ကော့ကရိတ် စုံစမ်းစစ်ဆေးရေးဂိတ် တိုက်ခိုက်ခံရ

ဒီကနေ့ နေ့လည် ၂ နာရီခန့်က ကရင်ပြည်နယ် ကော့ကရိတ်မြို့က ခလရ ၉၇ နဲ့ မြို့အဝင် အဖွဲ့ပေါင်းစုံ စစ်ဆေးရေး ဂိတ်လုပ်ထားတဲ့ ချက်ပွိုင့် စတဲ့ နေရာ နှစ်ခုကို ကေအန်ယူနဲ့ ဒီကေဘီအေ ပူးပေါင်းတပ်ဖွဲ့တွေက ဝင်ရောက်တိုက်ခိုက် ခဲ့ပါတယ်။

တိုက်ပွဲဖြစ်ပွားခဲ့တဲ့ အခြေအနေနဲ့ ပတ်သက်ပြီး ကော့ကရိတ်မြို့ခံတဦးကို ဆက်သွယ်မေးမြန်းကြည့်ရာ …

“တိုက်ပွဲဖြစ်တယ် နေ့ခင်း၂ နာရီလောက်ကပဲ၊ ၉၇ ထဲကို လက်နက်ကြီး ၂ လုံးကျသံကြားတယ်။ ချက်ပွိုင့်ကိုလည်း ပစ်တယ်။ ဆေးရုံဘက်တော့ ဒဏ်ရာရ ရဲဘော် ၂ ဦး သယ်သွားတာတွေ့တယ်။ ပစ်သံခတ်သံတွေကြားတော့ ဆိုင်တွေ လည်း ပိတ်ကုန်တယ်၊ ရာသီဥတုကလည်း မကောင်းတော့ အိမ်မှာပဲ ပုန်းနေရတယ်” လို့ ပြောပြသွားပါတယ်။

အခြေအနေအသေးစိတ်ကိုတော့ ဆက်လက်စုံးစမ်းနေဆဲ ဖြစ်ပါတယ်။

http://www.naytthit.net/?p=11352