နိုဝင်ဘာ ၂၇၊၂၀၀၉။
ကောင်းဝါ(နိုဝင်ဘာ- ၂၇)။ ။ ကရင်ပြည်နယ် ကြာအင်းဆိပ်ကြီးမြို့နယ် အနန်းကွင်းရွာနှင့် ဘုရားသုံးမြို့နယ် အကြား တောင်စွန်းကျေးရွာရှိ ဘုန်းကြီးကျောင်းအနီးတွင် ယနေ့နံနက်(၈)နာရီအချိန်ခန့် ကေအန်ယူတပ်နှင့် စစ်အစိုးရတပ်တို့ တိုက်ပွဲဖြစ်ပွါးခဲ့ကြောင်း ဒေသခံတစ်ဦးမှ ပြောပါသည်။
အဆိုပါတိုက်ပွဲသည် နအဖစစ်ကြောင်း(၁) ခမရ(၃၅၆)တပ်ရင်း တပ်ခွဲ(၁) ဗိုလ်ကြီးကျော်မင်းလှိုင်ဦးစီးတပ်ဖွဲ့ကို ကေအန်ယူတပ်ရင်း(၁၆) တပ်ခွဲ(၂)တို့၏ ခြုံခိုတိုက်ခိုက်မှုကိုခံရပြီး စစ်အစိုးရတပ်ဘက်မှ တပ်ကြပ်ကြီး အောင်မင်းသန်းက ထိခိုက်ဒါဏ်ရာ ရရှိသွားသည်ဟု အဆိုပါဒေသခံက ဆိုပါသည်။
ဤတိုက်ပွဲ၌ နအဖ တပ်မှလက်နက်ကြီးများဖြင့် ပစ်ခတ်ခဲ့သောကြောင့် အသက်(၄ဝ)ကျော်အမျိုးသမီး(၁)ဦး လည်း လက်နက်ကြီး ထိမှန်သဖြင့် သေဆုံးသွားသည်ဟု တောင်စွန်းရွာသားတစ်ဦးမှ ပြောပါသည်။
၎င်းဒေသသည် ကေအာန်ယူတပ်ဖွဲ့များမကြာခဏဆိုသလို စစ်ရေးအရ လှုပ်ရှားမှုပြုလုပ်နေပြီး ခြုံခိုတိုက်ပွဲများ မကြာခဏဖြစ်ပွါးခဲ့ပါသည်။
ပြီးခဲ့သည့် စက်တင်ဘာလတွင် မိုင်းတိုက်ပွဲနှင့်ခြုံခိုတိုက်ပွဲပေါင်း (၅)ကြိမ်ဖြစ်ပွါးခဲ့ပြီး နအဖတပ်ဘက်မှ ထိခိုက် သေဆုံးဒါဏ်ရာမှု အများအပြားရှိခဲ့ကြောင်း ဒေသခံများက ပြောပါသည်။
Kaowao မှကူးယူဖော်ပြသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
နိုဝင်ဘာလ ၂၇ရက်၊ စောသိန်းမြင့် (ကေအိုင်စီ)
ကရင်ပြည်နယ်တောင်ပိုင်း၊ ဘိတ်ထားဝယ်ခရိုင်တွင် နအဖစစ်တပ်က ကားလမ်းပြုပြင်ရန်အတွက် လယ်ဒိုစိုးမြို့နယ်ရှိ ရွာသားများကို အဓမ္မချော ဆွဲနေသည်ဟု ဒေသဆိုင်ရာ သတင်းများအရ သိရသည်။ဒုဗိုလ်မှူးကြီး အောင်အောင်လှိုင် ဦးဆောင်သော နအဖ ခမရ(၄၃၃)တပ်ရင်းသည် ယခုလ နိုဝင်ဘာလ ၂၄ရက်နေ့မှစ၍ ယနေ့အထိ လယ်ဒိုစိုး မြို့နယ် ကမော်သွေးဂွင်မှ ထိုင်းနယ်စပ်အထိ ဖောက်လုပ်ထားသော ကားလမ်းကို ပြုပြင်ရန်အတွက် ကမော်သွေးဂွင်ရှိ ရွာပေါင်း ၁၁ရွာမှ တရွာ လျှင် ရွာသား ၅ဦးကို မသွားမနေရ ခေါ်ယူနေသည်ဟု ကေအဲန်ယူ ဘိတ်ထားဝယ်ခရိုင် သတင်းဌာနခွဲတာဝန်ခံ နန်းဆန်းဒေးကေက ပြောသည်။
“နိုဝင်ဘာလ ၂၄ရက်နေ့မှာ ဗိုလ်အောင်အောင်လှိုင် ဦးစီးတဲ့ နအဖစစ်တပ် ခမရ ၄၃၃ တပ်ရင်းဟာ ကမော်သွေး ဂွင်က ထီးဘလယ်၊ ၀ါ့ရှူးခို၊ ခေါ ပေါ်၊ ကျေပ၀ယ်ထာ၊ ခေါပေါ်ခီး၊ ခလယ့်ဖူး၊ ကမေး၊ ခိုဆေး၊ နော်ထရူးတော်၊ ထိုကီဖိုးနော်နဲ့ ဂေါ်ထီးလိုစတဲ့ရွာက ရွာသားတွေကို ကားလမ်းပြုပြင် ဖို့အတွက်ဆိုပြီး မသွားမနေရ ညွှန်ကြားထားတယ်။ တရွာကို ၅ယောက်သွားရတယ်၊ ဒီကနေ့အထိပဲ”ဟု သူမက ကေအိုင်စီကို ပြောသည်။ ၎င်းရွာများမှ ရွာသားများသည် ကားလမ်းပြုပြင် ရှင်းလင်းရာတွင် အသုံးပြုရန်အတွက် သစ်ဖြတ်စက်များ ယူဆောင်လာရသည့်အပြင် ခေါပေါ်ရွာ မှ ဆင်တကောင်ကိုလည်း ချောဆွဲခဲ့သည်ဟု ဘိတ်ထားဝယ်ခရိုင် သတင်းဌာနခွဲ၏ ယမန်နေ့က ထုတ်ပြန်ချက်အရ သိရသည်။
နအဖစစ်တပ် သည် ၎င်းတို့၏ သူခါတပ်စခန်းအတွက် တပ်ရိက္ခာ သယ်ယူပို့ဆောင်ရန်အတွက် အဆိုပါကားလမ်းမကြီးကို ပြုပြင်ခြင်းဖြစ်သည်ဟု ဘိတ်ထား ၀ယ်ခရိုင် တာဝန်ရှိသူများက ယူဆကြသည်။ တပတ်ကြာ ပြုပြင်ရမည့် ၎င်းလမ်းမကြီးကို သုံးရက်ပြည့်လျှင် လယ်ဒိုစိုးမြို့နယ်ရှိ တခြားရွာများက လဲလှယ်တာဝန်ယူ ပြုပြင်ရမည်ဖြစ်ပြီး အဆိုပါ ခရိုင်တွင် ယခင်ကလည်း နအဖစစ်တပ်များက ထိုကဲ့သို့ အတင်းအဓမ္မ ခိုင်းစေမှုများ အမြဲတမ်းလိုလို ရှိခဲ့သည်ဟု နန်းဆန်းဒေးကေက ဆက် ပြောသည်။
ဘိတ်ထားဝယ်ခရိုင်တွင် နအဖစစ်တပ်မှ ကမ်းရိုးတန်းတိုင်းစစ်ဌာနချုပ် လက်အောက်ခံတပ်ရင်းနှင့် စကခ (၁၃) လက်အောက်ခံတပ်ရင်းတို့ လှုပ် ရှားနေသလို ကေအဲန်ယူ တပ်မဟာ(၄) လက်အောက်ခံ တပ်ရင်းတို့လည်း လှုပ်ရှားလျှက်ရှိသည်။
အလားတူ လွန်ခဲ့သည့် နိုဝင်ဘာလ ၁၇ရက်နေ့ကလည်း ကေအဲန်ယူ တပ်မဟာ (၅)နယ်မြေတွင် လှုပ်ရှားနေသော နအဖစစ်တပ် ခမရ ၄၃၄ တပ်ရင်းမှ ဗိုလ်ဝင်းမင်းသန်းနှင့် ဗိုလ်တင့်ခင်က ၎င်းတို့ စစ်တပ်အသုံးပြုရန်အတွက် ဒေသခံရွာသား ၁၉ဦးကို အတင်းအဓမ္မ ၀ါးခုတ်ခိုင်းခဲ့သည် ဟု ကေအဲန်ယူက သတင်းထုတ်ပြန်ခဲ့သည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
ရဲရင့် / ၂၆ နိုဝင်ဘာ ၂၀၀၉
ယခုနှစ်ပွင့်လင်းရာသီ၏ အကြီးမားဆုံး လောင်းကစားပွဲကို မြ၀တီမြို့ အမှတ် (၃) ရပ်ကွက်ရှိ ဓမ္မရန်အောင် ဘုန်းတော်ကြီးကျောင်းတွင် ကျင်းပ
နေသည်ဟု လောင်းကစားဒိုင်ကြီးတဦးက ပြောသည်။
၎င်းက “ဒီပွဲက မြ၀တီမှာ အကြီးဆုံးပွဲပဲ။ ကစားဝိုင်းက အကြီးအသေးဝိုင်း (၆၀) လောက်ရှိတယ်။ ဒီကေဘီအေက ဗိုလ်မောသိုကိုင်တာ။ အကောက်ကတော့ ၀ိုင်းကြီး (၁) သိန်း၊ ၀ိုင်းငယ် (၄) သောင်းယူတယ်။ တညကို ဒီကေဘီအေက အကောက် (၁၅) သိန်းလောက်ရတယ်” ဟု ပြောသည်။
ယခုလ (၁၁) ရက်နေ့က စတင်ဖွင့်လှစ်သည့် လောင်းကစားပွဲကို တိုးတက်သောဗုဒ္ဒဘာသာကရင်အမျိုးသားတပ်မတော် (ဒီကေဘီအေ) တပ်ရင်း (၉၀၇) က မြ၀တီခရိုင်အာဏာပိုင်များ၏ ခွင့်ပြုချက်ဖြင့် ကျင်းပခြင်းဖြစ်ပြီး လောင်းကစားပွဲကို ဓမ္မရန်အောင်ဘုန်းတော်ကြီးကျောင်း ရန်ပုံငွေပွဲဟု အမည်ခံကာ ကျင်းပခြင်းဖြစ်သည်။
လောင်းကစားဝိုင်းကြီးကြပ်သည့် ဒီကေဘီအေ တပ်ဖွဲ့ဝင်တဦးက “အကောက်က ငါတို့ချည်းပဲရတာမဟုတ်ဘူး၊ မြ၀တီက လူကြီးတွေကိုလည်း ခွဲပေးရတယ်၊ ဘုန်းကြီးကျောင်းကိုလည်း လှူရသေးတယ်။ ဒီလိုမှမလုပ်ရင် ဒီနယ်မှာ ဘာမှလှုပ်ရှားမယ် မကြံနဲ့ ပွဲပြီးသွားမယ်” ဟု ပြောသည်။
ပွဲတော်ကာလအတွင်း ဟန်ပြအနေဖြင့် ညစဉ်ကပြသည့် မော်လမြိုင်မှ ဟိန်းချစ်၊ ချစ်ရာဇာ၊ ချစ်ရဲမင်း၊ ချစ်မင်းသူ စသည့်ဇာတ်အဖွဲ့များကိုလည်း ငှားရကြောင်းနှင့် ဒီကေဘီအေမှ သပိတ်ဝင်အိတ်ဝင် မရကြောင်း၊ အဖွဲ့ရန်ပုံငွေအတွက် လာမည့်လအထိ ဆက်လက်ကျင်းပမည်ဖြစ်ကြောင်း အဆိုပါ ဒီကေဘီအေတပ်ဖွဲ့ဝင်က ပြောသည်။
လောင်းကစားပွဲသို့ ညစဉ် လူထောင်ချီလာရောက် ကစားကြသဖြင့် ရပ်ကွက်တခုလုံး ဆူညံနေကာ လောင်းကစားဝိုင်းတို့တွင် လည်း ထိုးသားများကိုမြူဆွယ်ရန် ပြည့်တန်ဆာများပါရှိပြီး ရပ်ကွက်အတွင်း ဥဒဟိုဝင်ထွက်သွားလာနေမှုကြောင့် မှောင်ရီပျိုးစအချိန်တွင် အမျိုးကောင်းသားသမီးများပင်လျှင် အပြင်မထွက်ရဲကြောင်း၊ မြ၀တီမြို့၏ သီးခြားကမ္ဘာကဲ့သို့ဖြစ်နေသော်လည်း အာဏာပိုင်များက တစုံတရာ အရေးယူမှုမရှိကြောင်း ဒေသခံတဦးက ပြောသည်။
မဲဆောက်မြို့မှ (၃၅) ကီလိုမီတာအကွာရှိ မယ်လမတ်မြို့နယ် ၀မ်းဖာရွာတဖက်ကမ်း မြန်မာဘက်ခြမ်းရှိ ဒီကေဘီအေ (၉၉၉) တပ်စခန်းအနီးတွင် ထိုင်းလုပ်ငန်းရှင်တဦးက နိုင်ငံတကာအဆင့်မီ လောင်းကစားရုံတခုကို လွန်ခဲ့သည့် တလကျော်က ဖွင့်လှစ်ခဲ့ရာ မြန်မာနှင့် ထိုင်းနိုင်ငံသားများ နေ့စဉ်သွားရောက်၍ လောင်းကစားကြသည်ဟု သွားရောက်ခဲ့သူ ထိုင်းလူမျိုးတဦးက ပြောသည်။
အဆိုပါလောင်းကစားရုံတွင် အလုပ်လုပ်ကိုင်ရန် အမျိုးသမီးငယ်များအလိုရှိပြီး လစာကောင်းကောင်းရမည်ဟုဆိုကာ ဆက်သွယ်ရန် ဖုန်းနံပါတ်နှင့်အတူ ထိုင်းမြန်မာနှစ်ဘာသာဖြင့် ရေးသားထားသည့် စာရွက်များကိုလည်း ဖြန့်ဝေလျှက်ရှိသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
နိုဝင်ဘာလ ၂၅။ စောထွန်းနိုင် (ကေအိုင်စီ)
ယခုရက်ပိုင်းတွင် ဖာပွန်ဒေသအတွင်း ဝင်ရောက်လှုပ်ရှား စခန်းချလာသည့် ဒီကေဘီအေတပ်များသည် ဒေသခံရွာသူရွာသားများ ကို ခေါ်ယူခိုင်းစေသည့်အပြင် စစ်
သားသစ်ကိုပါ ကောက်ယူနေကြောင်း ဒေသခံများက ပြောသည်။
ဒီကေဘီအေ တပ်မဟာ(၃၃၃)မှ ဒုဗိုလ်မှူးကြီး စောဘိ ဦးစီးသော တပ်ရင်းနှင့် ဒုဗိုလ်မှူးကြီး ဟင်နရီ ဦးစီးသော တပ်ရင်းတို့သည် ယခုလ ၁၀ရက်နေ့က ဖာပွန်ခရိုင်၊ ဒွဲလိုးမြို့နယ်အတွင်းရှိ မိချောင်းဝင်း(ကွီးတမာ့)နှင့် ဝင်းမော်(ဝေါ်မူ)ကျေးရွာများအတွင်းသို့ ရောက်ရှိစခန်းချခဲ့ရာ စခန်းဆောက်လုပ်ရန်နှင့် ရိက္ခာသယ်ယူရန်အတွက် ရွာသူရွာသားများကို ခေါ်ယူခိုင်းစေခဲ့ကြောင်း ကေအဲန်ယူ ဖာပွန်ခရိုင်မှ ဗိုလ်မှူးစောကလယ်ဒို့က ကေအိုင်စီကို ပြောသည်။
သူက “ဒီကေဘီအေ နံပါတ်(၃၃၃)အဖွဲ့က ဒီလ ၁၀ရက်နေ့မှာ ကွီးတမာ့(မိချောင်းဝင်း)အထိ ရောက်လာပြီးတော့ အဲဒီမှာ စခန်းချ တယ်။ အဲဒီစခန်းအတွက် အခု သူတို့ ရိက္ခာတွေ သယ်ယူတယ်။ အဲဒီအတွက် ကွီးတမာ့(မိချောင်းဝင်း)ရွာသားတွေကို ခေါ်ယူပြီး တော့ သယ်ခိုင်းတယ်။ ရိက္ခာသယ်ရတဲ့အပြင် အခြားအလုပ်တွေ အပါအဝင်ပေါ့လေ။ တခေါက်ကို ရွာသားအယောက်(၂၀) ခေါ်ပြီး တော့ ၃ရက်တိတိ သွားလုပ်ရတယ်။ ပြီးရင် နောက်တသုတ် အလှည့်ကျ ၃ရက်စီ သွားလုပ်ပေးရတယ်။ မသွားနိုင်ဘူးဆိုရင် လူတ ယောက်ကို ငွေ(၅၀၀၀)ကျပ်ပေးရတယ်”ဟု ဆိုသည်။
၎င်းတို့ တပ်စခန်း ဆောက်ရန်အတွက် ရွာသူရွာသားများကို ခေါ်ယူခိုင်းစေပြီး လိုအပ်သည့် သစ်၊ ဝါးနှင့် ဖက်များကိုလည်း ရွာသူ ရွာသားများထံမှ ငွေမပေးဘဲ အခမဲ့ မှာယူခဲ့သည်။ ထိုသို့ လုပ်အားခိုင်းစေမှုအပြင် တချိန်တည်းတွင် မိချောင်းအင်း၊ ဝင်းမော်ရွာနှင့် အနီးတဝိုက်ရွာများမှ ရွာသူရွာသားများကို ယခုလ ၂၃ရက်နေ့က တအိမ်တယောက် ခေါ်ယူတွေ့ဆုံကာ စစ်သားသစ်ကောက်ယူရန် ဆွေးနွေးချပြခဲ့သည်ဟု ထိုဒေသခံ၏ ပြောပြချက်အရ သိရသည်။
“ဒီကေဘီအေက စစ်သားသစ်ကောက်ယူဖို့အတွက် ဒီလ ၂၃ရက်နေ့က ရွာသားတွေကို တအိမ်တယောက် ခေါ်ယူတွေ့ဆုံပြီးတော့ ချပြဆွေးနွေးခဲ့တယ်။ အခု ဒီကေဘီအေက နယ်ခြားစောင့်တပ်ဖြစ်ပြီလေ။ ဒါကြောင့် ရွာသားတွေကတော့ ဒီကေဘီအေ စစ်သား ပိုပြီး မလုပ်ချင်တာပေါ့။ အဲဒါ ဒီကေဘီအေတွေသိတော့ မဲနိုက်စနစ်နဲ့ ကောက်မယ်။ မဲပေါက်တဲ့သူ သွားရမယ်လို့ အကြပ်ကိုင်လာ တယ်”ဟု အဆိုပါဒေသခံက ဆိုသည်။
ဒီကေဘီအေတပ်တို့ လုပ်ဆောင်သည့် စစ်သားသစ်စုဆောင်းမှုကို မနှစ်သက်သော ထိုဒေသရှိ လူငယ်များသည် ယခုလက်ရှိအ ချိန်တွင် လွတ်မြောက်ရာ တောတွင်းသို့ ပြေးပုန်းနေထိုင်ကြရသည်။
မိချောင်းဝင်းရွာသားတဦးက “ကျနော်တို့ရွာမှာ အရင်က နအဖရော၊ ဒီကေဘီအေ တပ်စခန်းတွေ မရှိဘူး။ ဝင်းမော်(ဝေါ်မူ)မှာတော့ နအဖ တပ်စခန်းတခုပဲရှိတယ်။ ဒီကေဘီအေက ဒီအခုမှ ဝင်လာတာ။ နဂိုကတည်းက နအဖတပ်တွေရဲ့ ခိုင်းစေမှုကို ခံရတဲ့ကြားက အခု ဒီကေဘီအေ ရောက်လာတော့ လုပ်အားခိုင်းတာရော၊ စစ်သားစုဆောင်းတာရော ထပ်လုပ်လာတယ်။ ကျနော်တို့ ရွာသား တွေက ခံပြီးရင်းခံပဲ”ဟု ဆိုသည်။
ယခုကဲ့သို့ ဒီကေဘီအေတပ်များ ဖာပွန်ဒေသအတွင်းသို့ ဝင်ရောက်နေရာယူခြင်းသည် အဆိုပါဒေသအတွင်း ထွက်ရှိသည့် သယံ ဇာတများဖြစ်သည့် ရွှေနှင့်သစ်များ ထုတ်လုပ်ရန်အတွက်နှင့် နယ်ခြားစောင့်တပ်ဖြစ်လာမည့် ဒီကေဘီအေတပ်အတွက် နယ်စပ် ဒေသများကို ထိန်းချူပ်နိုင်ရန်အတွက် ဖြစ်နိုင်ကြောင်း ထိုမိချောင်းဝင်းရွာသားက ပြောသည်။
ဖာပွန်ဒေသသို့ ရောက်ရှိလာသည့် ဒီကေဘီအေတပ်ဖွဲ့များတွင် မြ၀တီမြို့နယ်၊ ကုက္ကိုကျေးရွာ အခြေစိုက် (၉၉၉) ဗျူဟာမှူး ဗိုလ်မှူး ကြီးစောချစ်သူ ဦးစီးသည့်တပ်ဖွဲ့ ပါဝင်သည်ဟု မြ၀တီမြို့ရှိ ဒီကေဘီအေနှင့် နီးစပ်သူတဦးက ပြောသည်။ “ဗိုလ်ချစ်သူ ဦးစီးတဲ့ ဒီကေအဖွဲ့တွေ ဖာပွန်ဘက်ကိုသွားတယ်လို့တော့ ကျနော်တို့ ကြားတယ်။ ဒါပေမဲ့ ထိုးစစ်အတွက်တော့ မဟုတ်ဘူး။ စီးပွားရေးအ တွက်လို့ ပြောကြတာပဲ”ဟု ဆိုသည်။
ဖာပွန်ခရိုင်ရှိ ဘူးသိုနှင့် ဒွဲလိုးမြို့နယ်အတွင်း လှုပ်ရှားနေသော ဒီကေဘီအေ (၇၇၇) ကဆောဝါးတပ်ရင်းကလည်း ထိုဒေသအတွင်း ပျက်စီးနေသည့် တံတားနှင့် လမ်းများပြုပြင်ရန် ဒေသခံများကို ယခုလ ၄ရက်နေ့မှစ၍ နေ့ရောညပါ ခေါ်ယူခိုင်းစေခဲ့သည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
ရဲရင့် / ၂၃ နိုဝင်ဘာ ၂၀၀၉
ခရီးသည်တင် နှစ်ထပ်သင်္ဘောကို ယခင်လအတွင်းမှ ပစ်ခတ်ခဲ့မှုဖြစ်ပွားခဲ့ရာတွင် တိုးတက်သောဗုဒ္ဒဘာသာ ကရင်အမျိုးသား တပ်ဖွဲ့ (ဒီကေဘီအေ) က ပစ်ခတ်ခြင်းဖြစ်သည်ဟု ဒေသခံ တကောင်ဘိုးရွာသားတဦးက ပြောသည်။
ဖားအံမြို့နှင့် ရွှေဂွန်းကျေးရွာသို့ ပြေးဆွဲသည့် ပြည်တွင်းရေကြောင်းဌာနပိုင် စောဥမ္မာ အမည်ရှိ ခရီးသည်တင်နှစ်ထပ်သင်္ဘောကို ဖားအံမြို့နယ် တကောင်ဘိုးကျေးရွာတွင် ယခင်လ (၁၀) ရက်တွင် လက်နက်ကိုင်အဖွဲ့တခု က ကမ်းစပ်မှ ချောင်းမြောင်းပစ်ခတ် သဖြင့် ခရီးသည်(၃) ဦး သေဆုံးခဲ့သည်။
အဆိုပါ ပစ်ခတ်မှုအပြီး နောက်တနေ့တွင် စစ်အစိုးရပိုင် သတင်းဌာနများက ကရင်အမျိုးသားအစည်းအရုံး (ကေအန်ယူ) အဖွဲ့၏ လက်ချက်ဖြစ်သည်ဟု သတင်းထုတ်ပြန်ခဲ့သည်။
ယင်းကိစ္စနှင့်ပတ်သက်၍ မျက်မြင်တဦးဖြစ်သည့် ဒေသခံ တကောင်ဘိုးရွာသားတဦးက “မနက် (၇) နာရီ မထိုးသေးဘူး တကောင်ဘိုးရွာ လှေဆိပ်မှာထိုင်တဲ့ ဒီကေဘီအေက အကောက်မှူး ဗိုလ်ဂျပုကို သူတို့အဖွဲ့ကလူတွေပဲ လာပစ်သတ်သွားတယ်။ သစ်ကိစ္စလို့ပြောတယ်၊ အဲဒါပြီးတာနဲ့ ရွှေဂွန်းကနေ ဖားအံကိုဆင်းမယ့် သင်္ဘောရဲ့အပေါ်ထပ် ဦးပိုင်းမှာရှိတဲ့ သင်္ဘောလုံခြုံရေး ရဲတွေကို သူတို့ပဲ အရင်ပစ်တယ်၊ ရဲကလည်းပြန်ပစ်တော့ နှစ်ဖက်အပြန်အလှန် ပစ်ကြပြီး ခရီးသည် (၃) ယောက်သေသွားတယ်၊ ကျနော်တို့ရွာမှာ ငပွေး (ကေအန်ယူ) တွေ မလာတာ အနှစ် (၂၀) ကျော်ပြီ” ဟု ပြောသည်။
တကောင်ဘိုးရွာလှေဆိပ်တွင် ဒီကေဘီအေမှ အကောက်ဂိတ်ဖွင့်ထားပြီး မြိုင်ကြီးငူနှင့် ရွှေဂွန်း ဘက်မှ စုံဆင်းလာသည့် သစ်ဖောင်များကို အခွန်ကောက်ခံရာတွင် ဂိတ်မှူးဗိုလ်ဂျပုသည် အခွန် အဆမတန်တောင်းခြင်း၊ သစ်ဖောင်သမားများအား ရမယ်ရှာကာ နေပူလှန်းခြင်း၊ အချိန်ကြာမြင့်စွာ ရေငုတ်ခိုင်းခြင်း၊ သစ်တောမျှောစာ ပါသည်မပါသည်ဖြစ်စေ မတရားအကြပ်ကိုင် ခြိမ်းခြောက်ငွေညှစ်ခြင်းတို့ကြောင့် ဒီကေဘီအေ အပါအ၀င် အခြားသစ်လုပ်ငန်းရှင်များနှင့်လည်း မကြေလည်မှုများ မကြာခဏဖြစ်ပွားလေ့ရှိကြောင်း အဆိုပါဒေသခံက ပြောသည်။
သင်္ဘောပစ်ခတ်သူများကို ယနေ့အချိန်ထိ အာဏာပိုင်များမှ ဖမ်းဆီးစစ်ဆေးနိုင်ခြင်း မရှိသေးဘဲ ကေအန်ယူအဖွဲ့ကို အပြစ်ပုံချထားပြီး သေဆုံးသူများကိုလည်း တစုံတရာ အကူအညီပေးခြင်းလုံးဝမရှိဟု သေဆုံးရာတွင်ပါဝင်သည့် ကုလားကုန်းရွာသားတဦး၏ မိတ်ဆွေများက ပြောသည်။
ကေအန်ယူ ဗဟိုအဆင့် ခေါင်းဆောင်တဦးကလည်း အခင်းဖြစ်ပွားရာ သံလွင်မြစ် အနောက်ဘက်ခြမ်းဒေသတွင် ၎င်းတို့တပ်ဖွဲ့ဝင်များ မရှိကြောင်း၊ ဒီကေဘီအေ အဖွဲ့၏ ထိန်းချုပ်နယ်မြေအတွင်း ဖြစ်ပွားခဲ့ခြင်းသာဖြစ်ပြီး နအဖက ကေအန်ယူကို
နိုင်ငံရေးအရ ထိုးနှက်ခြင်းသာဖြစ်ကြောင်း ပြောသည်။
၁၉၉၄ ခုနှစ်နှောင်းပိုင်း ဒီကေဘီအေအဖွဲ့ စတင်ပေါ်ပေါက်ချိန်မှစ၍ ဖားအံမြို့နယ်နှင့် ဆက်စပ်သည့် သံလွင်မြစ် အနောက်ဘက်ခြမ်းတွင် ကေအန်ယူတပ်ဖွဲ့များ လှုပ်ရှားမှုမရှိတော့ကြောင်း ဒေသခံများက ပြောသည်။
ခေတ်ပြိုင်မှကူးယူဖော်ပြသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
Kaowao
နိုဝင်ဘာ ၂၂ ၊၂၀၀၉။
ကရင်ပြည်နယ် ကြာအင်းဆိပ်ကြီးမြို့နယ် ဘုရားသုံးဆူမြို့ အခြေစိုက် K.P.F ခေါ် ကရင်ငြိမ်းချမ်းရေးတပ်ဖွဲ့၏ အမှတ်(၃)ယာယီတပ်ရင်းမှုး ဗိုလ်မှုးစောဝါးချဲ့ အပါအဝင် တပ်ဖွဲ့ဝင်(၅)ယောက်ကို လက်နက်(၆)လက်နှင့်အတူ KNU ဘက်မှ နိုဝင်ဘာ(၂၀)ရက်နံက်(၈)နာရီအချိန်တွင် ဖမ်းဆီးမိခဲ့ပြီး နောက်ပိုင်းတွင် ပြန်လည်လွတ်မြောက်သွားသည်ဟု K.P.F အဖွဲ့နှင့် နီးစပ်သူတစ်ဦးမှ ပြောပါသည်။
ဗိုလ်မှုးစောဝါးချဲ့နှင့် တပ်ဖွဲ့ဝင်(၅)ဦးတို့သည် ဘုရားသုံးဆူမှ သံဖြူဇရပ်မြို့တို့အပြန် မြိုင်သာယာရွာကြားတွင် KNU ဘက်မှ လယ်ယာစိုက်ပျိုးရေးတာဝန်ခံ တိုင်ကီ(ခေါ်)စိုးပိုင် တို့အဖွဲ့မှ ဖမ်းဆီးခဲ့သည်ဟု ဒေသခံတို့မှ ပြောပါသည်။ K.P.F တပ်ဖွဲ့ဝင်(၆)ယောက်နှင့်အတူ လက်နက်အတို (၂)လက်၊ AK 47(၃)လက်၊ ကာဘိုင် (၁)လက် ဖမ်းမိ သိမ်းဆီးထားသည်ဟု K N U ဘက်မှ ပြောပါသည်။
ဗိုလ်မှုးစောဝါးချဲ့အပါအဝင် တပ်ဖွဲ့ဝင်(၅)ဦးကို မြိုင်သာယာ ဘုန်းကြီးကျောင်းတွင် ထိန်းသိမ်းထားခဲ့ရာမှ ညနေ ၃နာရီခွဲ ခန့်တွင် ဗိုလ်မှုးစောဝါးချဲ့ ထွက်ပြေးလွတ်မြောက် သွားခဲ့သည်ဟု မြိုင်သာယာကျေးရွာသား တစ်ဦးမှ ပြောပါသည်။ ကျန်ရစ်နေသောတပ်ဖွဲ့ဝင်(၅)ဦးကို K N Uဘက်မှ ပြန်လွှတ်လိုက်သည်ဟု ဆို၏။
ပြီးခဲ့သည့် နိုဝင်ဘာလ(၈)ရက်နေ့တွင် K.P.F အမှတ်(၃)တပ်ရင်းတွင် ဗိုလ်မှုးစောဝါးချဲ့ ယာယီတပ်ရင်းမှုးအဖြစ် တာဝန်ယူရန် K.P.F ဌာနချုပ်မှ တာဝန်ပေးခြင်းခံရသော်လည်း လက်ရှိတပ်ရင်းမှုး ဗိုလ်မှုးစောလေးဝါးမှ တာဝန် လွှဲအပ်ရန် ငြင်းဆန်ခဲ့သဖြင့် ပြဿနာအကြီးအကျယ် ဖြစ်ပွားခဲ့သေးသည်။
ဘုရားသုံးဆူအခြေစိုက် နအဖ တပ်ရင်းမှုး ဒုဗိုလ်မှုးကြီးမြတ်ထွန်းအေးမှ စေ့စပ်ဖြန်ဖြေပေးခဲ့သော်လည်း ယခုတိုင် ပြေလည်ခြင်းမရရှိသေးဟု K.P.F အဖွဲ့နှင့် နီးစပ်သူတစ်ဦးမှ ပြောပါသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
နိုဝင်ဘာ (၂၁)ရက်။ နန်းထူးစံ (ကေအိုင်စီ)
ကရင်ပြည်နယ် ကော့ကရိတ်မြို့နယ်မှ ဝေါ်လေဂွင်အတွင်း ယခုရက်ပိုင်းတွင် အသစ်ဝင်ရောက် လှုပ်ရှားလာသော နအဖတပ်ဖွဲ့နှင့် ကေအဲန်အယ်လ်အေတပ်ဖွဲ့တို့အကြား ယမန်နေ့က တိုက်ပွဲဖြစ်ပွားခဲ့ရာ နအဖ ဒုရင်းမှူးတဦးအပါအဝင် တပ်ဗိုလ်တပ်မှူး(၅)ဦး ဒဏ် ရာရရှိခဲ့ပြီး တပ်ခွဲမှူးတဦး ကျဆုံးခဲ့ကြောင်း ထိုဒေသမှ လာသည့်သတင်းရသိရသည်။
ကေအဲန်ယူ တပ်မဟာ (၆)နယ်မြေရှိ ဝေါ်လေဂွင်မှာ တပ်အပြောင်းအလဲလုပ်ရန် ယခု ရက်သတ္တပတ်အတွင်း ရောက်ရှိလာသော ဒု ဗိုလ်မှူးကြီးကျော်ကျော် ဦးစီးသည့် နအဖ ခလရ (၂၄)တပ်ဖွဲ့သည် ထိုဒေသအတွင်း သွားလာလှုပ်ရှားရာမှ နယ်ခံ ကေအဲန်အယ်လ် အေ တပ်ရင်း(၂၀၁)၊ (၁၀၃) ပူးပေါင်းတပ်ဖွဲ့တို့နှင့် တိုးပြီး တိုက်ပွဲဖြစ်ပွားခဲ့ခြင်းဖြစ်သည်ဟု ကေအဲန်အယ်လ်အေ တပ်ရင်း (၂၀၁) မှ ဒုရင်းမှူး ဗိုလ်မှူးစောကြည်အောင်က ပြောသည်။
သူက “ယမန်နေ့က ၁၁နာရီ ၂၀မိနှစ်အချိန်မှာ အူးကလေ့ထာ့နဲ့ မနီးမဝေး ဘီးဘောဒေသမှာ နအဖ ခလရ(၂၄)တပ်ဖွဲ့နဲ့ ကျနော်တို့ ပူးပေါင်းတပ်ဖွဲ့နဲ့ (၁၅)မိနှစ်ကြာ တိုက်ပွဲဖြစ်ပွားခဲ့တယ်။ အဲဒီမှာ နအဖဘက်က ဒုရင်းမှူး မူးကျော်ထင်က ဒဏ်ရာ အပြင်းအထန်ရ တယ်လို့ ကျနော်တို့ သတင်းရတယ်။ ပြီးတော့ တပ်ဗိုလ်တယောက်၊ တပ်ကြပ်ကြီးတယောက်၊ တပ်ကြပ်တယောက်၊ ဒုတပ်ကြပ်တ ယောက်နှင့် တပ်သားတယောက် ဒဏ်ရာရပြီးတော့ တပ်ခွဲမှူးတယောက် သေဆုံးသွားတယ်လို့ ကျနော်တို့ သိရတယ်။ ကျနော်တို့ ဘက်ကတော့ ထိခိုက်မှု မရှိဘူး”ဟု ကေအိုင်စီကို ပြောသည်။
အင်အား (၈၀)ဝန်းကျင်ရှိ အဆိုပါ နအဖ ခလရ(၂၄)သည် ဝေါ်လေဂွင်အတွင်း အခြေစိုက်သည့် နအဖ ခလရ(၂၈၄)နှင့် တပ်အ ပြောင်းအလဲလုပ်ရန်အတွက် ယခုရက်သတ္တတပတ်တွင် ထိုဒေသအတွင်းသို့ ရောက်ရှိလာပြီး တပ်အကြိုအပို့လုပ်နေစဉ် ကေအဲန် အယ်လ်အေ တပ်ဖွဲ့တို့နှင့် တိုက်ပွဲဖြစ်ပွားခဲ့ခြင်းကြောင့် အဆိုပါတပ်များသည် ယခု ၎င်းတို့စခန်းတည်ရှိရာ ထီးကပလယ်နှင့် မယ် ကနဲတွင် ပြန်လည်နေရာယူလျှက်ရှိသည်။
လွန်ခဲ့သည့် နိုဝင်ဘာလ (၁၁)ရက်နေ့ကလည်း ဝေါ်လေအခြေစိုက် ကေအဲန်အယ်လ်အေ တပ်ရင်း(၂၀၁)နှင့် ဒုဗိုလ်မှူးကြီးမျိုးမြင့် အောင် ဦးစီးသော နအဖ ခလရ(၂၈၄)တပ်ဖွဲ့အကြား ဘုရင့်နောင် အလယ်ကုန်းတွင် တိုက်ပွဲနှစ်ကြိမ်ဖြစ်ပွားခဲ့ပြီး နအဖဘက်မှ တပ်သားနှစ်ဦး ကျဆုံးသွားခဲ့သည်ဟု သိရသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
www.mizzimaburmese.com မှကူးယူဖော်ပြသည်။
နိုဝင်ဘာလ ၁၉ရက်။ စောခါးစူးညား (ကေအိုင်စီ)
ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး(ယူအဲန်အိပ်ခ်ျစီအာရ်)က အိန္ဒိယနိုင်ငံကလကတ္တား အကျဉ်းထောင်တွင် နှစ် ရှည် ထိန်းသိမ်းခံရသည့် မြန်မာလက်နက်ကိုင်အဖွဲ့ဝင် ၃၄ဦးကို ဒုက္ခသည်အဖြစ် အသိအမှတ်ပြုလက်ခံရန် စဉ်းစားခဲ့သည့် အပေါ် ကရင်အမျိုးသားအစည်းအရုံး(ကေအဲန်ယူ)က ကြိုဆိုလိုက်သည်။
ကေအဲန်ယူ ဒုဥက္ကဌ ပဒိုစောဒေးဗစ်သကဘောက “ဒီလိုဖြစ်မယ်ဆိုရင်တော့ ကောင်းတာပေါ့။ သူတို့တွေဟာ ဘာအပြစ်မှ ရှိတာမှမဟုတ်တာ။ အိန္ဒိယအစိုးရကို ဆန့်ကျင်တဲ့ပြစ်မှုတွေ တခုမှမရှိဘူး။ အိန္ဒိယဥပဒေအရ ကြည့်မယ်ဆိုရင်လည်း ဘာတခု မှ ချိုးဖောက်ခဲ့တာ မရှိဘူး။ ဒါကြောင့် ဒီလိုပဲ ဖြစ်ရမှာပဲ”ဟု ကေအိုင်စီကို ပြောသည်။
ထို့အပြင် ၎င်းတို့ကို အိန္ဒိယအစိုးရက အကြောင်းပြချက် ခိုင်လုံမှုမရှိဘဲ နှစ်ရှည်အထိန်းသိမ်းခံရသည်က တကြောင်း၊ တရားလို ဘက်မှလည်း တရားစွဲရန် ခိုင်လုံသည့် အထောက်အထားများ မရှိသည့်အပေါ် ယခု အမှုသည် ပြီးဆုံးသင့်သည်မှာ ကြာပြီဖြစ် ကြောင်း သူက ဆက်လက်ပြောဆိုသည်။
ကရင်နှင့် ရခိုင်လက်နက်ကိုင် အကျဉ်းသား ၃၄ဦးကို ဒုက္ခသည်အဖြစ် အသိအမှတ်ပြုရန် နယူးဒေလီမြို့ရှိ ယူအဲန်အိတ်ခ်ျစီ အာရ်ရုံးသို့ တင်ပြမှုများရှိခဲ့ပြီး အသိအမှတ်ပြု စာရွက်စာတမ်းများ ထုတ်ပေးပြီဖြစ်သည်ဟု သိရသည်။
နအဖ စစ်အစိုးရကို ဆန့်ကျင်တိုက်ခိုက်နေသည့် ကရင်အမျိုးသားအစည်းအရုံး(ကေအဲန်ယူ)နှင့် ရခိုင်ပြည်အမျိုးသားညီညွတ် ရေးပါတီ(အဲန်ယူပီအေ) တပ်ဖွဲ့ဝင် ၄၀ဦးတို့သည် ၁၉၉၈ ဖေဖော်ဝါရီလ ၁၁ရက်နေ့တွင် အိန္ဒိယပိုင်နက် ဂရိတ်နီကိုဘာကျွန်းစု ထဲမှ လန်းဖောလ်ကျွန်း(Landfall)တွင် လက်နက်နှင့် ခဲယမ်းမီးကျောက်များ ပိုင်ဆိုင်ထားရှိမှု၊ ဖောက်ခွဲရေးပစ္စည်းများ လက် ဝယ်ထားရှိမှု၊ နိုင်ငံခြားသား အက်ဥပဒေအရ အိန္ဒိယနိုင်ငံတွင်းသို့ တရားမဝင် ဝင်ရောက်လာမှုတို့ဖြင့် အိန္ဒိယရေတပ် စစ် ထောက်လှမ်းရေးမှ ဖမ်းဆီးခဲ့သည်။
၎င်းတို့အထဲမှ ခေါင်းဆောင်များဖြစ်သည့် ဗိုလ်ခိုင်ရာဇာ၊ ပဒိုမူးရယ် အပါအ၀င် အဖွဲ့ခေါင်းဆောင် ၆ဦးကို သတ်ဖြတ်ခဲ့ကြပြီး ကျန်ရှိသည့် ကေအဲန်ယူအဖွဲ့ဝင် ၁၁ဦးနှင့် အဲန်ယူပီအေအဖွဲ့ဝင် ၂၃ဦး စုစုပေါင်း ၃၄ဦးကို ဂရိတ်နီကိုဘာကျွန်းစုများရှိ ပို့ဘလဲ ယားကျွန်းသို့ စွဲချက်တင်ပို့ဆောင်ကာ အမှုရင်ဆိုင်စေခဲ့သည်။
အိန္ဒိယနိုင်ငံရှိ ဗဟိုထောက်လှမ်းရေးဗျူရို(စီဘီအိုင်)က အဆိုပါအကျဉ်းသားများကို ၆နှစ်ကြာ တရားစွဲဆိုခြင်းမရှိဘဲ ထိန်းသိမ်း ထားကာ ၂၀၀၆ခုနှစ်မှသာ ကာလကတ္တားအကျဉ်းထောင်သို့ ပြောင်းရွှေ့ခဲ့သည်။ အိန္ဒိယထောက်လှမ်းရေးအဖွဲ့သည် မြန်မာစစ် အစိုးရ၏ ခိုင်းစေမှုကြောင့် ၎င်းတို့ကို အကွက်ချကာ ကြံစည်ဖမ်းဆီးခဲ့ခြင်းသာဖြစ်သည်ဟု အမှုသည်များက တရားရုံးတွင် ထွက်ဆိုသွားခဲ့သည်။
အဲန်ယူပီအေ၏ ပြောကြားချက်အရ ထိုသူများအား လမ်းဖောလ်ကျွန်းကို အိန္ဒိယဘက်က အသုံးပြုခွင့်ပေးပြီး တရုတ်ရေတပ် လှုပ်ရှားမှုကို အပြန်အလှန် ထောက်လှမ်းပေးပို့ပြီး အခြေချစခန်း တည်ဆောက်ရန် အိန္ဒိယစစ်ထောက်လှမ်းရေး ဗိုလ်မှူးကြီးတ ဦးနှင့် သဘောတူညီချက်ရှိထားသည့်အပေါ် အိန္ဒိယနိုင်ငံဘက်ခြမ်းသို့ ရောက်ရှိလာရခြင်းဖြစ်သည်ဟု သိရသည်။
အဆိုပါ ကရင်နှင့် ရခိုင် အကျဉ်းသားများ၏အမှုကို လွန်ခဲ့သည့် နိုဝင်ဘာ ၁၁ရက်နှင့် ၁၂ရက်နေ့၌ အိန္ဒိယနိုင်ငံ ကလကတ္တား မြို့ရှိ ပရက်စီဒင်စီ(Presidency) တရားရုံးတွင် ကြားနာခဲ့ရာ လာမည့် ဒီဇင်ဘာလ ၁၅ရက်နေ့တွင် နောက်ဆုံး လျှောက်လဲချက် ပေးရမည်ဖြစ်ပြီး စီရင်ချက်ကို ၂၀၁၀ ဇန်န၀ါရီမှသာ ချမှတ်မည်ဖြစ်ကြောင်း သိရသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
နိုဝင်ဘာ ၁၄ရက်။ (ကေအိုင်စီ)
ကရင်ပြည်နယ် ဖာပွန်ခရိုင်ရှိ နအဖနှင့် ဒီကေဘီအေတပ်ဖွဲ့များက ၎င်းတို့ လှုပ်ရှားရာ ဒေသများအတွင်း နေထိုင်ကြသည့် ရွာ သူရွာသားများအား ယခုလဆန်းပိုင်းမှစ၍ နေ့ရောညပါ အချိန်ပြည့် ခေါ်ယူခိုင်းစေလျှက်ရှိကြောင်း သိရသည်။
ဖာပွန်မြို့တွင် အခြေစိုက်သည့် နအဖ စစ်ဗျူဟာဌာနချုပ်-စဗခ(၁)မှ ဗျူဟာမှူး ဗိုလ်မှူးကြီးဝေလင်းက ၎င်းတို့တပ်ဖွဲ့နှင့် တပ် စခန်းများအတွက် ရိက္ခာနှင့် စစ်လက်နက်ပစ္စည်းများ ပို့ဆောင်ရန်နှင့် သွားလာရေး လွယ်ကူစေရန်အတွက် လမ်း၊ တံတားများ ပြုပြင်ရန် ဘူးသိုနှင့် ဒွဲလိုးမြို့နယ်အတွင်း လှုပ်ရှားနေသော ဒီကေဘီအေ တပ်ဖွဲ့များကို ညွန်ကြားခဲ့သည့်အတွက် ဒေသခံ ရွာ သူရွာသားများ ယခုလို ခေါ်ယူခိုင်းစေခံနေရခြင်းဖြစ်သည်။
ယခုလ ၄ရက်နေ့က ဗိုလ်မှူးကြီးဝေလင်း၏ ညွန်ကြားချက်အတိုင်း ဒီကေဘီအေ(၇၇၇) ကဆောဝါးတပ်ရင်းမှ ဘချစ်နှင့် စိုးမြင့် ဦး ဦးစီးသောအဖွဲ့သည် ဖာပွန်မြို့၏တောင်ဘက်ခြမ်းရှိ ပျက်စီးနေသော လမ်းတံတားများကို စတင်ပြုပြင်နေပြီး လမ်းတံတားပြု ပြင်ရေးနှင့် ၎င်းတို့ တပ်လုံခြုံရေးအတွက် ဒေသခံ ရွာသူရွာသားများကို နေ့တမျိုး၊ ညတမျိုး ခေါ်ယူခိုင်းစေလျှက်ရှိသည်ဟု နယ်ခံတဦးက ယခုလို ပြောသည်။
သူက “ဘူးသိုနှင့် ဒွဲလိုးမြို့နယ် စပ်ကြားဒေသဖြစ်တဲ့ မယ်ညိုနှင့် မယ်ကလောကျေးနယ်ဒေသအတွင်းမှာရှိတဲ့ လမ်းတွေ၊ တံတားတွေ ပြုပြင်ဖို့ ဒီကေဘီအေက ဒီလ ၄ရက်နေ့ကစပြီးတော့ ဒေသခံရွာသားတွေကို ခေါ်ခိုင်းတော့တာပဲ။ နေ့ဘက်ဆိုရင် တရက်ကို ရွာသူရွာသား အယောက် ၂၀လောက်ခေါ်ခိုင်းတယ်။ ညဘက်ဆိုရင် သူတို့လုံခြုံရေးအတွက် တညကို ၅ယောက်စီ ခေါ်ပြီးတော့ ကင်းစောင့်ခိုင်းတယ်။ နေ့ဘက်မှာလည်း ရွာသားတွေ လုံခြုံရေးယူပေးနေရသေးတယ်။ အခုလည်း လမ်းတံတား ပြုပြင်နေတုန်းပဲ”ဟု ကေအိုင်စီကို ပြောသည်။
၎င်းပျက်စီးသွားသော လမ်း၊ တံတားများမှာ ဒီကေဘီအေနှင့် နအဖတပ်များ ပူးပေါင်းပြီး ဖာပွန်ခရိုင် ကေအဲန်ယူ တပ်မဟာ(၅) နယ်မြေကို ထိုးစစ်ဆင်မည့်သတင်းကြောင့် အဆိုပါတပ်များ သွားလာရေးကို ဟန့်တားသည့်အနေဖြင့် စက်တင်ဘာလ ဒုတိယ ပတ်အတွင်းက နယ်မြေခံ ကေအဲန်အယ်လ်အေတပ်မှ ဖျက်ဆီးထားခဲ့သည့် တံတားများဖြစ်သည်။
ဖါပွန်ခရိုင်တွင်း ယွန်းစလင်းချောင်း
ဖါပွန်ခရိုင်တွင်း ယွန်းစလင်းချောင်း
ယင်းသို့ ပျက်စီးသွားခဲ့သည့် တံတားများကို ၎င်းဒီကေဘီအေအဖွဲ့က လွန်ခဲ့သောလအတွင်း ပြုပြင်ရန် လုပ်ဆောင်နေစဉ် မိုင်း နင်းမိ၍ ထိခိုက်ဒဏ်ရာမှုများ ရှိသဖြင့် ယခုလို ဒေသခံရွာသူရွာသားများကို ခေါ်ယူပြီး ၎င်းတို့နှင့်တူ သွားလာလှုပ်ရှားကာ လမ်း တံတားများ ပြုပြင်ခြင်းဖြစ်သည်။
ဒေသခံ ရွာသူရွာသားများကို ခေါ်ယူခိုင်းစေသည့်ကိစ္စနှင့် ပတ်သက်၍ ဖာပွန်ဒေသအတွင်း လှုပ်ရှားနေသော ဒီကေဘီအေ တပ်ဖွဲ့ထံ ကေအိုင်စီက ဆက်သွယ်မေးမြန်းသော်လည်း အဆက်အသွယ်မရပါ။
ကေအဲန်ယူ တပ်မဟာ(၅)ဒေသကို နအဖနှင့် ဒီကေဘီအေ ပူးပေါင်းထိုးစစ်ဆင်မည့်သတင်း ထွက်ပေါ်လာပြီးနောက် ဖာပွန်-ကမမောင်း ကားလမ်းကို စက်တင်ဘာလ ၁ရက်နေ့ကစ၍ ကေအဲန်ယူက ပိတ်ထားလိုက်ပြီးနောက် ထိုဒေသအတွင်းရှိ လူထု များ သွားလာနေသည့် ယွန်းစလင်းချောင်း ရေလမ်းကြောင်းကိုလည်း နအဖ တပ်တို့ဘက်က အောက်တိုဘာလတွင် ထပ်မံ ပိတ်ပစ်လိုက်သည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
ထိုင်းနိုင်ငံ၊ ထာ့ဆောင်ယန်းမြို့နယ် နိုဘိုးကျေးရွာအတွင်းရှိ ယာယီဒုက္ခသည်စခန်းတွင် စာသင်ကျောင်းအဆောက်အဦး ပြင် ဆင်ခွင့် မရသည့်အတွက် ကျောင်းသူကျောင်းသား စာသင်ရန်အခက်အခဲဖြစ်နေပြီး ယခုချိန်တွင် ကျောင်းကို ပိတ်ထားရသည် ဟု ကျောင်းဆရာတဦး၏ ပြောပြချက်အရ သိရသည်။အလယ်တန်းအထိ ဖွင့်လှစ်ထား အဆိုပါကျောင်းသည် ပထမအစမ်းစာမေးပွဲဖြေပြီး ကျောင်းသူကျောင်းသားများအတွက် အား လပ်ရက်အနေဖြင့် အောက်တိုဘာ ၁၆ရက်မှစ၍ နိုဝင်ဘာလ ၁ရက်နေ့အထိ ကျောင်းကို ပိတ်ထားခဲ့ပြီး ထိုကျောင်းပိတ်ရက် အတောအတွင်း ကျောင်းအမိုးအကာများ ပြန်လည်ပြုပြင်ရန် လုပ်ဆောင်နေစဉ် ထိုင်းအာဏာပိုင်များ လာရောက်တားမြစ်ခဲ့ သဖြင့် ယခုအချိန်ထိ ကျောင်းကို ပြန်မဖွင့်နိုင်ဘဲ ပိတ်ထားရသည်ဟု ကျောင်းဆရာ စောဂျစ်ပစီက ကေအိုင်စီကို ပြောသည်။
သူက “ကျနော်တို့ကျောင်းဟာ အစကတည်းက တာလာပါ့အမိုးနဲ့ပဲ မိုးထားတယ်ဆိုတော့ အခုနွေမှာ နေက အရမ်းပူလာပြီ လေ။ ကျောင်းပိတ်ရက်မှာ ကျနော်တို့ ကျောင်းသားမိဘတွေက ကျောင်းကို နည်းနည်းလေး ပြန်ပြင်ပြီးတော့ ဖက်နဲ့ပြန်မိုးဖို့ လုပ်တဲ့အချိန်မှာ ဒီမှာရှိတဲ့ ထိုင်းအာဏာပိုင်တွေက ခွင့်မပေးဘူး။ သူတို့က(ထိုင်းအာဏာ) ပြင်စရာမလိုတော့ဘူး၊ နင်တို့မကြာ ခင် ပြောင်းရတော့မယ်လို့ ဒီလ ၈ရက်နေ့မှာ လာပြောသွားတယ်။ ကျောင်းက ဒီလ ၂ရက်နေ့မှာ ပြန်ဖွင့်ရမယ်ဆိုပေမယ့် ကျောင်းအမိုးအကာ မပြည့်မစုံတဲ့အနေအထားမှာ နေပူကျဲကျဲထဲမှာ ကျောင်းသားတွေ ဘယ်လိုလုပ် စာသင်လို့ရမှာလဲ”ဟု ဆို သည်။
ထို့အပြင် “အာဏာပိုင်တွေကတော့ ကလေးတွေ စာမသင်ရဘူးလို့တော့ မပြောပေမယ့် အခုလိုမျိုး စာသင်ကျောင်း အမိုးအ ကာ တဝက်တပျက်နဲ့ဆို ကလေးတွေ စာသင်လို့မရတော့ဘူးလို့ ထင်မှာပေါ့။ ဘယ်လိုပဲဖြစ်ဖြစ် နောက်တပတ်မှာ ကျနော်တို့ ကလေးတွေ စာသင်ပေးဖို့ စဉ်းစားထားတယ်။ အိမ်မှာပဲ ကလေးတွေကို စုပြီးတော့ စာသင်ပေးမယ်။ ကျောင်းတက်တဲ့ ပုံစံ တော့ မဟုတ်ဘူးပေါ့။ ကျူရှင်ပြတဲ့ပုံစံမျိုးပေါ့၊ တနေ့ကို သင်ခန်းစာ နည်းနည်းလေးလောက် သင်သွားမယ်၊ သူတို့ (ထိုင်းအာ ဏာပိုင်)တွေကိုတော့ ကျနော်တို့ အသိပေးရမယ်။ သူတို့ခွင့်မပြုရင်တော့ မသင်ရဘူးပေါ့။ ဒီလိုအခြေအနေတွေကြောင့် ကလေးတွေရဲ့ ပညာရေးအတွက် အရမ်းနစ်နာတယ်”ဟု ဆရာစောဂျစ်ပစီက ပြောဆိုသွားသည်။နိုဘိုးယာယီဒုက္ခသည်စခန်းတွင်ရှိ အဆိုပါကျောင်းတွင် ကျောင်းသူကျောင်းသားဦးရေ (၂၂၄)ဦးနှင့် ကျောင်းဆရာ၊ ဆရာမ (၁၆)ဦးရှိပြီး အတန်းပညာအားဖြင့် အတန်းငယ် KGမှ (၇)တန်းအထိ ရှိသည်။
ထို့အပြင် သက်ဆိုင်ရာ ထိုင်းအာဏာပိုင်များက စခန်းအတွင်းရှိ ဒုက္ခသည်များကို နေ့တိုင်းလိုလို ဝင်ရောက်စစ်ဆေးလျှက်ရှိပြီး ယခုလ (၄)ရက်နေ့က ထိုဒေသအတွင်းရှိ ထိုင်း(တောချောဒေါ)စစ်သား၊ ရဲများနှင့် သက်ဆိုင်ရာ တာဝန်ရှိသူများက စခန်းတာ ဝန်ရှိသူများနှင့် ကျောင်းဆရာအချို့ကို ခေါ်ယူမေးမြန်းမှုများ လုပ်ဆောင်သည့်အပြင် နိုဘိုးရွာသားအချို့၏ နေအိမ်များကို လည်း ဝင်ရောက်စစ်ဆေးရှာဖွေမှုများ လုပ်ဆောင်ခဲ့ကြောင်း သိရသည်။အဆိုပါ ကိစ္စနှင့် ပတ်သက်၍ သက်ဆိုင်ရာ ထိုင်းအာဏာပိုင်များအား ကေအိုင်စီက ဆက်သွယ်မေးမြန်းခဲ့သော်လည်း ဆက် သွယ်၍ မရပါ။နိုဘိုးစခန်း စတည်ခါစ အချိန်တုန်းက ဖြစ်သည်။
အလားတူ ထိုင်းနိုင်ငံ ထဆောင်ယမ်းမြို့နယ် အူးသူးထာ့ဒေသအတွင်းရှိ ယာယီဒုက္ခသည်စခန်းတွင်လည်း ယခုလ ၄ရက်နေ့မှ စ၍ သက်ဆိုင်ရာ ထိုင်းအာဏာပိုင်များက စခန်းအတွင်းရှိ ဒုက္ခသည်များအား နိုဘိုးယာယီစခန်းအတွင်းသို့ ပြောင်းရွှေ့နေထိုင် ရန် လူဦးရေစာရင်းများ လာရောက်ကောက်ခံနေကြောင်း အူးသူးထာ့စခန်းကော်မတီဝင်တဦးက ကေအိုင်စီကို ယခုလို ပြောသည်။
သူက “အူးသူးထာ့မှာတော့ ကလေးတွေက ကျောင်းပုံမှန်တက်နေပါတယ်၊ ဒါပေမယ့် ဒီလ ၄ရက်နေ့ကစပြီးတော့ ၃-၄ရက် ဆက်တိုက် ထိုင်းအာဏာပိုင်တွေက စခန်းထဲမှာလာပြီးတော့ စခန်းရဲ့လုံခြုံရေးအတွက် ဒုက္ခသည်တွေ နိုဘိုးဘက်ကို ပြောင်း မလား။ ရွာကိုပြန်မလားပေါ့၊ ရွာကိုပြန်မယ့်လူ ဘယ်နှစ်ယောက်၊ နိုဘိုးဘက် ပြောင်းမယ့်လူ ဘယ်နှစ်ယောက် သူတို့စီကို စာရင်းလာသွင်းပါလို့ ပြောလာတယ်။ ရွာသားတွေ တယောက်မှ စာရင်းမသွားပေးကြဘူး။ ရွာသားတွေက ကျနော်တို့ကို အချိန် တလနှစ်လလောက် စောင့်ပေးပါ။ အခြေအနေကောင်းလာရင် ရွာကိုပဲပြန်ချင်တယ်လို့ တောင်းပန်တော့ သူတို့(ထိုင်း အာဏာပိုင်)ကလည်း အတင်းအကြပ်မလုပ်ဘူး”ဟု ပြောဆိုသွားသည်။
အဆိုပါ ဒုက္ခသည်များသည် ကရင်ပြည်နယ် ဖားအံခရိုင်အတွင်း နေထိုင်ကြသည့် ရွာသူရွာသားများဖြစ်ကြပြီး လွန်ခဲ့သည့် ဇွန် လက ထိုဒေသရှိ ကေအဲန်အယ်လ်အေတပ်ဖွဲ့များကို နအဖနှင့် ဒီကေဘီအေ ပူးပေါင်းတပ်ဖွဲ့တို့က ထိုးစစ်ဆင် တိုက်ခိုက်လာ စဉ် အိုးအိမ်များကို စွန့်ပြီး ထိုင်းနိုင်ငံအတွင်းသို့ ထွက်ပြေးရောက်ရှိလာခြင်းဖြစ်ရာ ထိုင်းအာဏာပိုင်များက ထဆောင်ယမ်းမြို့ နယ်အတွင်းရှိ နိုဘိုး၊ မဲ့သရီနှင့် အူးသူးထာ့ဒေသအတွင်း ယာယီစခန်းဖွင့်ကာ ခိုလှုံခွင့်ပေးထားခြင်းဖြစ်သည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
ချင်းမိုင် (မဇ္ဈိမ) ။ ။ အငြိုးကြီးလှသော ကရင်အဖွဲ့ကွဲ နှစ်ခုအကြား ပြန်လည်ပြောင်းစည်းရေး ကြိုးပမ်းမှုများမှာ အောင်မြင်မှုမရဘဲ ဖြစ်နေသည်ဟု ကရင်အမျိုးသား အစည်းအရုံး (KNU) ဗဟို သတင်းရပ်ကွက်တခုက ပြောသည်။
ကေအန်ယူ၏ တပ်ဖြစ်သော ကရင်အမျိုးသား လွတ်မြောက်ရေး တပ်မတော် (KNLA) မှ စစ်ဦးစီးချုပ် မူးတူးဆေးဖိုးနှင့် ဒီမိုကရက်တစ် တိုးတက်သော ဗုဒ္ဓဘာသာ ကရင် တပ်မတော် (DKBA) မှ ကိုယ်စားလှယ် မြိုင်ကြီးငူ ဆရာတော် ဦးသုဇနတို့ ထိုင်း-မြန်မာနယ်စပ်တွင် အောက်တိုဘာလ ၁၉ ရက်နေ့က လျှို့ဝှက်ဆွေးနွေးကြသော်လည်း တစုံတရာ သဘောတူညီမှု မရဘဲ ပြီးဆုံးသွားခဲ့ခြင်း ဖြစ်သည်။
“တွေ့ဆုံဆွေးနွေးပွဲကလည်း ဘယ်မှ ခရီးမရောက်ဘူးပေါ့လေ။ ဘုန်းကြီးအနေနဲ့ကလည်း ကြိုးစားတာပဲ။ ဒါပေမဲ့ သူတပ်တွေကလည်း သူစကားကို နားထောင်တာရှိတယ်။ နားမထောင်တာရှိတယ်။ ဘာဖြစ်လို့လဲဆိုတော့ သူ့တပ်တွေက နအဖ နောက်ကို လိုက်သွားပြီလေ။ တချို့တပ်ခွဲတွေကလည်း သူ့စကား နားမထောင်တော့ဘူးဗျ။ အဲဒါက သူ ဒီဆွေးနွေးပွဲအတွက် အခက်အခဲဖြစ်တာပေါ့” ဟု သတင်းရပ်ကွက်က မဇ္ဈိမကို ပြောသည်။
ကိုယ်ပိုင်ပြဋ္ဌာန်းခွင့်အတွက် ၁၉၄၈ ခုနှစ်ကတည်းက လက်နက်ကိုင် တော်လှန်သည့် KNU အတွင်း ၁၉၉၄ ခုနှစ်တွင် ကွဲထွက်သွားခဲ့ပြီးနောက် အသေအပျောက် များလှသော တိုက်ပွဲများ ဖြစ်ပေါ်ခဲ့သည်။
KNU ၏ အမာခံ စခန်းတခုဖြစ်သော မာနယ်ပလော အပါအဝင် နယ်မြေစိုးမိုးရေး တိုက်ပွဲများတွင် စစ်အစိုးရက ငြိမ်းချမ်းရေး ရယူထားသော DKBA ကို မဟာမိတ်ပြု၍ KNU အပေါ် တိုက်ခိုက်ခဲ့သည်။
သြဇာရှိ ခေါင်းဆောင်တဦးဖြစ်သော KNU အထွေထွေ အတွင်းရေးမှူး ပဒိုမန်းရှာကို ထိုင်းနယ်စပ် မဲဆောက်ရှိ နေအိမ်တွင် ၂၀၀၈ ခုနှစ် ဖေဖော်ဝါရီလ ၁၄ ရက်နေ့တွင် သေနတ်သမား ၂ ဦးက လုပ်ကြံသတ်ဖြတ်ခဲ့သည်။ လေ့လာသုံးသပ်သူများက DKBA က လုပ်ဆောင်ခဲ့သည်ဟု လက်ညှိုးထိုးခဲ့သည်။ DKBA ဘက်တွင်လည်း ချောင်းမြောင်း သတ်ဖြတ်ခံရမှုများ ရှိခဲ့သည်။
ယခုနှစ် စက်တင်ဘာလ ၂၉ ရက်နေ့တွင် မြိုင်ကြီးငူ ဆရာတော်က တိုက်ခိုက် သတ်ဖြတ်မှုများကို ရပ်စဲ၍ သွေးစည်းစေလိုကြောင်း ကြေညာချက် စာတစောင်ကို KNU သို့ ပို့ပေးခဲ့သည်။
KNU တပ်မဟာ ၆ နယ်မြေ ဒူပလာယာခရိုင် ဥက္ကဋ္ဌ စောရွှေမောင်းက ဆရာတော် ဦးသုဇနထံသို့ တပတ်အတွင်း စာပြန်လျှောက်ထားခဲ့အပြီး ဆွေးနွေးမှုများ ပြုလုပ်ခဲ့ကြခြင်း ဖြစ်သည်။
“ဆွေးနွေးမှုက မပြတ်သေးဘူးလို့ ပြောလို့ရတာပေါ့။ သူတို့ဆွေးနွေးကြတာက နှစ်ဖက်စလုံး အပစ်အခတ် ရပ်မယ်ဆိုလို့ရှိရင် သူ့ဘက်ကိုယ့်ဘက်ကို ထိန်းနိုင်တဲ့ အနေအထားရောက်မှ အပစ်အခတ်က ရပ်မှာကိုး။ မထိန်းနိုင်ဘဲနဲ့တော့ အပစ်အခက်ရပ်မယ်ဆိုရင် ရပ်တဲ့အဖွဲ့က ရပ်၊ ပစ်တဲ့အဖွဲ့က ပစ်ဆိုရင် အလကားပဲ။ ပြန်ပြီးတော့ ထပ်ရှုပ်လာဦးမယ်” ဟု ကရင်ခေါင်းဆောင်တဦးက ပြောသည်။
DKBA ၉၉၉ တပ်အရာရှိတဦးကမူ တပ်အတွင်း ညီညွတ်မှုရှိနေပြီး မြိုင်ကြီးငူ ဆရာတော်စကား လိုက်နာပါသည်ဟု ပြောသည်။
"ဆရာတော်ကတော့ ကျနော်တို့ကို အမြဲတမ်း မှာပါတယ်။ အမြဲတမ်း နားထောင်ပါတယ်။ အချင်းချင်း ညီညီညွတ်ညွတ်နေဖို့ဟာကို။ ဆရာတော်ကတော့ သွားဆွေးနွေးတာက ကျနော်တို့ နှစ်ဘက် ညီညီညွတ်ညွတ်နေဖို့၊ ဒါပဲ။ ပြေလည်၊ မပြေလည်ဆိုတာကတော့ ဆရာတော် လမ်းညွှန်မှုအတိုင်းပဲ” ဟု ၎င်းအရာရှိက ပြောသည်။
"ကျနော်တို့ DKBA ကတော့ ဆရာတော် ပြီးတယ်ဆိုရင် ပြီးတာပဲ။ ဆရာတော်စကား နားမထောင်တဲ့လူ တယောက်မှ မရှိပါဘူး။ ဆရာတော်က ညီညီညွတ်ညွတ်နေဆိုရင် ကျနော်တို့အားလုံးက ညီညီညွတ်ညွတ် နေမှာပဲ။ DKBA နဲ့ KNU နဲ့ အားလုံး ညီညီညွတ်ညွတ်နေရင် ကျနော်တို့ အားလုံး ဝမ်းသာတာပေါ့” ဟု သူက ဆက်ပြောသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
နိုဝင်ဘာလ ၁၂ရက်။ စောသိန်းမြင့် (ကေအိုင်စီ)
ကရင်ပြည်နယ်၊ မြ၀တီအခြေစိုက် နအဖစစ်တပ် ခလရ ၂၇၅ တပ်ရင်းမှ တပ်သား ၄ဦး၊ လက်နက်ငယ် ၂ လက်နှင့်အတူ ပျောက်ဆုံးခဲ့ရာ ယခုအချိန်ထိ ရှာဖွေ္ဂတွေ့ရှိမှု မရှိသေးကြောင်း အဆိုပါ တပ်ရင်းနှင့် နီးစပ် သူများက ပြောသည်။
ယခုလ ၁၀နေ့ ညနေတွင် အဆိုပါ တပ်သား ၄ဦးသည် မြ၀တီနှင့် သင်္ဃန်းညီနောင်ကြား ကားလမ်းမ ကြီးဘေးတွင် ဧက ၂၀ ၀န်းကျင်ရှိ ရာဘာခြံတွင် မြက်ပင်များ သွားရှင်းရာမှ ပျောက်ဆုံးသွားခြင်းဖြစ် သည်ဟု အမည်မဖော်လိုသည့် ၎င်းတပ်ရင်းနှင့် နီးစပ်သူ တဦးကပြောသည်။
သူက “ မြ၀တီနဲ့ သင်္ဃန်းညီနောင် ကားလမ်းတလျှောက် လမ်းဘေးမှာ ထင်းရှူးတောတန်း ကုန်းတကုန်း ရှိတယ်။ အဲဒီကုန်းမှာ မြ၀တီအခြေစိုက် ခလရ ၂၇၅တပ်ရင်းရဲ့ ရာဘာခြံတခြံရှိတယ်လေ။ ပြီးခဲ့တဲ့ ၁၀ရက် နေ့ ညနေ ၃နာရီလောက်မှာ မြက်ပင်တွေသွားရှင်းဖို့ ရဲဘော်လေး ၄ ယောက်ထွက်သွားတယ်။ ဆယ်ကျော်သက်က သုံးယောက်၊ နှစ်ဆယ်ကျော်က ၁ယောက်၊ သေနတ် ၂လက်ပါသွားတယ်။ အခု ထက်ထိ ရှာလို့မတွေ့သေးဘူး ”ဟု ပြောသည်။
“ရဲဘော်သစ်လေးတွေလည်း ကျနော်တို့ ရဲဘော်ဟောင်းတွေနဲ့လည်း အတူတူပါပဲ။ ကျနော်တို့က မိန်းမနဲ့ ကလေးတွေရှိလို့ ဘယ်မှ မသွားချင်မလာချင်တာ။ ရဲဘော်လေးတွေဆို ပိုပြီးတော့ ထွက်ပြေးချင်မှာပေါ့။ ရတဲ့လစာကလည်း မမှန်၊ စာရင်းမှာဆိုရင် လေးသောင်း၊ ငါးသောင်း၊ ခြောက်သောင်း၊ ခုနှစ်သောင်း၊ ရှစ်သောင်း ရေးလိုက်တယ်။ ပြီးတော့ တပ်ရင်းက ဘာအတွက် ညာအတွက် ၀ယ်စရာရှိရင်လည်း စုစုပြီး ၀ယ်ရတယ်။ အဲလိုမျိုးဖြစ်တော့ ကြာကြာလေ ရဲဘော်လေးတွေစိတ်ဓါတ်ကျလာတယ်”ဟု ဒီကေဘီအေ တပ်မှူးတဦးက ခလရ ၂၇၅ တပ်ရင်းမှ တပ်ကြပ်တဦး၏ပြောစကားကို ကိုးကား၍ ကေအိုင်စီကို ပြော သည်။
အဆိုပါ ပျောက်ဆုံးခဲ့သော မော်လမြိုင်မြို့အခြေစိုက် အရှေ့တောင်တိုင်းစစ်ဌာနချုပ် လက်အောက်ခံ ခလရ ၂၇၅ တပ်ရင်းမှ တပ်သားများသည် ကေအဲန်ယူ တပ်မဟာ (၆)နယ်မြေ၊ တပ်မဟာဌာနချုပ် စစ် ကြောင်း လှုပ်ရှားရာဒေသအတွင်းသို့ ထွက်ပြေးသွားခြင်း ဖြစ်နိုင်သည်ဟု ဒီကေဘီအေ အသိုင်းအ ၀ိုင်းများကခန့် မှန်းကြသည်။
သို့သော်လည်း အဆိုပါ ပျောက်ဆုံးခဲ့သော နအဖ တပ်သားများသည် ၎င်းတို့တပ်ဖွဲ့ထံတွင် မရောက်ရှိ ကြောင်း ကေအဲန်ယူ တပ်မဟာ(၆) တပ်မဟာဌာနချုပ်စစ်ကြောင်းမှူး ဗိုလ်ကြီး စောလမင်းက ကေအိုင်စီ ကို ယနေ့ ပြောသည်။
ယခင်ကလည်း နအဖတပ်သားများသည် အဆိုပါ ရာဘာခြံကို သွား၍ မြက်ပင်ရှင်း၊ ခြံစည်းရိုးသွားခတ် ခဲ့ရာတွင် ပျောက်ဆုံးမှုများလည်းရှိပြီး မြ၀တီ-သင်္ဃန်ညီနောင်ကြားရှိ ရာဘာခြံများသည် အများစုက ဒီ ကေဘီအေ အရာရှိကြီး ပိုင်ဆိုင်ကြသည်ဟု သိရသည်။
ပြီးခဲ့သည့် နိုဝင်ဘာလ (၆)ရက်နေ့တွင်လည်း နအဖ တပ်မ(၂၂)မှ တပ်သား သက်ပိုင်ဦး ၁၅နှစ်က ကေ အဲန်ယူ တပ်မဟာ (၆)နယ်မြေ ဝေါ်လေအခြေစိုက် ကေအဲန်အယ်လ်အေ တပ်ရင်း ၂၀၁ထံသို့ ထွက်ပြေး ရောက်ရှိလာသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
နိုဝင်ဘာလ ၁၁ရက်။ စောသိန်းမြင့် (ကေအိုင်စီ)
ခရီးသည်တင်သင်္ဘောအား ကရင်အမျိုးသားအစည်းအရုံး ကေအဲန်ယူ တပ်ဖွဲ့ဝင်များက လက်နက်ငယ်များဖြင့် ပစ်ခတ်ခဲ့ရာ ခရီးသည် သုံးဦးသေဆုံးပြီး နှစ်ဦး ဒဏ်ရာရသည်ဟု ယနေ့ထုတ် စစ်အစိုးရပိုင် ကြေးမုံသတင်းစာတွင် ထုတ်ပြန်ရေးသားခြင်းသည် ဖြစ်နိုင်ခြေမရှိကြောင်း ကေအဲန်ယူက ပြောသည်။
ကေအဲန်ယူ တွဲဘက်အတွင်းရေးမှူး (၁) ဗိုလ်မှူးစောလှငွေက “အဲဒီဂွင်မှာ ကျနော်တို့ တပ်မဟာ (၁)နယ်မြေ တပ်ရင်း (၁) လှုပ်ရှားရာဒေသဖြစ်ပေမယ့် သွားတိုက်လို့ရှိရင် တရက်ခရီးသွားရမယ်။ တိုက်ပြီး အပြန်ခရီးမှာ ရန်သူတွေ ရဲ့ ချောင်ပိတ်မှုခံရမှာပေါ့။ အခုဖြစ်တာက မနက် ၇နာရီမှာဆို တော့ ဒါ လုံးဝဖြစ်နိုင်ခြေမရှိဘူး။ အဲဒီဒေသတွေမှာ နအဖနဲ့ ဒီကေဘီအေတပ်တွေပဲ လှုပ်ရှားနေ တာ။ အခုဖြစ်တာ သူတို့အချင်းဖြစ်တဲ့ ကိစ္စလည်းဖြစ်နိုင်တယ်။ ဒါ နအဖ သတင်းစာကိုး။ ရေးချင် သလို ရေးလို့ရတာပေါ့”ဟု ပြောသည်။
မြန်မာ့အလင်းသတင်းစာတွင် ကရင်ပြည်နယ် ဘားအံမြို့နယ် ဘားအံမှ ရွှေဂွန်းသို့ နေ့ချင်းပြန်ပြေး ဆွဲသည့် ပြည်တွင်းရေကြောင်း ပို့ဆောင်ရေးမှ “စောဥမ္မာ”ခရီးသည်တင်သင်္ဘောသည် ရွှေဂွန်းရွာမှ ယမန်နေ့မနက်ပိုင်းတွင် စ တင်ထွက်ခွာရာ တကောင်ဘိုးရွာသို့ နံနက် ၇နာရီ ၁၅မိနစ်တွင် ရောက် ရှိပြီး နံနက် ၇း၂၀နာရီအချိန်တွင် တ ကောင်ဘိုးရွာမှ ဆက်လက်ထွက်ခွာလာစဉ် အင်အား ၂၀ခန့်ရှိ ကေအဲန်ယူတပ်ဖွဲ့များက ကမ်းစပ်မှ လက်နက် ငယ်များဖြင့် ပစ်ခတ်ခဲ့ရာတွင် ခရီးသည် သုံးဦး သေဆုံးပြီး နှစ်ဦး ဒဏ်ရာရရှိခဲ့သည်ဟု ရေးသားထားသည်။
ယင်းကိစ္စနှင့်ပတ်သက်၍ ကေအဲန်ယူ တပ်မဟာ (၁)အတွင်းရှိ တပ်ဖွဲ့ဝင်များက သတင်းပေးပို့လာ ခြင်းမရှိသည့် အပေါ် လုံးဝ အတည်မပြုနိုင်ကြောင်း ဗိုလ်မှူးစောလှငွေက ဆက်ပြောသည်။
အလားတူ လွန်ခဲ့သည့် မေလ (၁၆)လတွင်လည်း စစ်အစိုးရထုတ် မြန်မာအလင်းသတင်းစာတွင် ကေအဲန်ယူ ဗဟို အထူးတပ်ရင်း (၂၀၁)မှ ဗိုလ်ကြီးအဆင့်ရှိ စောစိန်မောင်ဌေး ဦးစီးတပ်ရင်း (၂၀၁)နှင့် တပ်ရင်း (၁၆)မှ တပ်ဖွဲ့ဝင် အင်အား ၁၄ဦး၊ မိသားစုဝင် ၂၃ဦး စုစုပေါင်း အင်အား ၃၇ဦး သည် လက်နက်ခဲယမ်းမျိုးစုံနှင့်အတူ မေလ ၁၃ရက် နေ့တွင် စောထိန်မောင်/စောနေစိုးမြတပ်ဖွဲ့ တည်ရှိရာ ထို့ကော်ကိုးကျေးရွာသို့ ပူးပေါင်းရောက်ရှိလာခဲ့သည်ဟု တဖက်သတ် ရေးသားခဲ့သည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
နိုဝင်ဘာလ ၁၁ရက်။ စောသိန်းမြင့် (ကေအိုင်စီ)
ကရင်ပြည်နယ်၊ ကော့ကရိတ်မြို့နယ်တွင် ကရင်အမျိုးသားလွတ်မြောက်ရေးတပ်မတော် (ကေအဲန်အယ်လ် အေ)က နအဖ စစ်တပ်ကို ယနေ့တရက်တည်းတွင် နှစ်ကြိမ်ဝင်ရောက်တိုက်ခိုက်ခဲ့သည်ဟု ကေအဲန်အယ်လ် အေ ဒုတပ်ရင်းမှူးတဦးက ပြော သည်။
ကေအဲန်ယူ တပ်မဟာ (၆)နယ်မြေ ဝေါ်လေအခြေစိုက် တပ်ရင်း(၂၀၁)မှ တပ်ဖွဲ့ဝင်များသည် မကြာသေး ခင်က ဘုရင့်နောင် အလယ်ကုန်းသို့ ရောက်ရှိလာသည့် အင်အား (၅၀)ခန့်ရှိ ဒုဗိုလ်မှူးကြီး မျိုးမြင့်အောင် ဦးစီးသော နအဖစစ်တပ် ခလရ (၂၈၄) တပ်ရင်းကို နှစ်ကြိမ်တိတိ ၀င်ရောက်တိုက်ခိုက်ခဲ့ရာ နအဖစစ်တပ် ဘက်မှ နှစ်ဦးကျဆုံးခဲ့သည်ဟု ကေအဲန်အယ်လ်အေ ၂၀၁ တပ်ရင်းမှ ဒုတပ်ရင်းမှူး ဗိုလ်မှူးစောကြည် အောင်က ပြောသည်။
သူက “ဒီမနက် ၁၀း၃၂ နာရီအချိန်မှာ ဘုရင့်နောင်အလယ်ကုန်းစခန်းမှာရှိတဲ့ ခလရ ၂၈၄တပ်ရင်းနဲ့ ကျနော် တို့လူတွေ တိုက်ပွဲ တကြိမ် ဖြစ်တယ်။ ဗမာဘက်တော့ တယောက်သေတယ်။ နောက်ပြီးတော့ ၁၁း၁၅ နာရီ အချိန်မှာ အဲဒီအဖွဲ့နဲ့ပဲ ထပ်ဖြစ်ပြန် တယ်။ ဗမာဘက်ကတော့ နောက်တယောက်ထပ်သေတယ်။ ကျနော်တို့ ဘက်တော့ တယောက်မှ မထိဘူး”ဟု ကေအိုင်စီကို ပြောသည်။
အဆိုပါ နအဖစစ်တပ်က ၎င်းတို့တပ်ဖွဲ့အား စကားပြောစက်ကနေတဆင့် နေ့စဉ် စိန်ခေါ်မှုများလုပ်ဆောင် သောကြောင့် ယခုလို ၀င်ရောက်တိုက်ခိုက်ရခြင်းဖြစ်သည်ဟု ဗိုလ်မှူးစောကြည်အောင်က ယခုလိုပြော သည်။ “သူတို့က ငပွေးတွေ။ ခင်ဗျားတို့ ဘယ်မှာရှိလဲ။ သတ္တိရှိရင် တက်လာလေ။ အဲသလိုမျိုး ပြောတယ်။ ကျနော်တို့လည်း ဘယ်ခံနိုင်မလဲ။ တက်တာပေါ့”ဟု သူက ပြောသည်။
နအဖ တပ်မ(၂၂) လက်အောက်တပ်ရင်းများ၊ ဒီကေဘီအေ တပ်မဟာ (၅) လက်အောက်ခံတပ်ရင်းများနှင့် ကေအဲန်အယ်လ် အေတပ်တို့ လှုပ်ရှားလျှက်ရှိသည့် ထိုတိုက်ပွဲဖြစ်ပွားရာ နယ်မြေတွင် ယခု နိုဝင်ဘာလအ တွင်း ကေအဲန်အယ်လ်အေ တပ်ရင်း ၂၀၁နှင့် နအဖတို့ ယနေ့တိုက်ပွဲမှာ ပထမဆုံးဖြစ်ပြီး ကေအဲန်အယ်လ် အေဘက်က ထိခိုက်ကျဆုံးမှု မရှိကြောင်း သိရှိရသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
မြ၀တီမြို့ မိုးသီးအုတ်ဖိုအရပ်မှာ တိုးတက်သောဗုဒ္ဓဘာသာကရင်အမျိုးသားတပ်မတော် (ဒီကေဘီအေ) ၉၉၉ ဂိတ်သစ်မှာ အဖွဲ့ရန်ပုံငွေအတွက်ဆိုပြီး အာဝါဒေးလို့ခေါ်တဲ့ လောင်းကစားကို အခြေခံတဲ့ ပျော်ပွဲရွှင်ပွဲတွေလုပ်နေတာ အခုဆိုရင် တလနီးပါးရှိပြီး ဟန်ပြအနေနဲ့ ရန်ကုန်က အငြိမ့်တွေ ဇာတ်တွေပါ ထည့်ပေးထားပါတယ်။
လောင်းကစားနည်းမျိုးစုံ (၃၅) ၀ိုင်းလောက်ရှိတယ်။ ဒီကေဘီအေနဲ့ မြ၀တီခရိုင်က အာဏာပိုင်တွေ ပေါင်းပြီး ရတဲ့ အကောက်ငွေတွေကို အချိုးကျဝေယူကြတယ်။ ၀ိုင်းကြေးက တ၀ိုင်းကို ကျပ် (၁) သောင်းကနေ (၅ ) သောင်းအထိရှိတယ်။ ဒီလောင်းကစားက ရတဲ့ငွေတွေကို သာသနာတော်ကြီးတိုးတက်ဖို့အတွက် သာသနိက အဆောက်အအုံတွေ ဆောက်လုပ်ရာမှာ အသုံးပြုတယ်လို့ ဒီကေဘီအေဘက်ကပြောပေမယ့် လက်တွေ့မှာတော့ ကားဝယ် တိုက်ဆောက်ပြီး ကိုယ်ကျိုးအတွက်ပဲ လုပ်နေကြပါတယ်။
ဒီလောင်းကစားပွဲကို နေ့စဉ်ငွေထုပ်ပိုက်ပြီး လာကစားနိုင်တဲ့ လူအများစုဟာ မြ၀တီမှာ တရားမ၀င်လုပ်ငန်း လုပ်ကိုင်နေသူနဲ့ အာဏာပိုင်တွေနဲ့ နီးစပ်တဲ့သူတွေဖြစ်ပါတယ်။ အများစုက မူးယစ်ဆေးဝါးရောင်းဝယ်သူ၊ ကားနဲ့ဆိုင်ကယ်ခိုးသွင်းသူတွေနဲ့ တချို့ကုန်သည်တွေပါတယ်။ ဒီလိုလူတွေကိုအားကျပြီး လူငယ်တွေကလိုက်လုပ်တော့ နောက်ဆုံးမြ၀တီတခွင်မှာ အကျင့်စာရိတ္တ ပျက်စီးသူတွေများလာပြီး ကြမ်းပိုးသူခိုးတွေကြောင့် ခိုးမှု၊ လူသတ်မှု၊ လုယက်မှု၊ အနုကြမ်းစီးမှုတွေ မကြာခဏဖြစ်ပြီး အိမ်နောက်ဖေးမှာတောင် အ၀တ်မလှန်းရဲတဲ့အထိကို ဖြစ်နေပါတယ်။ အစိုးရ နေ့တိုင်းပြောနေတဲ့ လူမှုရေးဦးတည်ချက် (၄) ရပ်ထဲမှာ တမျိုးသားလုံး၏ စိတ်ဓာတ်နှင့်အကျင့်စာရိတ္တမြင့်မားရေး ဆိုတာကလည်း သူတို့ကိုယ်၌ကိုက မလိုက်နာတော့ ရာဇ၀တ်မှုတွေပဲ တိုးလာနေတယ်။
ဘယ်လောက်အထိ အခြေအနေတွေဆိုးသွားသလဲဆိုရင် ကရင်ပြည်နယ်မှာ အာဝါဒေးပွဲ လုပ်တဲ့ တချို့ဒေသမှာဆိုရင် ရွှေ့လျှားပြည့်တန်ဆာရုံပါရှိတယ်။ ပွဲခင်းအပြင်မှာ နှစ်ယောက် အိပ်ခြင်ထောင်ကြီးတွေ ထောင်ထားတာ ဖွေးနေတာပဲ။ ၀ါသနာပါလို့ကတော့ ငွေရှင်းပြီး ခြင်ထောင်ထဲဝင်ရုံပဲ။ ဒီလောက်လွတ်လပ်မှတော့ ဒုစရိုက်မှုတွေ မများဘယ်ခံနိုင်မှာလဲ။
တချို့ဆို ပွဲလာတော့ ကားတွေဆိုင်ကယ်တွေပါတယ်။ လောင်းကစားတာရှုံးပြီး ကားသော့၊ ဆိုင်ကယ်သော့တွေ ချန်ထားရတာတွေ အများကြီးရှိတယ်။ မြ၀တီမှာ စက်ဘီး၊ ဆိုင်ကယ်ခိုးမှုတွေဖြစ်တာလည်း ခဏခဏပဲ။ မူးယစ်ဆေးဝါးကတော့ အလျှံပယ်ပဲ။ ပွဲခင်းထဲမှာ ကြိုက်သလိုဝယ် ကြိုက်သလိုသုံးပဲ။ ရဲတွေ၊ ပြည်သူ့စစ်တွေ၊ စစ်သားတွေ၊ ကြံ့ဖွံ့တွေ မီးသတ်ပါမကျန်ဘူး အကုန်လုံး မူးယစ်ပျော်ပါးပြီး လာကစားကြတယ်။
ဒီကေဘီအေကတော့ နှစ်သီးစားရတယ်။ ညဘက်လောင်းကစားကနေ သိန်းချီပြီး အကောက်တွေရတယ်။ နေ့ဘက်ကျတော့ ဘန်ကောက်မှာအဖမ်းခံတဲ့ မြန်မာတွေကို ထိုင်းလူဝင်မှုက နယ်စပ်မြ၀တီဘက် လာသွန်တဲ့လူတွေဆီကလည်း တယောက်ကို ဘတ်ငွေ (၁,၅၀၀) ကောက်တယ်။ ဒီကေဘီအေအရာရှိတွေ ပြောတာကတော့ ဒီနှစ်ကုန်ရင် တို့ခေတ်မရှိတော့ဘူး နယ်ခြားစောင့်လုပ်ရတော့မယ်၊ အခုကတည်းက ရတုန်းယူထားရမယ်လို့ပြောတယ်။ ဘယ်လိုပဲဖြစ်ဖြစ် ဒီကေဘီအေ လုပ်နေတာတွေဟာ ကရင်တွေအတွက်မဟုတ်သလို ဘယ်သူ့အတွက်မှလည်း မဟုတ်ဘူး။ သူတို့ကိုယ်ကျိုးအတွက် စစ်အစိုးရနဲ့ပေါင်းပြီး လူထုကိုဖျက်ဆီးနေတဲ့အကြောင်း အားလုံးသိရှိ ဆင်ခြင်နိုင်အောင် ခေတ်ပြိုင်ကတဆင့် ပြောပေးစေချင်ပါတယ်။
ဒီကေဘီအေ(၉၉၉) တပ်မဟာမှ
အရာရှိငယ်တဦး
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
KPF ခေါင်းဆောင် စောသမူဟဲ (ဥက္ကဌ)ပုံ
ကရင်ငြိမ်းချမ်းရေး (KPF) အဖွဲ့မှ ဒုတိယဗိုလ်မှူးကြီးစောလေးဝါး၏နေရာ၌ ဗဟိုကော်မတီဝင် စောဝါးချဲ့ ရယူခြင်းနှင့်ပတ်သတ်၍ ပဋိပက္ခဖြစ်ပွားရာမှ ဘုရားသုံးဆူရှိ မြန်မာစစ်တပ်ရင်းတို့က ဒုတိယဗိုလ်မှူးကြီးစောလေးဝါးကို ယနေ့တွင် ခေတ္တခဏ ခေါ်ယူထားသည်ဟု သိရသည်။
ယနေ့နံနက်တွင် ဘုရားသုံးဆူဒေသ ကေပီအက်ဖ်တပ်ရင်းအမှတ် ၃ မှ တပ်ရင်းမှူး ရာထူး တာဝန်အလွှဲအပြောင်းရေးကိစ္စနှင့်ပတ်သက်၍ သုံးဆူအခြေစိုက်မြန်မာစစ်တပ်မှ တပ်ရင်းမှူးနှင့် ဒု-တပ်ရင်းမှူးတို့က စောလေးဝါးအား ၄င်းတို့တပ်ရင်းအခြေစိုက်တွင် ခေတ္တခေါ်ယူထားသည်ဟု KPF အသိုင်းအဝန်းမှ သိရသည်။
“စောဝါးချဲ့က တာဝန်လွှဲပြောင်းဖို့အတွက်လာပြောတဲ့အချိန်မှာ စောလေးဝါးက ရတခ (အရှေ့တောင်တိုင်းစစ်ဌာနချုပ်) ရဲ့ ညွှန်ကြားစာပါလာလို့ ပြောတယ်။ ပါးစပ်နဲ့ညွန်းကြားရင် လက်မခံနိုင်ဘူးလို့ပြောတယ်၊ အဲဒီအချိန်မှာ စောဝါးချဲ့က သေနတ်နဲ့ချိန်တယ်” ဟု KPF အဖွဲ့မှ အဖွဲ့ဝင်တစ်ဦးက ဆိုသည်။ ထို့ကြောင့် မြန်မာတပ်ရင်းက စောလေးဝါးကို ခေတ္တခေါ်ထားလိုက်သည့်အတွက် စောလေးဝါးကို ထိန်းသိမ်းလိုက်မှာကို ကေပီအက်ဖ်တို့က စိုးရိမ်နေသည်ဟု KPF အဖွဲ့ဝင်တစ်ဦးက ဆိုသည်။
၎င်းကိစ္စနှင့်ပတ်သက်၍ ဗဟိုကော်မတီဝင် စောဝါးချဲ့ လာရောက်ပြောဆိုမှုကို ဒုတိယဗိုလ်မှူးကြီးစောလေးဝါးက လက်မခံနိုင်သဖြင့် ပဋိပက္ခဖြစ်ပွားခဲ့သည်ဟု KPF အသိုင်းအဝန်းမှ ပြောပါသည်။ ၄င်းရာထူးနေရာပြောင်းရွေ့ရေးမှာ ဌာနချုပ်မှလာခြင်းဖြစ်ပြီး ၄င်းအမိန့်အရ စောလေးဝါးမှာ ရာထူးမရှိဟု စောဝါးချဲ့ပြောဆိုမှုကို ကိုးကား၍ KPF အဖွဲ့ဝင်တစ်ဦးက ဆိုပါသည်။
“ဒီအမိန့်က တိုင်းစစ်ဌာနချုပ်ကလာတာဖြစ်နိုင်တယ်။ ကျွန်တော်တို့ကြားတာကတော့ စောလေးဝါးက နယ်ခြားစောင့်တပ်ကို လက်မခံနိုင်ဘူး၊ ဒါကြောင့် ဖြုတ်ချလိုက်တာနေမှာ” ဟု ၄င်းက ဆက်ပြောသည်။
ကရင်ငြိမ်းချမ်းရေးတပ်ဖွဲ့ (KPF) သည် ၁၉၉၇ ခုနှစ်တွင် ကေအန်ယူ တပ်မဟာ (၆) မှ တပ်ရင်း (၁၆) မှူးဟောင်း စောသူမူဟဲက နအဖထံမှ လက်နက်ချ ငြိမ်းချမ်းရေး ယူခဲ့ပြီး ၄င်းအချိန်တွင် အင်းအား ၃၀၀ ခန့်ရှိသည်ဟု ကရင်သတင်းစဉ်က ဆိုပါသည်။
စောလေးဝါးသည် ဘုရားသုံးဆူဒေသ ဝါကနိုင်းမှ သုံးဆူနယ်မြေရှိ ကေပီအက်ဖ်တပ်ရင်း အမှတ် ၃ မှ တပ်ရင်းမှူးဖြစ်ပြီး ဗဟိုကော်မတီဝင် စောဝါးချဲ့မှာ သံဖြူဇရပ်မြို့ အရှေ့တောင်ဘက် (၉) မိုင်ဝန်းကျင်ရှိ ရဲတံခွန်ကျေးရွာအနီးတွင် တာဝန်ယူထားသည်။
လွန်ခဲ့သည့် ဇူလိုင်လတွင် ကရင်းအမျိုးသားအစည်းအရုံး ကေအန်ယူမှ စောလေးဝါးအား ခေတ္တဖမ်းဆီးထားပြီ KPF သို့ပြန်ရောက်လာချိန်တွင် စောလေးဝါးအပေါ်တွင် KPF မှ ယုံကြည်မှုလျော့နည်းသွားသည်ဟု သုံးဆူရှိ KPF အရာရှိတစ်ဦးက ပြောသည်။
ကေပီအက်ဖ်မှ အိုင်အိုအရာရှိတစ်ဦး၏ အဆိုအရ အချို့သူများမှာ စောလေးဝါးအား ဆန့်ကျင်သူများလည်းရှိသည်။
လွန်ခဲ့သည့် မတ်လ (၃၀) ရက်နေ့တွင် နေပြည်တော်မှ ထိပ်တန်းမြန်မာအရာရှိအချို့အပါအဝင် အရှေ့တောင်တိုင်း စစ်ဌာနချုပ်တိုင်းမှူး ဗိုလ်ချုပ်သက်နိုင်ဝင်း တို့နှင့် KPF ခေါင်းဆောင် စောသမူဟဲ (ဥက္ကဌ)၊ စောဒေါဒေါ (ဒု-ဥက္ကဌ)၊ မန်းအောင်တင်မြင့် (အတွင်းရေးမှူး)၊ စောဝါးချဲ့ (ဗဟိုကော်မတီဝင်) တပ်ရင်းမှူးများ ဖြစ်ကြသည့် ဒုတိယဗိုလ်မှူးကြီး စောသြဘာ၊ ဒုတိယဗိုလ်မှူးကြီးစောအယ်ဆေး၊ ဒုတိယဗိုလ်မှူးကြီးစောလေးဝါး၊ တို့အား ရတခတွင် ခေါ်ယူတွေ့ဆုံစဉ် မြန်မာနယ်ခြားစောင့်တပ်ဖွဲ့ BGF သို့ ပြောင်း လဲရန် ညွှန်ကြားခဲ့သည် ကောင်းဝါသတင်းဌာနက ဆိုပါသည်။
လွတ်လပ်သောမွန်သတင်းအေဂျင်စီမှကူးယူဖော်ပြသည်။
(ဆက်ဖတ်ရန်...................)
ဖတ်ပြီးပြန်ခေါက်သိမ်းပေးခဲ့ပါ...
