ကေအန်ယူတပ်မဟာ (၆) က မြန်မာစစ်အစိုးရတပ်ကို ချုံခိုတိုက်ခိုက်

ထိုင်းမြန်မာနယ်စပ်အနီး ဘုရားသုံးဆူမြို့နယ် အပလုံးရွာ၏ အနောက် မြောက်ဘက်တွင် တပ်ပြောင်းရန်လာသည့် မြန်မာစစ်အစိုးရတပ်ကို ကေ အန်ယူတပ်မဟာ (၆) က ချုံခိုတိုက်ခိုက်ခဲ့ပြီး မြန်မာစစ်တပ်မှ တပ်ကြပ်ကြီး တစ်ဦးကျဆုံးကာ စစ်သားတစ်ဦး ဒဏ်ရာခဲ့သည်ဟု သိရသည်။

ယနေနံနက် ၆ နာရီ မိနတ် ၂၀ ခန့်တွင် ဒုဗိုလ်မှူးကြီးမင်းနိုင်ဦး ဦးစီးသော ခမရ ၃၅၅ ကုို ကေအန်ယူတပ်မဟာ (၆) တပ်ခွဲ (၂) က ပြောက်ကျား နည်းဖြင့် ချုံခိုတိုက်ခိုက်ခဲ့ပြီး ကေအန်ယူဘက်မှ ဆုတ်ခွာခဲ့သည်ဟု တပ်မ ဟာ (၆) မှ ဗိုလ်ကြီးတစ်ဦးက ပြောသည်။


“တိုက်ပွဲက ၅ မိနတ်လောက်ပဲ ကြာသွားတယ်၊ ကေအန်ယူဘက်စပြီး တိုက်တာ ကေအန်ယူဘက် ထိခိုက်တာဘာမရှိဘူး၊ မြန်မာတပ်ဘက်က တစ်ယောက်ကျပြီး တစ်ယောက်ဒဏ်ရာရသွားတယ်” ဟု ဗိုလ်ကြီးက ပြောသသည်။

လွန်ခဲ့သည့် ရက်သတ္တပတ်တွင်လည်း ချောင်းဆုံကျေးရွာအနီး ကေအန်ယူ တပ်မဟာ ၆ ၏ ချုံခိုတိုက်ခိုက်ခြင်းကြောင့် ခမရ ၃၅၆ မှ လေးဦး ဒဏ်ရာ ရသွားခဲ့သည်။

ဘုရားသုံးဆူမြို့ မြောက်ဘက်ရှိ မဲ့ကသာကျေးရွာတွင် တပ်စွဲထားသော မြန် မာစစ်အစိုးရ တပ် ခလရ ၂၈၃ ကို ထပ်မံအင်အားဖြည့်ရန် လာရောက် သော ခမရ ၃၅၆ သည် ကေအန်ယူတပ်မဟာ (၆) ၏ ချုံခိုတိုက်ခိုက်ခံ ရခြင်း ဖြစ်သည်။ ယနေ့တိုက်ခိုက်ခံရသော ခမရ ၃၅၅ သည် ခမရ ၃၅၆ ကို တပ်အပြောင်းအလဲလုပ်ရန်အတွက် ဖြစ်သည်။

“တိုက်ပွဲဖြစ်တဲ့ အသံတွေကို ကျွန်တော်တို့ကြားရတယ်၊ မြန်မာတပ်ဘက် က ၁ တစ်ယောက်ကျပြီး ၂ ယောက်ဒဏ်ရာရသွားတယ်” ဟု တိုက်ပွဲဖြစ် ပွားသည့်ဒေသရှိ မွန်ပြည်သစ်တီပါဝင်တစ်ဦးက ပြောသည်။

ကေအန်ယူတပ်မဟာ (၇) ကို မြန်မာအစိုးရတပ်နှင့် ဒီကေအဘီအေတပ် တို့ သိမ်းယူခဲ့ပြီးနောက် ကေအန်ယူ တပ်မဟာ (၆) အခြေစိုက်ရာ ဘုရား သုံးဆူဒေသတွင် မကြာခဏ တိုက်ပွဲစစ်ဆင်မှုများရှိလာသည်။ ၄င်းဒေသ ရှိသည့် ရွာသားတွေကလည်း ထိုင်း-မြန်မာနယ်စပ် ထွက်းပြေးတိမ်းရှောင် လာသူများလည်း ရှိသည်။