုတ်လွှင့်ပြသ သွားတာပါ။




နံနက်(၁ နာရီ ၉ မိနစ် ) ဘုရားသုံးဆူတိုက်ပွဲ အခြေအနေကို ထိုင်း တီဗွီ က ယနေ့ မြန်မာစံတော်ချိန် ၁၂ နာရိ ပြသသွားတာပါ။



နံနက်(၁၂ နာရီ ၄၆ မိနစ် ) နအဖနဲ့ ဒီကေဘီအေတပ်များ တဖက်နဲ့ တဖက် ပစ်ခတ်မှုတွေ ရပ်ထားတယ်လို့ သိရှိရပါတယ်။ ဒီကေဘီအေ တပ်တွေကတော့ မြ၀တီမြို့ မေတ္တာလင်းမြိုင်ဘက်မှာ စခန်းထိုင်ထားပြီး ပြန်လည်ထိုးစစ်ဆင်ဖို့ လူအင်အား၊ လက်နက်အင်အား ပြင်ဆင်နေတယ်လို့ နောက်သတင်းရရှိပါတယ်။

နံနက်(၁၂ နာရီ ၃၀ မိနစ် ) အတည်ပြုဖို့ ခက်ခဲ့တဲ့ သတင်းတွေ ရနေလို့ ခဏလေးစောင့်ပေးပါ။ ဖုန်းဆက်သွယ်နေပါသည်။

နံနက်(၁၁ နာရီ ၄၄ မိနစ် ) မြန်မာစံတော်ချိန် နေ့လည် ၁၂ နာရီတွင် မြ၀တီမြို့တွင် တိုက်ပွဲများ ပြင်းထန်နိုင်တယ်လို့ ဒီကေဘီအေနဲ့ နီးစပ်သူတဦးက ပြောဆိုသည်။ ဒီကေဘီအေဘက်မှ ဦးဆောင်သူ ဗိုလ်မှူးစောလားဘွယ် ဆုတ်ခွာဖို့ အမိန့်မပေးမချင်း ဘယ်တော့မှ မြ၀တီမြို့မှ ဆုတ်ခွာမဟုတ်ဘူးလို့ ဒီကေဘီအေ ဘက်မှပြောသည်။

နံနက်(၁၁ နာရီ ၃၃ မိနစ် ) လတ်တလော အတည်မပြုနိုင်သေးသည့် သတင်းများအရ ထိုင်း-မြန်မာနယ်စပ် မြ၀တီမြို့နှင့်နီးသည့် ဝေါလေ ဘက်မှလည်း တိုက်ပွဲတွေဖြစ်ပေါ်နေကြောင်း သိရှိရသည်။ စစ်ရေးသုံးသပ်သူတဦး အပြောအရ တံတားတွေ ကျိုးသွားသည့်အတွက် လတ်တလော စစ်ကူလာလို့မရတဲ့အတွက် ရှေ့တန်းအထိုင်တပ်တွေကို မြ၀တီကို စစ်ကူသွားခိုင်းတော့ ရှေ့တန်းအထိုင်တပ်တွေမှာ စစ်အင်အားနည်းတဲ့ အချိန်မှာ ဒီကေဘီအေ ဘက်မှ နအဖ ရှေ့တန်းအခြေစိုက်စခန်းတွေ ၀င်တိုက်တာ ဖြစ်နိုင်တယ်လို့ပြောဆိုသည်။

နံနက်(၁၁ နာရီ ) မြ၀တီမြို့တွင် မနေ့က ပိတ်မိနေပြီး ထွက်မလာနိုင်ပဲ ယနေ့ မနက်ပိုင်းမှ ရောက်ရှိလာသည့် သစ္စာမဂ္ဂဘုန်းကြီးကျောင်းနှင့် အခြားဘုန်းကြီးကျောင်းများ ဘုန်းကြီးများ စစ်ပြေးဒုက္ခသည်များ ဓါတ်ပုံတွေကို တင်ပေးလိုက်ပါတယ်။

(ဓါတ်ပုံ - REUTERS)






နံနက်(၁၀ နာရီ ၅၀ မိနစ်) ABSDF (ကျောင်းသားတပ်မတော်)မှ နအဖ စစ်အုပ်စုအား ဒီကေဘီအေ အပါအ၀င် အခြား အဖွဲ့အစည်းများနဲ့ ပူးတွဲတိုက်ပွဲဝင်သွားရန် စုဖွဲ့မှုများ ပြုလုပ်ပြီးစီး၊ တိုက်ပွဲဝင်ရန် အသင့်ဖြစ်နေကြောင်း ကြေညာချက် ထုတ်ပြန်လိုက်သည်။ ( ABSDF - ထုတ်ပြန်ကြေညာချက်) ကြည့်ရန် ယခု Link ကို နှိပ်ပါ။ တိုက်ရိုက်လင့် http://www.scribd.com/doc/41643779/Statement-on-Attack-Between-DKBA-and-SPDC

နံနက်(၁၀ နာရီ ၃၀ မိနစ်) ရန်ကုန်မြို့နေ ပြည်သူလူထုက ရွေးကောက်ပွဲ အနိုင်ရ သတင်းထက်၊ မြ၀တီ တိုက်ပွဲသတင်းကို ပိုမိုစိတ်ဝင်စားမှုများနေကြောင်း မြို့ခံတဦးမှ ပြောဆိုသည်။ ရန်ကုန်တွင်လည်း ကုန်ဈေးနှုန်း ပိုမိုတိုးမြင့်လာကြောင်းလည်း ပြောဆိုသည်။ လူထုအုံကြွမှုတရပ် ဖြစ်ပေါ်လာနိုင်ကြောင်း ၄င်းက သုံးသပ်ပြောဆိုလိုက်သည်။ ရန်ကုန်တွင် လုံခြုံရေး ပိုမိုတင်းကြပ်နေကြောင်းလည်း သိရှိရသည်။

နံနက်(၁၀ နာရီ ၂၀ မိနစ်) ဘုရားသုံးဆူအခြေစိုက် နအဖ စစ်တပ် ခမရ ၂၈၃ အခြေစိုက် စစ်တပ်ဝင်းကို ဒီကေဘီအေမှ သိမ်းပိုက်မှု မရရှိသေးပါဘူး။ မနက်ပိုင်းက အပြန်လှန် ပစ်ခတ်နေရာမှ ယခု ပစ်ခတ်မှုများ ရပ်နားထားတယ်လို့ သိရှိရပါတယ်။ နအဖ က ဘုရားသုံးဆူအခြေစိုက် ခမရ ၂၈၃ အခြေစိုက် စစ်တပ်ကို စစ်အင်အားဖြည့်ဖို့ စစ်ကူလွှတ်ထားတယ်လို့ သိရှိရပါတယ်။

နံနက်(၁၀ နာရီ ၃ မိနစ်) ဘုရားသုံးဆူမြို့တွင် ဒီကေဘီအေ တပ်ရင်း ၉ဝ၆နှင့် ၉ဝ၇ က အချက်အခြာကျရာ နေရာများကို သိမ်းပိုက်ထားရာမှ ယနေ့မနက် ၈ နာရီက ဒီကေဘီအေနဲ့ နအဖ စစ်တပ်များ အပြန်အလှန်ပစ်ခတ်မှုများ ပြန်လည် စတင်နေပြီဖြစ်ကြောင်း သိရှိရသည်။

နံနက်(၉ နာရီ ၄၇ မိနစ်) မြ၀တီမြို့ပေါ်မှာ ဒီကေဘီအေနဲ့ နအဖ တိုက်ပွဲတွေ ရပ်လိုက်နားလိုက်နဲ့ ဆက်လက်ဖြစ်ပေါ်နေတယ်လို့ AJC သတင်းဌာန ပြောဆိုလိုက်ပါတယ်။ (ကိုးကား - AJC)

နံနက်(၉ နာရီ ၃၅ မိနစ်) မြ၀တီမြို့ပေါ်မှာ ဖြစ်နေသော စစ်ပွဲအတွက် နအဖ စစ်တပ်မှရန်ကုန်၊ ပဲခူးနှင့် နေပြည်တော် မှ လက်နက်ကြီးတင် စစ်ကား ၆၀ ကျော် စစ်တောင်းမြစ် ကို ကျော်ဖြတ်လာနေကြောင်း သိရှိရသည်။

နံနက်(၉ နာရီ ) ဒီကေဘီအေ ဗိုလ်စောလားဘွယ်တို့နဲ့ ပူးပေါင်းရန် ကေအယ်ယူ တပ်မဟာ ၇ နယ်မြေမှ စစ်ကြောင်းတကြောင်း ယမန်နေ့ညက ထွက်ခွာသွားကြောင်း သတင်းရရှိသည်။

နံနက်(၈ နာရီ ၃၀ မိနစ်) မနေ့ညက နအဖ တပ်မှ တိုက်ပွဲ အရှိန်အဟုန်မြင့်တင်ဖို့ ကော့ဂရိတ်နှင့် သင်္ကန်းညီနောင်တွေမှာ ပေါ်တာ လိုက်ဆွဲခဲ့တယ်လို့ သိရှိရသည်။

နံနက်(၈ နာရီ ၂၂ မိနစ်) ABSDF စစ်ကော်မရှင်အတွင်းရေးမှူး ကိုခင်ကျော်မှ မြ၀တီတွင်ဖြစ်ပေါ်နေသော တိုက်ပွဲ အခြေအနေကို ယခုလိုသုံးသပ်ထင်ပြလိုက်ပါတယ်။ (လက်ရှိအခြေအနေမှာ ဗိုလ်မှူးစောလားဘွယ် ဦးစီး DKBA အဖွဲ့က မြ၀တီစစ်ပွဲကိုရက်အတန်ကြာ ထိမ်းထားနိုင်မယ်လို့ သုံးသပ်ရပါတယ်၊ ကနေ့ ကာလ နအဖ က ရွေးကောက်ပွဲလုပ်ပြီး ကမ္ဘာကိုအလှပြနေချိန် မြ၀တီကိုသိမ်းပိုက်ခံလိုက်ရ တာဟာ အရှိုက်အထိုးခံလိုက်ရသလို ဖြစ်နေတယ် နအဖ ကတတန်ပြန်ထိုးစစ် ဆင်တဲ့ နည်းရော ညှိနိုင်းတဲ့နည်းပါ သုံးမှာပါ၊ ပထမနည်းဖြစ်တဲ့ တန်ပြန်ထိုးစစ်ဆင်တဲ့ နည်းသုံးရင်တော့ တိုက်ပွဲကပြီးသေိးမှာမဟုတ်ဘူး။ ယာယီရပ်ဆိုင်းသွားနိုင်ပေမဲ့ ရေရည်မှာ DKBA က တိုက်ပွဲပုံစံပြောင်း ပြီး တိုက်ပွဲဆက်ဝင်သွာယးမယ်ဆိုရင် ပိုပြီးတောင် အင်အားတောင့်တင်း လာနိုင်မယ်၊ ဘ၀တူတွေက လက်ပိုက်ကြည့်နေကြမှာ မဟုတ်ဘူး။ တွေ့ဆုံ ညှိနိုင်းတဲ့နည်းနဲ့ ရန်သူကသုံးရင်တော့ ဗိုလ်မှူးကြီးစောလားဘွယ်တို့က နိုင်ငံရေးအရပါ စကားပြောလိမ့်မယ်လို့ ယူဆရပါတယ်၊)

နံနက်(၈ နာရီ ၁၀ မိနစ်) ယနေ့နံနက်ပိုင်းတွင် မြ၀တီမှ မဲဆောက်သို့ စစ်ပြေးဒုက္ခ္ခသည်များ ထိုင်းနိုင်ငံ မဲဆောက်မြို့လေယာဉ်ကွင်းရှေ့ ထိုင်းစစ်တပ်ဝန်းအတွင်းတွင်ထားသော စစ်ပြေးဒုက္ခ္ခသည်စခန်းသို့ တဖွဲဖွဲ ထပ်မံရောက်ရှိလာကြောင်း သိရှိရသည်။

နံနက်(၈ နာရီ ၄ မိနစ်) မြ၀တီမြို့ပေါ်မှာ နအဖ စစ်တပ်မှ မြို့ပေါ်တွင် နောက်ဆုံးကျန်ရှိနေသေးသော ပြည်သူလူထုကို မြ၀တီမြို့အတွင်းမှ ၁ နာရီအတွင်း အပြီးထွက်သွားကြရန် စစ်ကားများဖြင့် လိုက်လံကြေညာကြောင်း သိရှိရသည်။

နံနက်(၇ နာရီ ၄၀ မိနစ်) ရွေးကောက်ပွဲရလဒ်ကို သိရှိရပြီဖြစ်ပေမယ့် ယမန့်နေ့ ဖြစ်ပွားသော ပြည်တွင်းစစ်ပွဲကြောင့် နအဖမှ လွှတ်တော်ခေါ်ယူခြင်းနဲ့ အစိုးရ အသစ် ဖွဲ့စည်းဖို့ကို အကန့်အသတ်မရှိ ရက်ရွေ့ဆိုင်းလိုက်ကြောင်း သိရှိရသည်။

နံနက်(၇ နာရီ ၃၅ မိနစ်) ဒီကေဘီအေနှင့်နအဖ တိုက်ပွဲဖြစ်သောကြောင့် ကလေးကျောင်းသွားကြိုသော ကြံ့ဖွတ် ကိုယ်စားလှယ်လောင်းတဦးလည်း သေဆုံးသွားကြောင်း သိရှိရသည်၊ သေဆုံးသူ ၁၀ ဦးတက်မနည်းရြှိ့ပီး... ဒဏ်ရာရသူ ၃၀ နီးပါးခန့်ရှိကြောင်း သိရှိရသည်။

နံနက်(၇ နာရီ ၃၀ မိနစ် ) မနေ့ညက မြ၀တီတွင် ဒီကေဘီအေနှင့်နအဖ တိုက်ပွဲကြောင့် ဒေသခံ ပြည်သူလူထု ၁၀ ဦးထက်မနည်းသေဆုံးမှုရှိကြောင်း သိရှိရသည်။

နံနက်(၇ နာရီ ) မနေ့ညက မြ၀တီတွင် ဒီကေဘီအေနှင့်နအဖ တိုက်ပွဲဖြစ်သံများ ရပ်ဆဲသွားပြီး ယနေ့မနက် ၆ နာရီကျော်လောက်တွင် လက်နက်ငယ်သံများ တဖန်ပြန်ကြားလာရကြောင်း သိရှိရသည်။

ဆုံဆည်းရာဘလော့ဘ် မှကူးယူဖော်ပြသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

မြ၀တီမြို့ကို ဒီကေဘီအေ ၀င်ရောက်စီးနင်းထား

ကေအိုင်စီ

တပ်မဟာ(၅) ဒီကေဘီ တပ်ဖွဲ့ဝင်အချို့


နယ်ခြားစောင့်တပ်ကို လက်မခံသည့် ဒီကေဘီအေတပ်ဖွဲ့ဝင်များသည် ယနေ့နေ့ခင်းပိုင်းတွင် မြ၀တီမြို့ကို ၀င်ရောက်စီးနင်း ကာ နအဖ စစ်တပ်နေရာများနှင့် အရေးပါသည့်နေရာများ၌ နေရာဝင်ယူထားလိုက်သည်ဟု သိရသည်။

အဆိုပါစီးနင်းမှုအပေါ် ဒီကေဘီအေ တပ်မဟာ(၅)မှူး ဗိုလ်မှူးချုပ်စောလားပွယ်(ဗိုလ်နှုတ်ခမ်းမွှေး)က ယခုလို ကေအိုင်စီကို အတည်ပြု ပြောဆိုသည်။

“နအဖရဲ့ ရွေးကောက်ပွဲဟာ တရားမျှတမှု မရှိဘူး။ ပြည်သူလူထုတရပ်လုံးအတွက်လည်း တရားမျှတမှု မရှိဘူး။ နောက်ပြီး ဒီရွေးကောက်ပွဲဟာ ကရင်တပ်ဖွဲ့တွေကိုလည်း ဖျက်လိုဖျက်ဆီးဖြစ်အောင် နည်းလမ်းရှာလုပ်နေတာပဲ။ ပြီးတော့ ကရင်လူမျိုး တွေကို မတိုးတက်စေချင်ဘူးလေ။ ဒါကြောင့် တိုင်းပြည်နဲ့ လူမျိုးအတွက် ကျနော်တို့ အဆင်သင့် စပါယ်ရှယ်ရှိနေပါတယ်။”ဟု ဗိုလ်မှူးချုပ်စောလားပွယ်က ပြောသည်။

ယင်းသို့ နေရာယူထားသည့် ဒီကေဘီအေ တပ်ဖွဲ့မှာ တပ်ရင်း(၉၀၂)မှ တပ်ရင်းမှူး ဒုဗိုလ်မှူးကြီး စောကျော်သက်၏ တပ်ဖွဲ့ဝင် များဖြစ်ပြီး ဦးစွာ မြို့ပြင်နားရှိ နအဖ တပ်နေရာများမှ တပ်သားများကို အလစ်ဖမ်းဆီးကာ လက်နက်အချို့ကို သိမ်းဆည်းထား လိုက်ကြောင်း ဒီကေဘီအေ တပ်မှူးတစ်ဦးက ပြောသည်။

သူက “ကိုယ့်နဲ့အနီးဆုံး စစ်တပ်နေရာကို အရင်လုပ်လိုက်တော့ သူတို့ရဲဘော်အချို့နဲ့ လက်နက်အချို့ကို သိမ်းလို့ရတယ်။ အခု လောလောဆယ် ဆက်သွယ်ရေး၊ ခရကရုံး၊ ချစ်ကြည်ရေးတံတားအနီးနဲ့ အချို့နေရာတွေကို နေရာဝင်ယူထားပါတယ်။”ဟု ဆို သည်။

မွန်းလွဲပိုင်းအချိန်ထိ ဆက်သွယ်ရေးရုံး၊ မရက၊ ရဲစခန်း အပါအ၀င် အချက်အချာကျသည့် နေရာအတော်များများတွင် ဒီကေဘီ အေတပ်များ ၀င်ရောက်ထားလျှက်ရှိပြီး နအဖ စစ်တပ်ဘက်မှ တစုံတရာ တုန့်ပြန်မှုမရှိသေးကြောင်း ဒီကေဘီအေတပ်ဖွဲ့ဝင် များက ပြောသည်။

ယနေ့မနက်ပိုင်းတွင် နယ်ခြားစောင့်တပ်ဖွဲ့ဝင် ၂၀၀ကျော်သည် ၎င်းတို့၏ နယ်ခြားစောင့်ဘက်တံဆိပ်များကို မီးရှို့ဖျက်ဆီးကာ မြ၀တီမြို့နယ်ရှိ ဒုဗိုလ်မှူးကြီး စောကျော်သက် ဦးဆောင်သည့် ဒီကေဘီအေတပ်ဖွဲ့နှင့် ပူးပေါင်းခဲ့သည်။

ယနေ့ညဦးပိုင်းအထိ အင်အား ၃၀ခန့်စီရှိသည့် နအဖနှင့် ဒီကေဘီအေ တပ်ဖွဲ့ဝင်များသည် လက်နက်ကြီးငယ်များဖြင့် ချစ် ကြည်ရေးတံတားအောက်တွင် ရှိနေကြောင်း ကိုယ်တိုင်မြင်တွေ့သူ မြို့ခံတစ်ဦးက ကေအိုင်စီကို ပြောသည်။

“ဒီညပိုင်းအထိ တံတားအောက်မှာ စစ်တပ်ကလည်း အင်အား ၃၀လောက်ရှိတယ်။ နောက်ပြီး ဗိုလ်ကျော်သက်ရဲ့ကားကို လည်း တွေ့တယ်။ ကာယကံရှင် ပါမပါတော့ မသိဘူး။ သူ့လူတွေစီးလာတာဖြစ်မယ်။ ဒီကေဘီအေတွေက 79 သေနတ်တွေနဲ့ အာရ်ပီဂျီသီးတွေကိုင်ပြီး ထိုင်းဘက်ခြမ်းကို ကျောပေးပြီး မြို့ထဲဘက်ကို ချိန်ထားတယ်။”ဟု ဆိုသည်။

ယနေ့မနက် ၁၀နာရီကျော်တွင် ဂျပန်သတင်းထောက်တစ်ဦးကို မြန်မာအာဏာပိုင်များက ဖမ်းဆီးလိုက်သည်ဟု သိရပြီးး ကေ အိုင်စီက စုံစမ်းရာ ထိုအခြေအနေကို ရဲတပ်ဖွဲ့က အတည်ပြုပြောဆိုသော်လည်း မည်သည့်အဖွဲ့က ဖမ်းဆီးသည်ကို ၎င်းတို့ မသိရှိကြောင်း ပြန်လည်ဖြေကြားခဲ့သည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

ဘုရားသုံးဆူမှအပြန် မြန်မာစစ်ကြောင်းနှစ်ကြိမ်ပြောက်ကျားအပစ်ခတ်ခံရ

မင်းထက်အောင်(အောက်တိုဘာ ၁၃)။ ။ ဘုရားသုံးဆူနယ်စပ်မှ ပြန်လည်ထွက်ခွာသွားသော မြန်မာစစ်ကြောင်းများ KNU တပ်မဟာ(၆)မှ နှစ်ကြိမ်ပြောက်ကျားပစ်ခတ်ခံရသဖြင့်ကျဆုံးဒဏ်ရာရရှိမှုများ ဖြစ်ပေါ်ခဲ့ကြောင်း သိရသည်။တပ်မဟာ(၆) ပြောခွင့်ရဗဒိုစောထဲနေက “(၇) ရက်နေ့မှာတစ်ခါ၊ (၉) ရက်နေ့မှာတစ်ခါ ဖြစ်ပေါ်ခဲ့တယ်လို့ ကျနော့်ဆီသတင်းဝင်လာတယ်” ဟု ပြောသည်။















ယခုလ(၇) ရက်နေ့၌ ခုံခန်းရွာနှင့် တောင်စွန်းရွာအကြား တာစူးရွာအနီးလယ်ကွင်းကို ဖြတ်ကျော်နေစဉ် KNU မှစောင့်ဆိုင်းပစ်ခတ်ခဲ့ရာတွင် ခလရ(၃၂)မှ (၃) ဦးသေ၊ တစ်ယောက်ဒဏ်ရာရခဲ့သည်ဟု ဗဒိုစောထဲနေက ပြောသည်။

ထို့အပြင် ၄င်းတိုက်ပွဲ၌ လမ်းပြအဖြစ်ခေါ်ဆောင်ခြင်းခံရသူ တောင်စွန်းရွာသား ကရင်အမျိုးသား စောမောင်လတ် အသက်(၄၀)ခန့်သည် ခါးလည်၌ သေနတ်ထိရှဒဏ်ရာရရှိသည်ဟုလည်း KNU ကပြောသည်။

တဖန် နောက်နှစ်ရက်အကြာ ယခုလ(၉) ရက်နေ့တွင်လည်း အနန်းကွင်း-ရဲတံခွန်အကြား ရဲဖောရွာအနီး ကကတစ်တောင်ကြား၌ အဆိုပါမြန်မာစစ်ကြောင်းအား ထပ်မံပစ်ခတ်စဉ် (၃) ဦးဒဏ်ရာရရှိသည်ဟုလည်း KNU မှ ဆက်ပြောပါသည်။

ခလရ (၃၂)တပ်ရင်းအပြန်ခရီးစဉ်၌ အဆိုပါဒေသ၌လှုပ်ရှားနေသော ခမရ(၄၀၁) စစ်ကြောင်း(၂)လည်း စစ်ကူပါဝင်ခဲ့သည်ဟု သိရသည်။

သို့ရာတွင် အဆိုပါတိုက်ပွဲများအတွင်း KNU မှလုံးဝအထိအခိုက်မရှိဟု KNU ကပြောသည်။

တာဝန်ပြီးဆုံးသဖြင့် ယခုလ(၃) ရက်နေ့တွင် ခလရ(၃၂) တပ်ရင်းတစ်ရင်းလုံး ဗျူဟာမှူးနှင့်အတူ ဘုရားသုံးဆူမှထွက်ခွာလာရာ ပေါ်တာဖမ်းဆီးမှုများပြုလုပ်ခဲ့သည်ကို ယခင်သတင်းများတွင် ဖေါ်ပြခဲ့ပြီးဖြစ်သည်။

ထိုသို့အရပ်သား(၅) ကိုပေါ်တာဖမ်းဆီးခဲ့ပြီး (၂) ရက်ခန့်အကြာ မြိုင်သာယာရွာအရောက်တွင် ပြန်လွှတ်ပေးခဲ့သည်ဟု မွန်ပြည်သစ်ပါတီအရာရှိတစ်ဦးထံမှ သတင်းကြားသိခဲ့ရသည်။

ဘုရားသုံးဆူ-အနန်းကွင်း-သံဖြူဇရပ်ကားလမ်းသည် မြစ်ချောင်းပေါများသဖြင့် မိုးတွင်းကာလများတွင် မော်တော်ယာဉ်များ သွားလာ၍မရနိုင်ပေ။

အဆိုပါကားလမ်းမကြီးကို KNU တပ်မဟာ(၆) မှထိန်းချုပ်ထားသဖြင့် မိုးလွန်ကာလများ၌ KNU ခွင့်ပြုမှသာ မော်တော်ယာဉ်များ ခရီးစတင်သွားလာနိုင်သည်။

မြန်မာစစ်ကြောင်းများ ဘုရားသုံးဆူမြို့သို့ စစ်ကြောင်းများချီတက်လာတိုင်း KNU မှ ပြောက်ကျားစောင့်ပြီး ပစ်ခတ်လေ့ရှိသည်။

http://www.kaowao.org/b/2010news-october-13a.php

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

နအဖနှင့် ဒီကေဘီအေ နှစ်ဘက် အခြေအနေ ပိုမိုတင်းမာလာ

အောက်တိုဘာလ ၁၂ရက်။ စောသိန်းမြင့် (ကေအိုင်စီ)

ထိုင်း-မြန်မာနယ်စပ် မြ၀တီမြို့တွင် နယ်ခြားစောင့်တပ်ဖွဲ့ရေးကို ငြင်းဆန်နေသည့် ဒီကေဘီအေတပ်ဖွဲ့နှင့် နအဖ အာဏာပိုင် တို့ကြား နှစ်ဘက်တင်းမာမှုအခြေအနေ ယခင်ထက် ပိုမိုတင်းမာလာကြောင်း ကေအိုင်စီက စုံစမ်းသိရှိရသည်။















လွန်ခဲ့သည့်လက စတင် တင်းမာလာသည့် ဒုဗိုလ်မှူးကြီးကျော်သက်ဦးစီးသော ဒီကေဘီအေ တပ်ရင်း(၉၀၂)တပ်ဖွဲ့နှင့် နအဖ စစ် တပ်တို့သည် ယမန်နေ့က နှစ်ဘက်စစ်ရေးပြင်ဆင်မှုများ အကြီးအကျယ် လုပ်ဆောင်လာပြီး ပစ်ခတ်မှုဖြစ်လုနီးပါး ဖြစ်ပွားခဲ့သည် ဟု ဒီကေဘီအေ (၉၀၂)မှ တပ်မှူးတဦးက ကေအိုင်စီကို ပြောသည်။

“လက်ရှိအခြေအနေကတော့ မနေ့တနေ့ကလို အခြေအနေအတိုင်းပဲ ပြောလို့ရတယ်။ ပြီးခဲ့တဲ့ ၁၀ရက်နေ့နဲ့ မနေ့က အခြေအနေ ဆိုရင် သူတို့(နအဖ)က ပြောတယ်။ ခင်ဗျားတို့ကို ပစ်ရလိမ့်မယ်။ ကျနော်တို့လည်း ပြန်ပစ်ဖို့ ပြင်ဆင်ထားပါတယ်။ သူတို့ဘက်က ပစ်လာရင် ကျနော်တို့ဘက်က ပစ်ရမှာပဲ။ မနေ့ကဆိုရင် ဟေမာန်ဦး ဘုန်းကြီးကျောင်းဘက်မှာ နအဖက ကတုတ်ကျင်းတွေဘာ တွေ တော်တော်များများ လိုက်တူးထားတယ်။”ဟု ပြောသည်။

ထို့အပြင် ဒုဗိုလ်မှူးကြီးကျော်သက်တို့အဖွဲ့အား မြ၀တီမြို့ကနေ ထွက်ခွာသွားရန် နအဖစစ်တပ်က ဆက်တိုက် ဖိအားပေးမှုများ လုပ်ဆောင်ခဲ့သလို နှစ်ဖက်အကြား ပစ်ခတ်မှုတစုံတရာဖြစ်ပွားလာပါက စစ်ကူအတွက် ဝေါ်လေဒေသရှိ ၎င်းတို့ ဒီကေဘီအေတပ် ဖွဲ့ဝင်များနှင့် အချိတ်အဆက် ယူထားပြီးဖြစ်ကြောင်း အဆိုပါတပ်မှူးက ဆက်ပြောသည်။

လက်ရှိအချိန်တွင် နှစ်ဘက်တင်းမာမှုအခြေအနေကို ညှိနှိုင်းအဖြေရှာခြင်း တစုံတရာမလုပ်ဘဲ တစ်ဘက်နှင့်တစ်ဘက် လှုပ်ရှားမှု အခြေအနေကို စောင့်ကြည့်နေဆဲဖြစ်သလို အချိန်မရွေး တိုက်ပွဲဖြစ်ပွားနိုင်သည်ဟု မြ၀တီမြို့ခံများနှင့် ဒီကေဘီအေ အသိုင်းအ ၀ိုင်းများက ပြောသည်။

ထိုကဲ့သို့ တင်းမာလာမှု အခြေအနေနှင့် ပတ်သက်ပြီး မြ၀တီမြို့ခံတဦးက “မနေ့တုန်းက အစိုးရတပ်တွေက သူတို့(ဗိုလ်ကျော် သက်)တို့ဘက် ချီတက်သွားတယ်။ ဒီမနက်လည်း တပ်အင်အားတွေ တက်သွားတာ တွေ့ရတယ်။ နောက် သူတို့စခန်းတွေ အ ကုန်လုံးကို ပြင်ဆင်ဖို့အတွက်လည်း ဗျူဟာကနေပြီးတော့ အဆင်သင့် နေရာယူထားဖို့က မှာကြားထားတယ်။”ဟု ပြောသည်။

ထိုကိစ္စနှင့်ပတ်သက်၍ မြ၀တီခရိုင် ထောက်လှမ်းရေးမှူး ဗိုလ်ကြီးညီညီလွင်အား ကေအိုင်စီက ဆက်သွယ်မေးမြန်းရာတွင် “မ ဟုတ်ပါဘူး။ ဘာမှမဖြစ်ပါဘူး။ အားလုံး အေးဆေးပါပဲ။”ဟု တုန့်ပြန်ဖြေကြားသည်။

ယင်းသို့ နှစ်ဘက်တင်းမာမှု အခြေအနေမှ တိုက်ပွဲ တစုံတရာ ဖြစ်ပွားမည်ဆိုပါက လက်ရှိ နအဖဘက်က ပိတ်ထားဆဲဖြစ်သည့် နှစ်နိုင်ငံ နယ်စပ်ဂိတ်အပေါ် များစွာ သက်ရောက်နိုင်ကြောင်း မြ၀တီမြို့မှ ကုန်သည်တဦးက ယခုလို ပြောသည်။

၎င်းက “ပြေလည်ရာ ပြေလည်ကြောင်း ညှိနှိုင်းမယ်ဆိုရင်တော့ ပိုကောင်းတာပေါ့။ ဖြစ်သွားပြီးဆိုရင် မဆိုင်တဲ့ ပြည်သူလူထုတွေ ကို ကြားထဲကနေပြီးတော့ ဖမ်းဆီးတာတို့၊ အသွားအလာ အနှောက်အယှက်ဖြစ်တာတို့အပြင် ပိတ်နေတဲ့နယ်စပ်ဂိတ်တွေလည်း တော်တော်နဲ့ ပြန်ဖွင့်ဖို့တော့ မလွယ်ဘူး ထင်ပါတယ်။ ဆက်ပိတ်ထားမယ်ဆိုရင် မြ၀တီနယ်ခံလူတွေအနေနဲ့က လုပ်ကိုင်စား သောက်ဖို့အတွက်ကတော့ ပိုပြီးကြပ်တည်းလာမယ်။”ဟု ပြောသည်။

ယခုတင်းမာမှုသည် ပြီးခဲ့သည့် စက်တင်ဘာလ၂၁ရက်နေ့က မြ၀တီမြို့ အမှတ်(၄)ရဲစခန်း၌ ဒီကေဘီအေ (၉၀၂)တပ်ရင်းနှင့် ရဲ၊ နအဖ စစ်တပ်တို့အကြား ဖြစ်ပွားခဲ့သော တင်းမာမှု၏ နောက်ဆက်တွဲ ပြဿနာဖြစ်သော်လည်း အဆိုပါ ဒီကေဘီအေတပ်ဖွဲ့အ နေဖြင့် နယ်ခြားစောင့်တပ် အသွင်ပြောင်းရေးကို လက်မခံသောကြောင့် ယခုလို အခြေအနေ ပိုမို ပြင်းထန်လာခြင်းဖြစ်သည်ဟု (၉၀၂)တပ်ရင်းမှ တခြားတပ်မှူးတဦးက ပြောသည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

မြ၀တီမြို့တွင်း တိုက်ပွဲဖြစ်မည့် အခြေအနေရှိ

ရဲရင့် / ၁၂ အောက်တိုဘာ ၂၀၁၀

မြ၀တီမြို့ပြင်ရှိ ဒီကေဘီအေတပ်ရင်း (၉၀၂) ခွဲထွက်အဖွဲ့၏ တပ်စခန်းနယ်မြေအနီးတွင် နအဖတပ်များ လာရောက် အခိုင်အမာတပ်စွဲ ၀ိုင်းရံထားသဖြင့် မကြာမီ မြို့တွင်းတိုက်ပွဲများ ဖြစ်ပွားနိုင်သည်ဟု ဒီကေဘီအေအဖွဲ့က ပြောသည်။

ယခုကဲ့သို့ နအဖတပ်၏ ၀ိုင်းရံပိတ်ဆို့မှုကို လက်မခံဘဲ လက်တုံ့ပြန်မှုများ ပြုလုပ်သွားမည်ဟု (၉၀၂) ဒီကေဘီအေတပ်ရင်းမှူး ဗိုလ်ကျော်သက်က ပြောသည်။

၎င်းက “နအဖက ကျနော်တို့ကို မြ၀တီမြို့ထဲနေလို့မရဘူး မောင်းထုတ်တော့ သူတို့ဘာဆက်လုပ်မလဲ ကျနော်တို့စောင့်ကြည့်မယ်။ နောက်ဆုံး သူတို့ဘက်က စတိုက်လာရင်တော့ ကျနော်တို့ ပြန်တိုက်ရမှာပဲ။ အောက်ခြေအဖွဲ့အစည်းတွေက မြို့ထဲ နေလို့မရဘူးလို့ လာပြောတယ်။ နေလို့မရဘူးဆိုတာ ဘယ်ဗိုလ်ချုပ်အမိန့်လဲ၊ ဘာဖြစ်လို့နေလို့မရလဲ၊ ဒီကိစ္စကို လုံးဝလက်မခံဘူး” ဟု ပြောသည်။

ကလို့ထူးဘောဗျူဟာ အခြေစိုက် ဒီကေဘီအေ (၉၀၂) တပ်ရင်းအပါအ၀င် ဒီကေဘီအေတပ်များသည် လွန်ခဲ့သည့် (၁၅) နှစ်ခန့်က စတင်၍ မြ၀တီအပါအ၀င် ကရင်ပြည်နယ်အတွင်း မြို့တွင်းမြို့ပြင်၌ နေထိုင်လာခဲ့ရာမှ မြို့တွင်းသွားလာ နေထိုင်ခွင့်ကို နအဖအာဏာပိုင်တို့က ပိတ်ပင်လိုက်ခြင်းဖြစ်သည်။

ဗိုလ်ကျော်သက်က “ကျနော်တို့လူတွေ အခု မြ၀တီမြို့အနီးမှာပဲရှိတယ်။ အရင်လိုပဲ သွားလာနေတယ်။ ကျနော်တို့ကို စပစ်လို့ကတော့ မြ၀တီမြို့ပေါ်မှာပဲ မြို့တွင်းတိုက်ပွဲလုပ်မယ်။ ဒီတခါကတော့ တောတွင်းတိုက်ပွဲ မလုပ်တော့ဘူး” ဟု ပြောသည်။

မြ၀တီမှ ခရိုင်အာဏာပိုင်အဖွဲ့ဝင်တဦးက “ဒီကေဘီအေတွေကို မြ၀တီမြို့ထဲ အ၀င်မခံတာက ကျော်သက်တို့အဖွဲ့ကိုပဲ။ အခြားအဖွဲ့တွေ ၀င်ထွက်နေကြတာပဲ။ ကျော်သက်တို့က ပြီးခဲ့တဲ့လ (၂၁) ရက်နေ့က အသိမ်းခံရတဲ့ သူတို့လိုင်စင်မဲ့ကားတွေ ပြန်ယူဖို့ မြ၀တီရဲစခန်းကို သူ့လူတွေနဲ့လာဝိုင်းတယ်။ တပ်ကလည်း တခါသူတို့ကို ပြန်ဝိုင်းတယ်။ အဲဒီမှာ ပစ်မယ်ခတ်မယ်နဲ့ တပ်ကသာ အလျှော့မပေးရင် အကုန်သေကြမှာ။ ဒါကြောင့် သူတို့ကို မြို့ထဲအ၀င်မခံဖို့ အထက်က အမိန့်ပေးထားတာဖြစ်တယ်” ဟု ပြောသည်။

ဒီကေဘီအေတပ်ရင်း (၉၀၂) သည် နယ်ခြားစောင့်တပ်အဖြစ် အသွင်ပြောင်းမည့် နအဖ၏အစီအမံကို လက်မခံဘဲ နအဖဘက်မှ မက်လုံးပေး စည်းရုံးသိမ်းသွင်းမှုများကိုလည်း ပယ်ချခဲ့သည်ဟု ဗိုလ်ကျော်သက်က ပြောသည်။

နအဖတပ်၏ စစ်ဦးစီးပထမတန်း ဒု-ဗိုလ်မှူးကြီးမျိုးမြင့်က (၉၀၂) တပ်ရင်းအပါအ၀င် ဒီကေဘီအေ တပ်မဟာ (၅) လက်အောက်ခံတပ်များ နယ်ခြားစောင့်တပ်အဖြစ် အသွင်ပြောင်းပါက တပ်မဟာမှူးအပါအ၀င် တပ်ရင်းမှူးများကို ဖားကန့် လုံခင်းဘက်တွင် ကျောက်တွင်းလုပ်ပိုင်ခွင့်နှင့် အခြားလုပ်ငန်းများအပါအ၀င် ကုမ္ပဏီတည်ထောင်ခွင့်များကိုလည်း ချပေးမည်ဟု ပြောကြားခဲ့သည်။

လက်ရှိ တင်းမာနေသည့် နှစ်ဖက်အနေအထားများကြောင့် မြ၀တီမြို့ခံများ စိုးရိမ်ထိန့်လန့်မှုဖြစ်ပြီး မြို့တွင်းတိုက်ပွဲဖြစ်လျှင် ကြိုတင်ရှောင်ရှားနိုင်မည့် အစီအစဉ်များ လုပ်ဆောင်ထားကြသည်ဟု မြ၀တီမြို့ခံတဦးက ပြောသည်။

၎င်းက “အခုအနေအထားကတော့ စိုးရိမ်ရတယ်။ နှစ်ဖက်စလုံးကတော့ လျှော့ကြမယ့်ပုံမမြင်ဘူး။ မြ၀တီမြို့တွင်း မြို့ပြင်မှာ တပ်က လက်နက်ကိုင်အင်အားတွေ ရပ်ကွက်တိုင်းမှာ ချထားတယ်။ မြို့ပြင်ဘက်ကိုလည်း လက်နက်ကြီးတွေချိန်ထားတယ်။ ညဘက်ဆိုရင် မြို့ထဲမှာ လူမရှိသလောက်ပဲ၊ ကောင်းကောင်းမအိပ်ရဲကြဘူး။ အခြေအနေက နေ့လားညလားပဲ” ဟု ပြောသည်။

မြ၀တီမြို့တွင် ယခုရက်ပိုင်းအတွင်း နအဖတပ်မှ တပ်ဖွဲ့ဝင်များ ကားများဖြင့် ညစဉ် ကင်းလှည့်ကြပြီး မြို့တွင်းလူအ၀င်အထွက်များကိုလည်း လုံခြုံရေးတိုးမြှင့်ထားသည်ဟု ထိုမြို့ခံက ပြောသည်။

ဒီကေဘီအေတပ်မဟာ (၅) အဖွဲ့သည် မြ၀တီခရိုင် တောင်ဘက်ရှိ ဝေါ်လေဒေသကို အခြေစိုက်၍ စစ်ရေးလှုပ်ရှားနေသည့်အဖွဲ့ဖြစ်ပြီး နအဖ၏နယ်ခြားစောင့်တပ်ကို လုံးဝလက်မခံသည့် တခုတည်းသော ဒီကေဘီအေခွဲထွက်အဖွဲ့ဖြစ်သည်။

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

ဒီကေဘီအေ ဥက္ကဋ္ဌ ရွေးကောက်ပွဲဝင်

မကြာသေးမီကမှ စစ်အစိုးရ၏ လက်အောက်တွင် နယ်ခြားစောင့်တပ်ဖွဲ့အဖြစ် အသွင်ပြောင်းလိုက်သည့် ဒီကေဘီအေတပ်ဖွဲ့ ဥက္ကဋ္ဌ ဦးစောသာထူးကျော်သည် ပါတီတည်ထောင်ပြီး ရွေးကောက်ပွဲဝင်မည်ဖြစ်ကြောင်း စုံစမ်းသိရသည်။

ဘားအံမြို့တွင် နေထိုင်သည့် ကေအန်ယူ တပ်ဖွဲ့ဝင်ဟောင်းတဦးက “ကရင်ပြည်နယ်မှာ ကရင်ပါတီဆိုလို့ ဖလုံစဝေါ် ဒီမိုကရက်တစ်ပါတီ တခုတည်း ရှိတယ်။ ဒါနဲ့ အစိုးရက ဒီကေဘီအေ ဥက္ကဋ္ဌ ဦးသာထူးကျော်ကို ပါတီတည်ထောင်ပြီး ရွေးကောက်ပွဲဝင်ခိုင်းတယ်။ ပထမပိုင်းမှာ သူတို့ နယ်ခြားစောင့်တပ် ဖွဲ့နေတာနဲ့ ဘာမှ မလုပ်အားဘူး။ အမတ်လောင်းစာရင်း တင်တဲ့ရက် ကုန်ခါနီးမှ ပါတီ မှတ်ပုံတင်ခွင့်ကျတယ်။ သူတို့ကို အစစအရာရာ အစိုးရပိုင်းက ကူညီပံ့ပိုးပေးတော့ ပါတီတခုအနေနဲ့ ရပ်တည်နိုင်သွားတာပေါ့။ ဘားအံ ကမ်းနားလမ်းမှာ ရုံးဖွင့်ထားတယ်” ဟု ပြောသည်။

ဦးစောသာထူးကျော် ခေါင်းဆောင်သည့် ကရင်ပြည်နယ် ဒီမိုကရေစီနှင့်ဖွံ့ဖြိုးတိုးတက်ရေး ပါတီသည် ဒီကေဘီအေ ခေါင်းဆောင်အချို့အပြင် ယခင် ကေအန်ယူ တပ်မဟာ (၆၊ ၇) တွင် အဆင့်မြင့်တာဝန်များ ယူခဲ့ပြီး နောက်ပိုင်း ခွဲထွက်အဖွဲ့များတွင် ပါဝင်သူ အများအပြားဖြင့် စုစည်းထားခြင်းဖြစ်ကြောင်း သိရသည်။

အဆိုပါ ပါတီမှ အမတ်လောင်းများအဖြစ် ဦးစောသာထူးကျော်က ကရင်ပြည်နယ်လွှတ်တော်အတွက် လှိုင်းဘွဲ့မြို့နယ် မဲဆန္ဒနယ်အမှတ် (၁) ၊ ဦးမန်းအောင်တင်မြင့်က အမျိုးသားလွှတ်တော်အတွက် ကရင်ပြည်နယ် မဲဆန္ဒနယ် အမှတ် (၁၂)၊ ကြာအင်းဆိပ်ကြီးမြို့နယ်မှ ဦးစောအောင်ငွေက အမျိုးသားလွှတ်တော်အတွက် ကရင်ပြည်နယ် မဲဆန္ဒနယ်အမှတ် (၄)၊ လှိုင်းဘွဲ့မြို့နယ်မှ ဦးစောချစ်လှိုင်က ကရင်ပြည်နယ် လွှတ်တော်အတွက် မြဝတီမြို့နယ် မဲဆန္ဒနယ်တို့မှ ဝင်ရောက်ယှဉ်ပြိုင်ကြမည်ဖြစ်ကြောင်း ဘားအံခရိုင် ရွေးကောက်ပွဲကော်မရှင်ရုံးမှ သိရသည်။

မူလက လာမည့်ရွေးကောက်ပွဲတွင် ဝင်ရောက်ယှဉ်ပြိုင်ရန် ဖွဲ့စည်းထားသည့် ကရင်အမျိုးသားပါတီ (၃) ပါတီသာ ရှိပြီး အဆိုပါ ပါတီများအနက် ၁၉၉ဝ လက်ကျန် ပြည်ထောင်စု ကရင်အမျိုးသားများအဖွဲ့ချုပ်သည် အမတ်လောင်း (၃) ဦး မတင်နိုင်သည့်အတွက် ဖျက်သိမ်းခံလိုက်ရသည်။

ကရင်ပြည်သူ့ပါတီကိုမူ နအဖစစ်တပ်မှ ရေတပ်ကွန်မန်ဒါဟောင်း၊ ဒု-တိုင်းမှူးဟောင်း၊ ပြည်နယ် ရဲမှူးဟောင်းများက ခေါင်းဆောင်ဖွဲ့စည်းထားပြီး ကရင်ပြည်နယ်မှအပ အခြား တောင်ငူ၊ ဧရာဝတီတိုင်း၊ ရန်ကုန်တိုင်းတို့တွင် ဝင်ရောက် အရွေးခံမည်ဖြစ်ပြီး အဆိုပါ ပါတီကို စစ်အစိုးရက စနစ်တကျ ဖွဲ့စည်းတည်ထောင်ရန် တာဝန်ပေးထားကြောင်း ရန်ကုန်တွင် ကျယ်ကျယ်ပြန့်ပြန့် သတင်းထွက်ပေါ်နေသည်။

ကရင်ပြည်နယ်တွင်မူ စာပေနှင့်ယဉ်ကျေးမှုလုပ်ငန်းများ လုပ်ကိုင်နေသော ဖလုံ- စဝေါ် ပါတီတခုသာ ရှိသည့်အတွက် စစ်အစိုးရက ဒီကေဘီအေ ခေါင်းဆောင်ဟောင်းကို ပါတီဖွဲ့ရန် စေခိုင်းခြင်း ဖြစ်နိုင်ကြောင်း ဘားအံမြို့တွင် ဝေဖန်ပြောဆိုနေကြသည်။

အဆိုပါ ပါတီသည် စစ်အစိုးရ ကြံ့ဖွံ့ပါတီနှင့် မဟာမိတ်ဖွဲ့ထားသည့်အတွက် ၎င်းတို့ အမတ်လောင်း ယှဉ်ပြိုင်ရာ နေရာတို့တွင် ကြံ့ဖွံ့အမတ်လောင်း အမည်စာရင်း တင်သွင်းခြင်း မရှိပေ။

အချို့ အမတ်လောင်းများ၏ မဲဆန္ဒနယ်တွင် အခြားမည်သည့်ပါတီကမှ မယှဉ်ပြိုင်ခြင်းကြောင့် အလိုအလျောက် အမတ်လောင်း ဖြစ်သူလည်း ရှိကြောင်း ဘားအံခရိုင် ကော်မရှင်ရုံးမှ စုံစမ်းသိရသည်။

ကရင်ပြည်နယ်တွင် မဲဆန္ဒနယ်မြေ စုစုပေါင်း (၃၆) နယ်မြေ ရှိပြီး ဖလုံစဝေါ် ဒီမိုကရက်ပါတီက ကိုယ်စားလှယ်လောင်း (၁၇) ဦးနှင့် ဦးစောသာထူးကျော်တို့၏ ပါတီက အမတ်နေရာ (၄) ဦး ဝင်ရောက်ယှဉ်ပြိုင်ကြမည်ဖြစ်ကြောင်း သိရသည်။

http://www.khitpyaing.org/index.php?route=detail&id=4913

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...

ဘုရားသုံးဆူနယ်စပ်သို့ တက်လာသောစစ်ကြောင်းအပစ်ခတ်ခံရ

မင်းထက်အောင်(စက်တင်ဘာ-၂၉)။ ။ ဗျုဟာမှူးတစ်ဦးအပါအဝင် ဘုရားသုံးဆူနယ်စပ်သို့ တက်လာသောစစ်ကြောင်းတပ်ရင်းနှစ်ရင်းအား ယနေ့နံနက်ပိုင်း၌ မိမိတို့ပြောက်ကျားပစ်ခတ်ခဲ့ကြောင်း KNU ကပြောသည်။

“အထိအခိုက်စာရင်းတွေ အတည်မပြုနိုင်သေးပါ၊ ကျနော်တို့တပ်ဖွဲ့ပစ်ခတ်တာကတော့သေချာတယ်” ဟု တပ်မဟာ(၆) ပြန်ကြားရေးဌာနတာဝန်ခံ ဗိုလ်ကြီးစောထဲနေ ပြောပါသည်။

ဘုရားသုံးဆူမြို့မှ (၁၈) မိုင်ခန့်ဝေးကွာသော အပလုံရွာနှင့် မြိုင်သာယာရွာအကြားတွင် ယင်းကဲ့သို့ ပစ်ခတ်မှုဖြစ်ပေါ်ခဲ့သည်ဟု သိရသည်။

တဖန် ဗိုလ်ကြီးစောထဲနေက “ အဲဒီကနေနှစ်မိုင်လောက်ဝေးတဲ့ နေရာမှာလည်း မနက်(၁၁) နာရီမှာလက်နက်ကြီးသံတွေ ငါးမိနစ်လောက်ထပ်ကြားရပြန်တယ်၊ ဒါပေမယ့်ကျနော်တို့အဖွဲ့တော့ အဲဒီမှာမရှိတော့ဘူး” ဟု ပြောသည်။

ဒေသခံမွန်ပြည်သစ်ပါတီအရာရှိတစ်ဦးက အဆိုပါသေနတ်သံများကြားရသော်လည်း မွန်ပြည်သစ်တပ်ဖွဲ့များနှင့် ပစ်ခတ်မှုမရှိခဲ့ဟု ဆက်သွယ်မေးမြန်းချက်အရ သိရသည်။

ထို့အတူ ယခုလ(၂၄)ရက်နေ့တွင်လည်း အဆိုပါစစ်ကြောင်းအား လေးဖိုးရွာအနီးတွင် KNU မှခြောင်းမြောင်းပစ်ခတ်ခဲ့ရာ နအဖဖက်မှတစ်ဦးထိမှန် ဒဏ်ရာရရှိခဲ့သည်ဟု တပ်မဟာ(၆)မှ ပြောသည်။

ထိုသို့အပစ်ခတ်ခံရပြီးနောက် ၄င်းနအဖစစ်ကြောင်းသည် ကားလမ်းအတိုင်း ခြေလျှင်မလာတော့ဘဲ တောင်ကြောများပေါ်မှတဆင့် ဆက်လက်ချီတက်ခဲ့ပြန်ရာ လွယ်လွယ်နှင့်ခရီးမတွင်ဖြစ်နေသည်။

အရှေ့တောင်တိုင်းစစ်ဌာနချုပ်၊ ရှေ့တန်းစစ်ဗျူဟာ(၃)မှ ဗိုလ်မှူးကြီးတင်မောင်ထွန်းနှင့်အတူ ခလရ(၂၈၃)၊ ခမရ(၄၀၅) တပ်ရင်းနှစ်ရင်း ပါရှိလာသည်။

“နှစ်ရက်ခရီးကို တစ်ပတ်နီးပါးလောက်အချိန်ယူပြီးလာရကတည်းက လမ်းမှာလုံခြုံရေးတွေ တော်တော်သတိထားနေရလို့ပါ” ဟုနယ်စပ်စစ်ရေးစောင့်ကြည့်လေ့လာသူတစ်ဦး အကဲခတ်ပြောဆိုသည်။

အဆိုပါခလရ(၂၈၃) သည် လက်ရှိဘုရားသုံးဆူအခြေစိုက် ခလရ(၃၂)တပ်ရင်းနေရာတွင် အစားထိုးဝင်ရောက်လာမည်ဟု စုံစမ်းသိရှိရသည်။

သတင်းမှတ်တမ်းများအရ ယင်းရတခတိုင်းစစ်ဗျူဟာမှူးများသည် ဘုရားသုံးဆူနယ်စပ်မြို့သို့ မလာရောက်နိုင်သည်မှာ (၂) နှစ်ခန့် ရှိပြီးဖြစ်သည်။

ထိုသို့ တိုင်းရှေ့တန်းစစ်ဗျူဟာမှူးတစ်ဦး ယခုအချိန်လာရောက်ခြင်းသည် ထူးခြားမှုတစ်ရပ်ဟု စစ်ရေးစောင့်ကြည့်သူများ အကဲခတ်နေကြသည်။

http://www.kaowao.org/b/2010news-september-29.php

(ဆက်ဖတ်ရန်...................)

ဖတ်ပြီးပြန်ခေါက်သိမ်းပေးခဲ့ပါ...